សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពង់ស្ពឺ ៖ នៅក្នុងរយៈពេល២ខែដំបូងដើមឆ្នាំ២០២២កន្លងទៅនេះ ខណៈពេលដែលការរីករាលដាលនៃជំងឺឆ្លងត្រូវបានកាត់បន្ថយ និងឈានទៅរកភាពល្អប្រសើរនោះ សម្រាប់ទំហំពាណិជ្ជកម្មទ្វេភាគីរវាងកម្ពុជា -ចិន បានបន្តកើនឡើងរហូតដល់ប្រមាណជាង៣០ភាគរយធៀបទៅនឹងរយៈពេលដូចគ្នាកាលពីឆ្នាំ២០២១។
នៅក្នុងពិធីសម្ពោធដាក់ឱ្យប្រើប្រាស់ជាផ្លូវការផ្លូវជាតិលេខ៥១ នាព្រឹកថ្ងៃទី២៥ ខែមីនា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងថាក្នុងរយៈពេល២ខែដើមឆ្នាំ២០២២នេះ ទំហំពាណិជ្ជកម្មរវាងកម្ពុជា-ចិនមានចំនួនជាង ៣០ភាគរយ បើធៀបទៅនឹងឆ្នាំ២០២១ ។
សម្តេចតេជោ ហ៊ុន សែន បានមានប្រសាសន៍ថា៖
“ស្របពេលដែលភាពជាដៃគូសេដ្ឋកិច្ចគ្រប់ជ្រុងជ្រោយតំបន់ RCEP ចូលជាធរមាន ការនាំចេញទំនិញពីកម្ពុជាទៅកាន់ប្រទេសចិន ត្រូវបានសម្រួលយ៉ាងច្រើន យើងបាននាំអង្ករទៅប្រទេសចិនកើនឡើងខ្លាំង នៅដើមឆ្នាំ ២០២២នេះ។ បន្ថែមលើនេះ ចិនបានទទួលទិញទាំងមុខទំនិញផ្សេង មានទាំងមៀនប៉ៃលិន (តាង៉ែន) និងត្រីប្រា ក្នុងការសម្រួលការនាំចូលទៅកាន់ប្រទេសចិន”
សម្តេចតេជោ ហ៊ុន សែន បានលើកឡើងទៀតថា ៖
“ពេលនេះ យើងកំពុងបើកទីផ្សាររបស់យើងទៅកាន់ទីផ្សារចិន និងខិតខំបើកទីផ្សារជាមួយនឹងប្រទេសដទៃទៀត តាមរយៈការពង្រីកការនាំចេញ ពង្រីកការនាំចេញរបស់យើង ។ យើងបន្តបោះជំហាននេះបន្តទៀត ទោះបីជំងឺកូវីដ-១៩បានរារាំង យើង តែមិនអាចរារាំងដំណើរការអភិវឌ្ឍប្រទេសយើងបានឡើយ ពិសេសគម្រោងសាងសង់ជាច្រើន របស់ប្រទេសចិន”
យោងតាមស្ថិតិរបស់អគ្គនាយកគយ និងរដ្ឋករកម្ពុជានៃក្រសួងពាណិជ្ជកម្មបានឱ្យដឹងថា កាលពីឆ្នាំ២០២១ ទំហំពាណិជ្ជកម្មកម្ពុជា-ចិន បានកើនឡើងដល់ ១១ ១៤៤ ១៧៩, ២០៧.២៦ ដុល្លារ ឬកើនឡើងដល់ ៣៧.២៨ភាគរយ បើប្រៀបធៀបរយៈពេលដូចគ្នានៃឆ្នាំ២០២០។
សូមបញ្ជាក់ថា សម្តេចតេជោ ហ៊ុន សែន កាលពីថ្ងៃទី១៨ ខែមីនាឆ្នាំ២០២២កន្លងទៅនេះ បានជួបពិភាក្សាតាមទូរស័ព្ទជាមួយប្រធានាធិបតី ចិន ស៊ី ជីនពីងលើកិច្ចសហប្រតិបត្តិការព្រមពសេដ្ឋកិច្ចលើគ្រប់វិស័យផងដែរ។
សម្តេចតេជោ ហ៊ុន សែន និងលោក ស៊ី ជីនពីង ក៏បានផ្លាស់ប្តូរទស្សនៈគ្នាអំពីទំនាក់ទំនងកម្ពុជា- ចិនដែលប្រទេសទាំងពីរ គួរតែឆ្លៀតយកឱកាសឱ្យបានល្អ ពីកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) និងកិច្ចព្រមព្រៀងពាណិជ្ជកម្មសេរីចិន-កម្ពុជា (CCFTA) និងពង្រីកពាណិជ្ជកម្មទ្វេភាគីបន្ថែមទៀត។
លោក ស៊ី បានមានប្រសាសន៍ថា៖ ប្រទេសចិន និងកម្ពុជាគួរតែធ្វើកិច្ចសហប្រតិបត្តិការប្រកបដោយគុណភាពខ្ពស់ក្រោមគំនិតផ្តួចផ្តើមខ្សែក្រវាត់ និងផ្លូវ (BRI) ដោយអំពាវនាវឱ្យមានការខិតខំប្រឹងប្រែងកាន់តែខ្លាំងឡើង ដើម្បីជំរុញការសាងសង់គម្រោងធំៗ ដូចជាផ្លូវល្បឿនលឿន អាកាសយានដ្ឋាន និងតំបន់សេដ្ឋកិច្ចពិសេស។ លោកក៏បានអំពាវនាវឱ្យមានពង្រីកកិច្ចសហប្រតិបត្តិការលើវិស័យហិរញ្ញវត្ថុ និងសេដ្ឋកិច្ចឌីជីថល។
សូមបញ្ជាក់ថា ប្រទេសចិន បានក្លាយជាប្រទេសទី១ ដែលបានបញ្ចប់ការចរចាកិច្ចព្រមព្រៀងពាណិជ្ជកម្មសេរីជាមួយកម្ពុជា ដែលបានចូលជាធរមាននៅថ្ងៃទី ១ ខែមករា ឆ្នាំ២០២២។ កម្ពុជាបានរំពឹងទុកថា ការនាំទំនិញទៅកាន់ប្រទេសចិននឹងកើនឡើងបន្ថែមទៀត ដែលជាការជួយដល់កិច្ចខិតខំប្រឹងប្រែងរបស់ប្រទេសក្នុងការអភិវឌ្ឍន៍កសិកម្ម កាត់បន្ថយភាពក្រីក្រ និងបន្តគាំទ្រកម្ពុជាក្នុងការប្រយុទ្ធប្រឆាំងនឹងជំងឺកូវីដ-១៩៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
នាយករដ្ឋមន្ត្រីហុងគ្រីជាប់ឆ្នោតថ្មី ប្រកាសរំដោះទូរទស្សន៍រដ្ឋចេញពីឥទ្ធិពលអ្នកនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 17/04/2026
បេក្ខភាពជាប់ឆ្នោតថ្មីដែលនឹងត្រូវឡើងកាន់តំណែងជានាយករដ្ឋមន្ត្រីហុងគ្រីជាផ្លូវការក្នុងពេលបន្តិចទៀតនេះ លោក Peter Magyar បានប្តេជ្ញាថា នឹងផ្អាកប្រតិបត្តិការផ្សព្វផ្សាយព័ត៌មានរបស់ស្ថានីយទូរទស្សន៍រដ្ឋ (MTVA)
ក្រុមហ៊ុន ប៉េង ហួត គ្រុប ប្រារព្ធខួប ២០ឆ្នាំ និងបង្ហាញពីវិសាលភាពនៃការរីកចម្រើនលើផ្ទៃដីអភិវឌ្ឍន៍ជិត ១,០០០ ហិកតា ជុំវិញរាជធានីភ្នំពេញ
ព្រឹត្តិការណ៍, អត្ថបទពាណិជ្ជកម្ម
• 13/04/2026
ក្រុមហ៊ុន ប៉េង ហួត គ្រុប ដែលជាសសរស្តម្ភដ៏រឹងមាំក្នុងវិស័យអភិវឌ្ឍន៍អចលនទ្រព្យនៅកម្ពុជា បានរៀបចំពិធីជប់លៀងប្រចាំឆ្នាំយ៉ាងមហោឡារិក ដើម្បីអបអរសាទរដំណើរកសាងសមិទ្ធផលអស់រយៈពេល ២ទសវត្សរ៍
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content