សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សំបកពោត បើនៅជនបទគេអាចយកទៅឱ្យគោស៊ី តែបើនៅទីក្រុងហាក់បីដូចជាសំរាមដែលសល់ពីផ្លែពោតគឺពុំមានតម្លៃអ្វីឡើយ ប៉ុន្តែអ្វីដែលគួរឲ្យចាប់អារម្មណ៍នៅពេលនេះ គឺក្រោមគំនិតច្នៃប្រឌិត និងចូលរួមក្នុងការថែរក្សាបរិស្ថាន កាត់បន្ថយសំរាម យុវជនចំនួនពីរនាក់បានសហការគ្នាកែច្នៃសំបកពោតដែលគេបោះបង់ចោលទៅជាផ្កាដ៏ស្រស់ស្អាត និងអាចលក់បានក្នុងតម្លៃល្អថែមទៀតផង។
ផ្ទះផ្កាខ្មែរ ជាយីហោហាងលក់ផ្កាមួយកន្លែងដែលច្នៃពីសំបកពោតដោយផ្ទាល់ដៃទៅជាផ្កាច្រើនប្រភេទ ចម្រុះពណ៌ រាងរូវស្អាតមិនចាញ់ផ្កាស្រស់ ថែមទាំងមានអត្ថន័យ និងអាចរក្សាទុកបានយូរដោយមិនបារម្ភខ្លាចស្រពោនស្វិតដូចផ្កាស្រស់ទេ។
ក្រោមកិច្ចសហការគ្នារបស់យុវជនទាំង២នាក់ ផ្ទះផ្កាខ្មែរត្រូវបានបង្កើតឡើងដោយស្ថាបនិកម្នាក់ជាអ្នកជំនាញ និងម្នាក់ទៀតជាអ្នកគ្រប់គ្រងការលក់។
លោក វង្ស ហិរញ្ញនិយុទ្ធ សហស្ថាបនិកហាង ផ្ទះផ្កាខ្មែរ មានប្រាប់ AMS ថា ៖
“ផ្ទះផ្កាខ្មែរ ដែលមានទីតាំងនៅម្ដុំបឹងកេងកង រាជធានីភ្នំពេញ បង្កើតឡើងជាការចៃដន្យបំផុតដោយសារខ្ញុំពុំមែនជាអ្នកជំនាញខាងផ្កាពិតប្រាកដទេ តែខ្ញុំមានមិត្តភក្ដិម្នាក់ដែលគាត់ជាអ្នកធ្វើផ្កា ហើយខ្ញុំជាអ្នកផុសលក់តាមប្រព័ន្ធហ្វេសប៊ុក ខ្ញុំឃើញថាមានកាគាំទ្រច្រើន យើងក៏បានបង្កើតផ្ទះផ្កាខ្មែរនេះឡើង”
លោកបន្តថា ៖
“ចំណុចពិសេសរបស់ផ្កាពោតនេះគឺជាផ្កាដែលយើងច្នៃដោយដៃផ្ទាល់ ហើយវត្ថុធាតុដើមជាកាកសំណល់ ហើយក៏បានចូលរួមចំណែកក្នុងការថែរក្សាបរិស្ថានផងដែរ ដោយសារយើងយកផ្កាក្រៀមដែលគេបោះចោលមករៀបផ្គុំជាបាច់ផ្កា កន្ត្រកផ្កា ថូផ្កា ក៏ដូចជាប្រអប់កាដូអនុស្សាវរីយ៍ដ៏ស្រស់ស្អាត និងអាចរក្សាទុកបានយូរផងដែរ”
ជាមួយគ្នានេះដែរ លោក ភិន ពៅ ដែលជាសហស្ថានិកម្នាក់ និងជាអ្នកជំនាញរបស់ ផ្ទះផ្កាខ្មែរ បានលើកឡើងផងដែរថា សំបកពោតស្ងួតអាចបត់ជាផ្កាកុលាប ផ្លាលីលី ផ្កាអ័រគីដេផ្កាឈូករ័ត្ន ផ្កាទុយលីបជាដើម។ សំបកពោតដែលជាវត្ថុធាតុដើមនេះបានប្រមូលយកមកពីផ្សារ ក៏ដូចជាបងប្អូនអ្នកលក់ពោតខ្លះទៀតយកមកឱ្យដល់កន្លែងតែម្ដង។
លោកបានរៀបរាប់ថា ៖
“បន្ទាប់ពីបានសំបកពោតមក គេត្រូវហាលវាឱ្យស្ងួត បន្ទាប់មកគេត្រូវយកវាទៅស្ងោរពណ៌ផ្សេងតាមតម្រូវការ។ ការស្ងោរពណ៌នេះទៀតសោត ក៏ត្រូវការការយកចិត្តទុកដាក់ខ្ពស់ទាំងបរិមាណពណ៌ក្នុងលាយ ក៏ដូចជាកម្ដៅនៅពេលស្ងោរផងដែរ។ បន្ទាប់ពីស្ងោររួច គេយកសំបកពោតទៅហាល ២ទៅ៣ថ្ងៃសិន ទើបអាចយកទៅអ៊ុត កៀប ដើម្បីធ្វើជាស្រទាប់ៗ ទើបយកមកកាច់ផ្គុំផ្កាផ្សេងៗតាមតម្រូវការ។ ដោយសារត្រូវការហាលថ្ងៃច្រើនបែបនេះទើបគេញាប់ដៃញាប់ជើងសម្រុកហាលសំបកពោតទុកនៅរដូវប្រាំងចៀសវាងខ្វះសំបកពោតនៅរដូវវស្សា”
ចំពោះរយៈពេលផលិតវិញ ដើម្បីអាចទទួលបាននូវផ្កាសំបកពោតមួយទងៗគេត្រូវចំណាយពេល ២-៣នាទីចំពោះផ្កាដែលងាយកាច់ ផ្កាខ្លះចំណាយពេល២-៣ម៉ោង ហើយផ្កាខ្លះទៀតដូចជាផ្កាអ័រគីដេ និងផ្កាលីលីចំណាយពេលដល់ទៅកន្លះថ្ងៃក៏មាន។ ដោយឡែកសម្រាប់តម្លៃរបស់ផ្កាច្នៃពីសំបកពោតនេះមានចាប់ពី ១-២០ដុល្លារ ពោលគឺអាស្រ័យលើម៉ូដផ្កា។
លោក លោក វង្ស ហិរញ្ញនិយុទ្ធ បានរំឮកដែរថា ហាង ផ្ទះផ្កាខ្មែរ បង្កើតដំបូងនៅឆ្នាំ២០២១ គឺចាប់ផ្ដើមពីទុនតិចតួចប្រមាណ ១០-២០ ម៉ឺនរៀល ដោយសារគ្រាន់តែធ្វើផ្កាលក់នៅតាមរបងសាលាប៉ុណ្ណោះ រហូតដល់បច្ចុប្បន្នបានបង្កើតចេញជាហាងដែលត្រូវរ៉ាប់រងចំណាយលើការជួលទីតាំង ថ្លៃឈ្នួលបុគ្គលិក ក៏ដូចជាថ្លៃទឹក ភ្លើងផងដែរ។
ទាក់ទងទៅនឹងបញ្ហាប្រឈមដែលគេជួបប្រទះធំជាងគេនោះគេគឺ ការផលិត ដោយសារការធ្វើផ្កាមួយទងៗត្រូវការការផ្ចិតផ្ចង់ និងដាក់អារម្មណ៍ខ្លាំង ប្រសិនបើអារម្មណ៍មិនល្អ ឬក៏មិនសប្បាយចិត្តនោះពុំអាចផលិតផ្កាបានស្អាតនោះឡើយ។ មួយវិញទៀត នៅរដូវភ្លៀងក៏ចោទជាបញ្ហាផងដែរ ដោយសារសំបកពោតត្រូវការហាលថ្ងៃ តែបើពេលហាលវាត្រូវទឹកភ្លៀងសំបកពោតសើមនោះវាអាចនឹងដុះផ្សិតខូចពុំអាចផលិតបានឡើយ។
ជាចុងក្រោយ ស្ថាបនិករូបនេះ បានលើកទឹកចិត្តអ្នកដែលចង់កែច្នៃផ្កាដូចពួកគាត់ ត្រូវតាំងចិត្តធ្វើអស់ពីចិត្ត នោះលទ្ធផលនឹងអាចបាននូវអ្វីដែលចង់បាន។ ជាមួយគ្នានេះ លោកក៏សូមថ្លែងអំណរគុណដល់អតិថិជនដែលតែងតែគាំទ្រផ្កាសំបកពោត ហើយនៅថ្ងៃមុខលោកចង់ឃើញវត្តមានផ្កាពោតមានដាក់តាំងនៅគ្រប់ទីកន្លែង។ មួយវិញទៀត លោកក៏ចង់ចែករំលែកជំនាញកាច់ផ្កាសំបកពោតនេះដល់អ្នកដែលមានបំណងចង់រៀន ដែលជាផ្នែកមួយជួយផ្តល់ជំនាញដល់អ្នកជំនាន់ក្រោយ ដែលអាចរកបានចំណូលពីជំនាញនេះផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សន្និសីទធនាគារនៅកម្ពុជាលើកទី៥៖ “ការដាក់ចេញអាទិភាពសម្រាប់ស្ថិរភាពហិរញ្ញវត្ថុ បង្កើនជំនឿទុកចិត្ត និងកំណើនដោយចីរភាព”
ព្រឹត្តិការណ៍, អត្ថបទពាណិជ្ជកម្ម
• 21/08/2026
សមាគមធនាគារនៅកម្ពុជា(ABC) បានរៀបចំ សន្និសីទធនាគារនៅកម្ពុជា ឆ្នាំ២០២៦រយៈពេល២ថ្ងៃកាលពីថ្ងៃទី១៩ និង២០ ខែសីហា នៅសណ្ឋាគារ សុខា ភ្នំពេញ ក្រោមមូលបទ “ការរក្សាស្ថិរភាព ការពង្រឹងសុចរិតភាពហិរញ្ញវត្ថុ ទំនុកចិត្ត និងភាពជឿជាក់លើប្រព័ន្ធធនាគារ”
រយៈពេល ៣ឆ្នាំ កម្ពុជាទទួលបានគម្រោងវិនិយោគសរុបចំនួនជាង ១៤៩០គម្រោង ក្នុងទំហំទុនវិនិយោគជិត ២៦ពាន់លានដុល្លារ
Top News, ព្រឹត្តិការណ៍, សេដ្ឋកិច្ច
• 21/08/2026
ចាប់តាំងពីការកកើតរាជរដ្ឋាភិបាលក្នុងអាណត្តិទី៧ រហូតដល់ដំណាច់ខែកក្កដា ឆ្នាំ២០២៦ ក្រុមប្រឹក្សាអភិវឌ្ឍន៍កម្ពុជាទទួលបានគម្រោងវិនិយោគចុះបញ្ជីសរុបចំនួន ១ ៤៩៣គម្រោង ជាមួយនឹងដើមទុនសរុបចំនួនជិត ២៦ពាន់លានដុល្លារអាម៉េរិក
៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ
Top News, ព្រឹត្តិការណ៍, សេដ្ឋកិច្ច
• 21/08/2026
រយៈពេល ៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ បង្កើនប្រាក់ចំណូល
គ្រឹះស្ថាន ខេមា និង Mission Alliance រួមគ្នាពង្រឹងចំណេះដឹងហិរញ្ញវត្ថុ និងជំនាញអាជីវកម្មដល់សហគ្រិនខ្នាតមីក្រូ
ព្រឹត្តិការណ៍, អត្ថបទពាណិជ្ជកម្ម
• 21/08/2026
គ្រឹះស្ថាន ខេមា មីក្រូហិរញ្ញវត្ថុ លីមីតធីត និង Mission Alliance ប្រចាំប្រទេសកម្ពុជា បានចុះអនុស្សរណៈយោគយល់គ្នា ដើម្បីរួមគ្នាលើកកម្ពស់ចំណេះដឹងហិរញ្ញវត្ថុ និងជំនាញអាជីវកម្មដល់ម្ចាស់អាជីវកម្មខ្នាតមីក្រូ និងបុគ្គលស្វ័យនិយោជន៍ នៅតាមតំបន់ប្រតិបត្តិការរបស់គ្រឹះស្ថាន ខេមា
ព្រះមហាក្សត្រ ស្ដេចយាងសម្ពោធដាក់ឱ្យប្រើប្រាស់វិមានសាមគ្គីភាពនៃព្រឹទ្ធសភាកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
វិមានសាមគ្គីភាព នៃព្រឹទ្ធសភានៃព្រះរាជាណាចក្រកម្ពុជាត្រូវបានចាត់ទុកថា ការឆ្លុះបញ្ចាំងនូវយុគសម័យរុងរឿងរបស់កម្ពុជា ដែលមានមូលដ្ឋានកើតចេញពីគ្រឹះនៃសន្តិភាព ឯកភាពជាតិ និងកម្លាំងសាមគ្គីភាពជាតិដ៏រឹងមាំ
ចិន បង្ហាញក្ដីបារម្ភខ្លាំង ខណៈជប៉ុនមានលទ្ធភាពអាចផលិតនុយក្លេអ៊ែរបានរាប់ពាន់គ្រាប់
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
រដ្ឋាភិបាលក្រុងប៉េកាំង បានសម្តែងក្ដីបារម្ភចំពោះសមត្ថភាពនុយក្លេអ៊ែរដែលកំពុងកើនឡើង និងការផ្លាស់ប្តូរគោលជំហរក្នុងវិស័យការពារជាតិរបស់ក្រុងតូក្យូ ប្រទេសជប៉ុន ចង់ផលិតអាវុធនុយក្លេអ៊ែរ
បច្ចេកវិទ្យា AI កំពុងស្រូបទាញទុនរាប់ទ្រីលានដុល្លារ បង្កក្តីបារម្ភពីហានិភ័យហិរញ្ញវត្ថុ
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
ក្តីបារម្ភជុំវិញកំណើនបែបពពុះផុយស្រួយ (កំណើនពពុះស្រួយ) ផ្នែកហិរញ្ញវត្ថុ ក្នុងវិស័យបច្ចេកវិទ្យាបញ្ញាសិប្បនិម្មិត (AI) កំពុងក្លាយជាសំណួរដ៏សំខាន់ ខណៈក្រុមហ៊ុនបច្ចេកវិទ្យាយក្សនៅសហរដ្ឋអាមេរិកគ្រោងចំណាយថវិកា ១,១ ទ្រីលានដុល្លារ ចាប់ពីឆ្នាំ ២០២៦ ដល់ឆ្នាំ ២០២៩ ហើយការវិនិយោគលើវិស័យ AI ទូទាំងពិភពលោកត្រូវបានព្យាករណ៍ថានឹងកើនលើស ២,៥ ទ្រីលានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content