សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័របានរាយការណ៍ថា បណ្តាប្រទេសនៅអឺរ៉ុបខាងកើតមានបំណុលសរុបចំនួន ៣២ ពាន់លានដុល្លារនៅក្នុងឆ្នាំនេះ ដែលច្រើនជាង ៣ដង បើធៀបនឹងអំឡុងពេលដូចគ្នាកាលពីឆ្នាំមុន។
ប្រទេសប៉ូឡូញបានខ្ចីប្រាក់ពីទីផ្សារបរទេសជិត ៩ ពាន់លានដុល្លារ ដែលវាស្ថិតនៅលំដាប់ទី២ក្នុងចំណោមប្រទេសដែលមានទីផ្សារកំពុងរីកចម្រើនទាក់ទងនឹងការខ្ចីប្រាក់ពីបរទេសបន្ទាប់ពីអារ៉ាប៊ីសាអូឌីត។ ទន្ទឹមនឹងនេះដែរ រូម៉ានី និងហុងគ្រី ដែលបានខ្ចីប្រាក់រៀងគ្នាចំនួន ៦ ពាន់លានដុល្លារ និង ៥ ពាន់លានដុល្លារ ដែលជាអ្នកខ្ចីទី៤ និងទី៥ ក្នុងចំណោមទីផ្សារកំពុងរីកចម្រើន។ នេះជាលើកដំបូងហើយក្នុងរយៈពេលរាប់សិបឆ្នាំដែលប៉ែកអឺរ៉ុបខាងកើតចំនួន ៣ប្រទេសស្ថិតក្នុងចំណោមអ្នកខ្ចីប្រាក់ដែលមានទីផ្សាររីកចម្រើនខ្លាំងបំផុតនៅបរទេស។
បើយោងតាម Bloomberg បានបញ្ជាក់ថា ការកើនឡើងនៃការខ្ចីប្រាក់គឺបណ្តាលមកពីតម្រូវការកើនឡើង ដើម្បីកាត់បន្ថយការឧបត្ថម្ភធនដោយសារតែវិបត្តិថាមពលដែលនៅតែបន្តកើតមាន ក៏ដូចជាការកើនឡើងនៃការចំណាយទាក់ទងនឹងជម្លោះយោធានៅអ៊ុយក្រែន។ មិនត្រឹមតែប៉ុណ្ណោះ បណ្តាប្រទេសនៅអឺរ៉ុបខាងកើតក៏ត្រូវពង្រឹងសមត្ថភាពយោធា និងជួយជនភៀសខ្លួនពីរដ្ឋជិតខាងផងដែរ។
ទន្ទឹមនឹងនេះដែរ គោលនយោបាយ hawkish ដែលគេប្រៀបវាទៅនឹងសត្វឥន្រ្ទីយ៍ មានភាពឆេវឆាវ ហើយត្រូវបានប្រើនៅក្នុងលក្ខខណ្ឌមិនថាគោលនយោបាយរូបិយវត្ថុ ឬ យោធានោះទេ ក្នុងអំឡុងពេលជម្លោះដែលអាចកើតមាន។
គោលនយោបាននេះកំពុងត្រូវបានបន្តដោយធនាគារកណ្តាលសំខាន់ៗ ដែលធ្វើឱ្យមានតម្លៃថ្លៃខ្លាំងក្នុងការខ្ចីប្រាក់នៅក្នុងទីផ្សារមូលបត្របំណុល សូម្បីតែប្រទេសអ្នកមានក៏ត្រូវជួមប្រទះនឹងបញ្ហានេះដែរ។ ស្របពេលនេះដែរ ប្រទេសប៉ូឡូញត្រូវបង់ប្រាក់បន្ថែម ៥,៥ ភាគរយនៅក្នុងការប្រាក់ប្រចាំឆ្នាំសម្រាប់មូលបត្របំណុលថ្មីក្នុងរយៈពេល ៣០ ឆ្នាំ ដែលលើសពីអត្រាមូលប័ត្រដូចគ្នានេះដែរកាលពីនៅឆ្នាំ២០២១។
មិនត្រឹមតែប៉ុណ្ណោះ ការកើនឡើងអត្រាការប្រាក់ត្រូវបានព្យាករថានឹងបន្ថែមទៅលើឱនភាពថវិកាដែលកើនឡើងភ្លាមៗនៅទូទាំងអឺរ៉ុបខាងកើតដោយជៀសមិនរួច ព្រមទាំងដាក់សម្ពាធបន្ថែមទៀតលើហិរញ្ញវត្ថុនៅក្នុងតំបន់។ យោងតាមការប៉ាន់ស្មានរបស់អ្នកវិភាគនៅលើ Bloomberg បានបង្ហាញថា ឱនភាពថវិការបស់អឺរ៉ុបខាងកើតនឹងកើនឡើងដល់ ៤,៣ ភាគរយនៃផលិតផលក្នុងស្រុកសរុបក្នុងតំបន់សម្រាប់ឆ្នាំ២០២៣ ដែលកើនឡើងពី ១,៣ ភាគរយកាលពី២ឆ្នាំមុន។
យោងតាមលោក Daniel Wood ដែលជាអ្នកគ្រប់គ្រងផលប័ត្រប្រាក់ចំណូលនៅ William Blair International បានលើកឡើងថា ស្ថានភាពនៅអ៊ុយក្រែនប៉ះពាល់ដល់ឱនភាពសារពើពន្ធពីភាគីទាំង២ ដោយវាធ្វើឱ្យកំណើនយឺត និងបានកាត់បន្ថយការប្រមូលចំណូលរបស់រដ្ឋាភិបាល៕
Account
Security
Favourite Content