សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ប្រភពពីរដ្ឋាភិបាលនៃប្រទេសឥណ្ឌាកាលពីថ្ងៃពុធសប្តាហ៍នេះបានអះអាងថា នាយករដ្ឋមន្ត្រីនៃប្រទេសឥណ្ឌា លោក Narendra Modi នឹងធ្វើដំណើរទៅបំពេញទស្សនកិច្ចនៅប្រទេសចិនបន្ទាប់ពីអាក់ខានអស់រយៈពេល៧ឆ្នាំ ដែលផែនការមួយនេះជាសញ្ញាបង្ហាញពីការផ្សារភ្ជាប់ទំនាក់ទំនងល្អឡើងវិញជាមួយនឹងរដ្ឋាភិបាលទីក្រុងប៉េកាំង។
តាមផែនការ លោក Modi នឹងចូលរួមកិច្ចប្រជុំកំពូល Shanghai Cooperation Organization ដែលប្រព្រឹត្តទៅនៅថ្ងៃទី៣១ ខែសីហា ប៉ុន្តែយ៉ាងណាក្តី ក្រសួងការបរទេសរបស់ប្រទេសឥណ្ឌានៅមិនទាន់បានធ្វើការឆ្លើយតបណាមួយជាមួយអ្នកសារព័ត៌មានជុំវិញព័ត៌មាននេះនៅឡើយទេ។
សូមជម្រាបថា ដំណើរទេស្សនកិច្ចលើកនេះធ្វើឡើងនៅចំពេលដែលទំនាក់ទំនងរវាងឥណ្ឌា និងអាម៉េរិកកំពុងជួបបញ្ហារកាំរកូសខ្លាំង ដោយសារតែសហរដ្ឋអាម៉េរិកក្រោមរដ្ឋបាលប្រធានាធិបតីលោក Donald Trump បានព្យាយាមក្នុងការដំឡើងពន្ធគយដ៏ខ្ពស់ប្រឆាំងទៅនឹងផលិតផលដែលនាំចេញពីប្រទេសឥណ្ឌា។ បន្ថែមពីលើនេះ រដ្ឋាភិបាលក្រុងវ៉ាស៊ិនតោនក៏បានព្រមានផងដែរក្នុងការបន្តដាក់ទណ្ឌកម្មផ្សេងទៀតទៅលើប្រទេសឥណ្ឌា ដោយសារតែរដ្ឋាភិបាលក្រុងញូវដេលីមិនព្រមបញ្ឈប់ការបញ្ជាទិញប្រេងពីរុស្ស៊ី ។
គួរឲ្យដឹងដែរថា លោក Modi ធ្លាប់បានបំពេញទស្សនកិច្ចម្តង និងលើកដំបូងរបស់គាត់នៅប្រទេសចិនកាលពីខែមិថុនាឆ្នាំ២០១៨ ប៉ុន្តែក្រោយមកទំនាក់ទំនងរវាងមហាយក្សទាំងពីរ Sin-Indian ត្រូវបានធ្លាក់ចុះក្នុងកម្រិតទាបបំផុតចាប់តាំងតែពីមានផ្ទុះជម្លោះដោយយោធារវាងគ្នានៅតំបន់ព្រំដែនកាលពីឆ្នាំ២០២០៕
Account
Security
Favourite Content