វត្ថុអនុស្សាវរីយ៍បែបខ្មែរទទួលបានការពេញនិយមខ្លាំងក្នុងឱកាសបុណ្យចូលឆ្នាំខ្មែរ

ស្ថិតនៅក្នុងឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែរកន្លងទៅថ្មីៗនេះ វត្ថុអនុស្សាវរីយ៍បែបខ្មែរជាច្រើនប្រភេទ រួមមានដូចជា ក្រមា មួកស្លឹកត្នោត ខ្លុយ បន្តោងសោរ ជាដើម ដែលមានតម្លៃសមរម្យ ហាក់មានការគាំទ្រខ្លាំងពីសំណាក់ភ្ញៀវទេសចរទាំងជាតិ និងអន្តរជាតិ ខណៈដែលវត្ថុទាំងនេះមានទីផ្សារខ្លាំងទាំងការទិញទៅដាក់តាំងលម្អ និងទិញជូនជាវត្ថុអនុស្សាវរីយ៍ពេលត្រឡប់ទៅលំនៅដ្ឋានវិញ។

អ្នកស្រី ឈៀង ជីងនី ម្ចាស់សិប្បកម្ម ជីង នីរតនៈ លក់វត្ថុអនុស្សាវរីយ៍បានមានប្រសាសន៍ឱ្យដឹងថា នៅក្នុងឱកាសបុណ្យឆ្នាំខ្មែរកន្លងទៅនេះ សិប្បកម្មរបស់អ្នកស្រីមានការដាក់លក់នូវវត្ថុអនុស្សាវរីយ៍បែបខ្មេរជាច្រើនប្រភេទ ប៉ុន្តែជាការកត់សម្គាល់លក់ដាច់ភាគច្រើនជាប្រភេទក្រមា និងផលិតផលច្នៃពីក្រមា ដូចជា កាបូបក្រមាស្ពាយ ការបូបដៃ និងមួកធ្វើពីស្លឹកត្នោត ដែលគេនិយមទិញយកទៅប្រើប្រាស់ និងដាក់់តាំងលម្អ។

អ្នកស្រីបានបន្ថែមថា ៖

“សម្រាប់ឱកាសចូលឆ្នាំនេះខ្ញុំបានដាក់លក់នៅស្តង់ពិព័រណ៍នាខេត្តស្វាយរៀង ហើយអតិថិជនដែលនិយមទិញផលិតពីក្រមានេះភាគច្រើនជាអ្នកទេសចរ ឬបងប្អូនដែលមកលេងស្រុកដែលអាចទិញជាប្រភេទក្រមាសម្រាប់ប្រើប្រាស់ផង និងកាបូបក្រមាសម្រាប់ស្ពាយដើរលេងផង”

ពាក់ព័ន្ធនឹងតម្លៃវិញ ម្ចាស់សិប្បកម្មរូបនេះបន្តថា ៖

“តម្លៃរបស់ផលិតផលពីក្រមារបស់យើងមានតម្លៃពី ៣-២៨ដុល្លារ អាស្រ័យទៅលើទំហំ និងម៉ូដរបស់កាបូបក្រមា ហើយម្យ៉ាងទៀតផលិតទាំងនេះសុទ្ធតែត្រូវបានផលិតឡើងយ៉ាងផ្ចិតផ្ចង់ យកចិត្តទុកដាក់ទៅលើពីសោភ័ណភាព និងគុណភាព ដែលបងប្អូនទិញហើយមានទំនុកចិត្តបាន”

ដោយឡែក ទាក់ទងទៅនឹងការលក់វិញ ម្ចាស់សិប្បកម្មខាងលើនេះបន្ថែមថា ភាគច្រើនគឺលក់នៅតាមពិព័រណ៍ផ្សេងៗ ពោលគឺដើរលក់គ្រប់ខេត្តក្រុង និងមាននាំចេញទោដាក់បង្ហាញនៅក្រៅប្រទេសផងដែរ ដូចជា ប្រទេសថៃ និងប្រទេសចិនជាដើម។ ចំពោះផលិតផលរបស់សិប្បកម្មនេះ ក្រៅពីផលិត និងច្នៃពីក្រមា ក៏ដូចជាមួកស្លឹកត្នោត សិប្បកម្មក៏មានផលិត និងលក់គ្រឿងវត្ថុអនុស្សាវរីយ៍ធ្វើឡើងដោយដៃផ្សេងទៀត ដូចជា ខ្សែដៃ ត្បូងថ្មធម្មជាតិ បន្តោងសោរ និងផលិតផលធ្វើពីដើមត្នោត ។

គួរបញ្ជាក់ដែរថា អ្នកស្រី ជីងនី បានចាប់ផ្ដើមអាជីវកម្មលក់ផលិតផលវត្ថុអនុស្សាវរីយ៍បែបខ្មែរនេះតាំងពីឆ្នាំ២០១៥ ដោយសារមានចិត្តស្រឡាញ់ផ្នែកជំនាញកែច្នៃ និងកាត់ដេរក្រមាធ្វើជាផលិតផលប្រើប្រាស់ស្អាតៗ ហើយក៏ជាផ្នែកមួយជួយរកទីផ្សារដល់បងប្អូនក្នុងសហគមន៍ដែលជាអ្នកតម្បាញផងដែរ។ ចុងក្រោយ អ្នកស្រីក៏សូមថ្លែងអំណរគុណដល់អតិថិជនដែលតែងតែគាំទ្រ និងសូមអំពាវនាវដល់បងប្អូនជួយគាំទ្រផលិតផលខ្មែរបន្តទៀត ដើម្បីជួយលើកកម្ពស់ផលិតផលក្នុងស្រុក និងអាចជួយបង្កើនសេដ្ឋកិច្ចដល់បងប្អូនក្នុងសហគមន៍៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...