គ្រឹះស្ថានសមាជិកទាំងអស់របស់ CBC បានផ្តល់ឥណទានសរុបជិត ៤០ ពាន់លាន

ភ្នំពេញ ៖ គ្រឹះស្ថានធនាគារ និងហិរញ្ញវត្ថុបានផ្តល់ឥណទានសរុបចំនួន ៣៩.៨៤ ពាន់លានដុល្លារអាមេរិក ដល់ប្រជាជនចំនួន ៤.៤៥ លាននាក់នៅក្នុង ២៥ រាជធានី ខេត្ត គិតត្រឹមខែធ្នូ ឆ្នាំ២០២១។ នេះបើយោងតាមរបាយការណ៍ស្តីពីស្ថានភាពឥណទាននៅកម្ពុជា ឆ្នាំ២០២១ របស់ក្រុមហ៊ុន ក្រេឌីត ប្យួរ៉ូ (ខេមបូឌា) ខូ អិលធីឌី (CBC)។

យោងតាមរបាយការណ៍ខាងលើបានឱ្យដឹងថា គិតត្រឹមខែធ្នូ ឆ្នាំ២០២១ CBC មានសមាជិកសរុបចំនួន ១៧៦ ស្ថាប័ន ដោយរួមបញ្ចូលទាំងធនាគារ គ្រឹះស្ថានមីក្រូហិរញ្ញវត្ថុ ក្រុមហ៊ុនភតិសន្យា និងគ្រឹះស្ថានឥណទានជនបទ ហើយគិតត្រឹមខែធ្នូ ឆ្នាំ២០២១ គ្រឹះស្ថានជាសមាជិកទាំងអស់បានផ្តល់ឥណទានសរុបចំនួន ៣៩.៨៤ ពាន់លានដុល្លារអាមេរិក ដល់ប្រជាជនចំនួន ៤.៤៥ លាននាក់នៅក្នុង២៥ រាជធានី ខេត្ត។

ក្នុងនោះ ខេត្ត ក្រុង ឬរាជធានីចំនួន ៤ គឺ រាជធានី ភ្នំពេញ កណ្ដាល សៀមរាប និងកំពង់ស្ពឺ បានផ្តល់ឥណទានជិត ៦០% នៃសមតុល្យឥណទានសរុប រាជធានីភ្នំពេញ មានបរិមាណឥណទានច្រើនជាងគេចំនួន ១៧.១៤ ពាន់លានដុល្លារអាមេរិកស្មើនឹង ៤៣%នៃសមតុល្យឥណទានទូទាំងប្រទេស និងមានអ្នកខ្ចីប្រាក់សរុបចំនួន ៥៥.៤៩ ម៉ឺននាក់។

បន្ទាប់មក គឺខេត្តកណ្តាលមានបរិមាណឥណទានចំនួន ២.៣៥ ពាន់លានដុល្លារអាមេរិកស្មើនឹង ៦% នៃសមតុល្យឥណទានទូទាំងប្រទេស និងមានអ្នកខ្ចីប្រាក់សរុបចំនួន ៣៥.២៤ ម៉ឺននាក់។ ខេត្តសៀមរាបគឺជាខេត្តបន្ទាប់ ដែលមានបរិមាណឥណទានខ្ពស់លំដាប់ទី៣គឺ ប្រមាណ ២.២៥ ពាន់លានដុល្លារ អាមេរិក ស្មើនឹង ៦% នៃសមតុល្យឥណទានទូទាំងប្រទេស និងមានអ្នកខ្ចីប្រាក់សរុបចំនួន ២៩.៨៤ ម៉ឺននាក់។ កំពង់ស្ពឺ គឺជាខេត្តដែលមានបរិមាណ ឥណទានខ្ពស់លំដាប់ទី៤ គឺ ១.៨៩ ពាន់លានដុល្លារអាមេរិកស្មើនឹង ៥% នៃសមតុល្យឥណទាន សរុប ហើយមានអ្នកខ្ចីប្រាក់សរុបចំនួន ៣១.៨៧ ម៉ឺននាក់។ រាជធានី ខេត្ត ដែលមានបរិមាណឥណទានទាបនៅឡើយក្រោម ២០០ លានដុល្លារអាមេរិក មានដូចជាស្ទឹងត្រែង មណ្ឌលគិរី ប៉ៃលិន និងកែប។

ជារួម អតិថិជនដែលខ្ចីប្រាក់ពីមួយស្ថាប័នមានចំនួនប្រហែល ៧៨% ហើយ ស្វាយរៀង ភ្នំពេញ ព្រះសីហនុ និងកំពង់ស្ពឺ មានអត្រាអ្នកប្រាក់តែមួយស្ថាប័នលើសពី ៨០% ដែលជាអត្រាមួយល្អ។

សម្រាប់ការប៉ាន់ស្មានអំពីទំហំទីផ្សារវិញ គិតត្រឹមចុងឆ្នាំ២០២១ អត្រានៃការប្រើប្រាស់ឥណទានជាមធ្យមនៅក្នុងខេត្តនីមួយៗមានប្រមាណ ៤៣.៥៤% ធៀបនឹងចំនួនប្រជាជនសរុបដែលមានអាយុចាប់ពី១៨ឆ្នាំឡើងទៅ។ ខេត្តដែលមាន អត្រានៃការប្រើប្រាស់ច្រើនជាងគេគឺ កំពង់ស្ពឺ(៥៧%) រាជធានីភ្នំពេញ(៥៦%) រតនគិរី(៥៦%) ព្រះវិហារ(៥៦%) ប៉ៃលិន (៥៤%) ឧត្តរមានជ័យ(៥៣%) និង មណ្ឌលគិរី(៥១%) ។ បាត់ដំបង ត្បូងឃុំ ព្រៃវែង បន្ទាយមានជ័យ ស្ទឹងត្រែង កំពង់ចាម ជាខេត្តដែលមានអត្រានៃការប្រើប្រាស់ឥណទានទាបគេ ក្រោម៣៩%។

បើមើលទៅលើគុណភាពឥណទានវិញ ជារួមអត្រានៃការសងត្រលប់យឺតលើសពី៩០ មានចំនួន១.៣១% ប៉ុណ្ណោះ ត្រឹមចុងឆ្នាំ២០២១។ ខេត្តដែលមានអត្រានៃការសងត្រលប់យឺតលើសពី៩០ថ្ងៃ ទាបជាងគេមាន កែប(០.៥៨%) ព្រះវិហារ(០.៦២%) តាកែវ(០.៦២%) កំពង់ស្ពឺ(០.៧៦%) ព្រៃវែង(០.៧៦%) និងកំពត(០.៧៧%)។ បើយើងមើលទៅលើខេត្ត និងរាជធានីចំនួន៤ ដែលមាន សមតុល្យឥណទានជិត ៦០%នៃសមតុល្យឥណទានសរុប គឺ មានអត្រានៃអ្នកសង ត្រលប់យឺត ទាបក្រោម ២% ប៉ុណ្ណោះ មានដូចជា កំពង់ស្ពឺ(០.៧៦%) រាជធានីភ្នំពេញ(១.១១%) កណ្តាល(១.៣៨%) និង បាត់ដំបង(១.៩៨%) ហើយដោយឡែក ខេត្តសៀមរាប មានចំនួន ៣.០៦%៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

ព័ត៌មានទូទៅ

មើលទាំងអស់ ➧

កម្មវិធីជំនាញសេវាកម្មអភិវឌ្ឍន៍អាជីវកម្ម ជួយជំរុញសហគ្រាសធុនតូច និងមធ្យមឱ្យរីកចម្រើន

ព្រឹត្តិការណ៍, សេដ្ឋកិច្ច

• 09/07/2026

កម្មវិធីជំនាញសេវាកម្មអភិវឌ្ឍន៍អាជីវកម្ម ជំរុញ SME ឱ្យរីកចម្រើន ពង្រឹងសមត្ថភាពរបស់អ្នកជំនាញធុរកិច្ច ទីប្រឹក្សា គ្រូបណ្តុះបណ្តាល និងអ្នកផ្តល់សេវាកម្ម

រដ្ឋចំនួន ៤ នៅអាម៉េរិក ដាក់ពាក្យប្តឹងក្រុមហ៊ុន Meta ទារប្រាក់ពិន័យ ១,៤ ទ្រីលានដុល្លារ

ព្រឹត្តិការណ៍, អាជីវកម្មថ្មី និងនវានុវត្ត

• 09/07/2026

ក្រុមហ៊ុនបច្ចេកវិទ្យាយក្ស Meta របស់លោក Mark Zuckerberg អាចនឹងប្រឈមមុខនឹងការពិន័យជាប្រាក់រហូតដល់ ១,៤ ទ្រីលានដុល្លារ បន្ទាប់ពីរដ្ឋចំនួន ៤ របស់សហរដ្ឋអាម៉េរិកបានចោទប្រកាន់ក្រុមហ៊ុននេះថា បានបង្កើតកម្មវិធី Facebook និង Instagram ឡើងក្នុងគោលបំណងទាក់ទាញកុមារ

ដំណើរទស្សនកិច្ចរបស់មន្ត្រីជាន់ខ្ពស់បារាំងនៅកម្ពុជា មិនត្រឹមតែបង្កើនពាណិជ្ជកម្ម ការវិនិយោគ តែជាផ្នែកមួយនៃតុល្យភាពភូមិសាស្ត្រនយោបាយ

ព្រឹត្តិការណ៍, សេដ្ឋកិច្ច

• 09/07/2026

ភ្នំពេញ ៖ លោក នីកូឡា ហ្វ័ររីស្យេ រដ្ឋមន្ត្រីប្រតិភូអមរដ្ឋមន្ត្រីក្រសួងអឺរ៉ុប និងការបរទេស ទទួលបន្ទុកពាណិជ្ជកម្មបរទេស និងទាក់ទាញការវិនិយោគ មានដំណើរទស្សនកិច្ចនៅកម្ពុជាក្នុងសប្ដាហ៍នេះ នាថ្ងៃទី៩ និងទី១០ ខែកក្កដា ឆ្នាំ២០២៦ ក្នុងគោលបំណងពង្រឹងទំនាក់ទំនងសេដ្ឋកិច្ចរវាងបារាំង -កម្ពុជា ព្រមទាំងបង្កើនការវិនិយោគរបស់បារាំងនៅក្នុងប្រទេសកម្ពុជាផងដែរ ។ នេះតាមសេចក្តីប្រកាសព័ត៌មានរបស់ស្ថានទូតបារាំងប្រចាំកម្ពុជា។ ទាក់ទងនឹងដំណើរទស្សនកិច្ចនេះ

ការកែច្នៃគ្រាប់ស្វាយចន្ទីនៅក្នុងស្រុក នឹងជួយបង្កើតតម្លៃបន្ថែមដល់សេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 09/07/2026

ការជំរុញការកែច្នៃគ្រាប់ស្វាយចន្ទីនៅក្នុងស្រុក ស្របតាម «គោលនយោបាយជាតិស្តីពីស្វាយចន្ទី» គឺជាសោរគន្លឹះក្នុងការបំប្លែងកម្ពុជាពីប្រទេសនាំចេញវត្ថុធាតុដើមឆៅទៅជា “អធិរាជកែច្នៃ និងនាំចេញ” ផលិតផលសម្រេច ដែលជាក្បាលម៉ាស៊ីនរុញច្រានការធ្វើពិពិធកម្មសេដ្ឋកិច្ច

ជំនន់នៃការផ្គត់ផ្គង់លំនៅឋានមុនវិបត្តិកូវីដ១៩ បានបន្សល់ទុកបញ្ហាទីផ្សារមកដល់ពេលបច្ចុប្បន្ន

ព្រឹត្តិការណ៍, អចលនទ្រព្យ

• 09/07/2026

មុនវិបត្តិកូវីដ១៩ អ្នកអភិវឌ្ឍន៍សំណង់ និងអចលនទ្រព្យ ជាពិសេស លំនៅឋាន បាននាំគ្នាសម្រុកសាងសង់ និងអភិវឌ្ឍ ដែលធ្វើឱ្យវិស័យនេះមានកំណើនកើនឡើងយ៉ាងខ្ពស់ដល់ចំណុចកំពូល

ប៊ុលហ្ការី បង្ហោះផ្កាយរណបថ្មីចំនួន ១០ គ្រឿង និងត្រៀមពង្រីកសក្ដានុពលរបស់ខ្លួនក្នុងវិស័យយោធា

ព្រឹត្តិការណ៍, អាជីវកម្មថ្មី និងនវានុវត្ត

• 09/07/2026

កាលពីថ្ងៃអង្គារសប្ដាហ៍នេះ មេដឹកនាំប្រទេសប៊ុលហ្ការី បានបង្ហាញវត្តមាននៅក្នុងព្រឹត្តិការណ៍បាញ់បង្ហោះផ្កាយរណបថ្មីៗចំនួន១០គ្រឿងទៀតរបស់ខ្លួនចូលទៅក្នុងលំហអាកាស

ក្រុមហ៊ុន LG បោះទុន ១ ពាន់លានដុល្លារ សាងសង់រោងចក្រផលិតឈីបនៅវៀតណាម

ព្រឹត្តិការណ៍, សេដ្ឋកិច្ច

• 09/07/2026

ក្រុមហ៊ុនកូរ៉េខាងត្បូង LG Innotek បោះទុន ១ ពាន់លានដុល្លារ ដើម្បីសាងសង់រោងចក្រផលិតឈីបពាក់កណ្តាលចម្លង (semiconductor) នៅក្នុងទីក្រុងហាយហ្វុង ប្រទេសវៀតណាម

លោក ដូណាល់ ត្រាំ បញ្ជាឱ្យកាត់ផ្តាច់ពាណិជ្ជកម្មជាមួយ អេស្ប៉ាញ ជុំវិញរឿងចំណាយលើណាតូ និងសង្រ្គាមអ៊ីរ៉ង់

ព្រឹត្តិការណ៍, សេដ្ឋកិច្ច

• 09/07/2026

ប្រធានាធិបតីអាម៉េរិក លោក ដូណាល់ ត្រាំ បញ្ជារដ្ឋាភិបាលរបស់លោកឱ្យផ្អាករាល់សកម្មភាពពាណិជ្ជកម្មភ្លាមៗជាមួយអេស្ប៉ាញ ពាក់ព័ន្ធនឹងការបដិសេធមិនព្រមបង្កើនការចំណាយទៅលើណាតូ និង បដិសេធអាម៉េរិកពីការប្រើប្រាស់មូលដ្ឋានទ័ពអាកាសរបស់ខ្លួន

BYD Sealion 5 EV ប្រភេទ SUV រថយន្តអគ្គិសនីសុទ្ធ បើកបរបានឆ្ងាយចាប់ផ្តើមបង្ហាញខ្លួនហើយ

ព្រឹត្តិការណ៍, អាជីវកម្មថ្មី និងនវានុវត្ត

• 09/07/2026

BYD ដែលជាក្រុមហ៊ុនផលិតរថយន្តអគ្គិសនីដ៏ធំនៅក្នុងសកលលោក បាននាំយកសែស្រឡាយថ្មីរបស់ខ្លួន BYD Sealion 5 EV ជាប្រភេទរថយន្ត SUV ប្រើអគ្គិសនីសុទ្ធ បើកបរបានឆ្ងាយចូលទីផ្សារកម្ពុជា