សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ មន្ត្រីជាន់ខ្ពស់នៃក្រសួងកសិកម្ម បានឱ្យដឹងថា ទីផ្សារ និងតម្លៃស្រូវនៅដើមរដូវប្រមូលផលនាឆ្នាំនេះបានត្រឡប់មករកស្ថានភាពល្អប្រសើរវិញ ក្រោយរដូវភ្ជុំបិណ្ឌបានបញ្ចប់ ខណៈដែលរោងម៉ាស៊ីនកិនស្រូវក្នុងស្រុកក៏កំពុងប្រមូលទិញពីកសិករសម្រាប់ត្រៀមធ្វើការនាំចេញទៅកាន់ទីផ្សារប្រទេសជិតខាងផងដែរ។
ឯកឧត្តមបណ្ឌិត យ៉ង សាំងកុមារ បានបញ្ជាក់ថា តាមរបាយការណ៍របស់មន្រ្តីកសិកម្មឃុំបានឱឲ្យដឹងថា តម្លៃស្រូវក្នុងឃុំរាំងកេសី ស្រុកសង្កែ និងឃុំធិបតីស្រុកគាស់ក្រឡ ខេត្តបាត់ដំបង ចាប់តាំងពីថ្ងៃទី៤ ខែតុលា ឆ្នាំ២០២៤ មានការកើនឡើងតម្លៃបន្តិចវិញ ពោលគឺស្រូវស្រងែស្រាល លេខ១ មានតម្លៃ១០០០រៀលក្នុង១គីឡូក្រាម ចំណែកលេខ២ តម្លៃ៩៨០រៀលក្នុង១គីឡូក្រាម ហើយប្រភេទស្រូវ OM មានតម្លៃចន្លោះពី ៩៤០រៀល ទៅ ៩៦០រៀលក្នុង១គីឡូក្រាម។
ឯកឧត្តម ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានអំពាវនាវឱ្យប្រជាកសិករកុំគម្បីច្រូតកាត់ប្រមូលទិន្នផលស្រូវទាំងមិនទាន់ទុំល្អដោយសារតែឃើញតម្លៃស្រូវថ្លៃនោះទេ ប៉ុន្តែគួរទុករហូតដល់ស្រូវទុំល្អទើបច្រូកប្រមូលផល ហើយហាល់ឱ្យស្ថួតល្អដែលជាតម្រូវការជាក់ស្ដែងរបស់បណ្តរោងម៉ាស៊ីន ហើយក៏អាចទទួលបានតម្លៃថ្លៃជាងស្រូវសើមដែរ។
ឯកឧត្តម ឃឹម ហ្វីណង់ បានបញ្ជាក់ថា ជាទូទៅ ភាគច្រើនចំពោះស្រូវដែលមានគុណភាពត្រូវស្តង់ដារ មានតម្លៃមិនក្រោម ១០០០រៀលក្នុង១គីឡូនោះទេ។ ដូច្នេះសូមបងប្អូនប្រជាកសិករកុំមានការព្រួយបារម្ភ រោងម៉ាស៊ីនភាគច្រើននៅតែបន្តទទួលទិញស្រូវដដែលជាមួយនឹងតម្លៃស្ដង់ដារទីផ្សារ។ សម្រាប់ស្រូវ OM ដែលមានគុណភាពស្តង់ដារ និងប្រើប្រាស់ពូជសុទ្ធល្អ រោងម៉ាស៊ីនអាចទិញក្នុងតម្លៃជាមធ្យមចាប់ពី១០០០រៀល ក្នុង១គីឡូក្រាមឡើងទៅ ហើយចំណែកឯស្រូវសែនក្រអូបមានតម្លៃចន្លោះពី១៣០០រៀល ទៅ ១៤០០រៀលក្នុង១គីឡូក្រាម។
យោងតាមព័ត៌មានពីសហព័ន្ធស្រូវអង្ករកម្ពុជា តម្លៃស្រូវតាមរោងម៉ាស៊ីនមួយចំនួន និងនៅរោងម៉ាស៊ីន City Rice ខេត្តបាត់ដំបង (ថ្ងៃទី៦ ខែតុលាឆ្នាំ២០២៤) តម្លៃស្រូវស្រងែមានតម្លៃ១០៥០/គ.ក្រ និងស្រូវ OM5451 តម្លៃ១០១០៛ក្នុង១គីឡូក្រាម ដែលតាមតួលេខនេះ តម្លៃស្រូវតាមរោងម៉ាស៊ីននៅខេត្តតំបន់ពាយ័ព្យមានតម្លៃប្រសើរឡើងមួយកម្រិត៕
Account
Security
Favourite Content