មាន់ស្រែសហគមន៍កសិកម្ម កំពុងមានតម្រូវការទីផ្សារ ស្របពេលអនុវិស័យចិញ្ចឹមសត្វរីកចម្រើន

បច្ចុប្បន្ន សហគមន៍កសិកម្មកន្ទ្រាំងបល្ល័ង្ក រស្មីស្ត្រីសាមគ្គី បាន និងកំពុងផលិតបន្លែគ្រប់មុខ និងចិញ្ចឹមមាន់ស្រែដែលផលិតផលកសិកម្មទាំងនេះបានធានាអំពីគុណភាព សុវត្ថិភាព មិនធ្វើឱ្យប៉ះពាល់ដល់សុខភាពអ្នកទទួលទានឡើយ ខណៈផលិតផលសហគមន៍ទាំងនេះកំពុងមានតម្រូវការទីផ្សារ ស្របពេលដែលអនុវិស័យចិញ្ចឹមសត្វ និងដំណាំមានភាពរីកចម្រើន។

អនុប្រធានក្រុមប្រឹក្សាភិបាលនៃសហគមន៍កសិកម្មកន្ទ្រាំងបល្ល័ង្ក រស្មីស្ត្រីសាមគ្គី លោក សាន សំណាង បានឱ្យដឹងថា ចំពោះដំណាំបន្លែគ្រប់ប្រភេទ ជាពិសេសមាន់​ស្រែ ដែលសមាជិកសហគមន៍ចិញ្ចឹម និងផលិតបាន ត្រូវបានធានាទាំងគុណភាព អនាម័យ និងការដំាដុះ មិនប៉ះពាល់ដល់សុខភាពអ្នកទទួលទាននោះទេ ដោយសារផលិតផលទាំងនោះ បានការត្រួតពិនិត្យគុណភាព និងបច្ចេក​ទេស​​​​ដាំដុះ ក៏ដូចជាបច្ចេកទេសចិញ្ចឹមសត្វពីស្ថាប័នជំនាញ។

លោក សាន សំណាង បានប្រាប់ AMS ថា ការបង្កើតសហគមន៍នេះឡើងក្នុងគោលបំណងផ្តល់ផលចំណេញជូនប្រជាសហគមន៍ដោយជួយសម្របសម្រួលជូនកសិករស្វែងរកទីផ្សារបន្លែ និងមាន់ស្រែ ដែលកំពុងមានតម្រូវការទីផ្សារក្នុងស្រុក។

លោក សំណាង បានប្រាប់ថា ក្រៅពីជួយសម្របសម្រួលផ្នែកទីផ្សារហើយនោះ សហគមន៍ក៏មានគំាទ្រទៅលើខ្សែច្រវាក់ផលិតផលកសិកម្មមួយចំនួនដូចជា ការផ្គត់ផ្គង់ធាតុចូលរួមគ្នា មានជី ថ្នាំកសិកម្ម សម្ភារៈកសិកម្មជាច្រើនក្នុងតម្លៃសមរម្យ ហើយក៏មានផ្តល់កម្ចីឥណទានសម្រាប់ដំណើរការអាជីវកម្មក្នុងអត្រាការប្រាក់ ប្រសើរជាងកសិករទៅស្វែងរកកម្ចីក្រៅផ្លូវការដែលមានអត្រាការប្រាក់ខ្ពស់។


អនុប្រធានក្រុមប្រឹក្សាភិបាលរូបនេះបានបន្ថែមទៀតថា ដោយសារតែតម្រូវការទីផ្សារមាន់ស្រែបន្តមានកំណើនជារៀងរាល់ថ្ងៃ បច្ចុប្បន្ន សហគមន៍កសិកម្មកន្ទ្រាំងបល្ល័ង្ករស្មីស្ត្រីសាមគ្គី បានបង្កើនលទ្ធភាពចិញ្ចឹម ដម្បីផ្គត់ផ្គង់ចូលទីផ្សារ ទាំងនៅក្នុងតំបន់ ក៏ដូចជានាំចេញទៅតាមបណ្តាខេត្ត ក្រុងផ្សេងៗ ដោយការចិញ្ចឹមអាចចំណាយពេលចាប់ពី៣ខែកន្លះ ទៅ ៤ខែ គឺអាចចាប់លក់បានដោយជាមធ្យមក្នុងមួយខែមានចំនួនប្រមាណ៥០០ក្បាល ។

 លោក សាន សំណាង បានបញ្ជាក់ឱ្យដឹងផងដែរថា ចំពោះទីផ្សារមាន់ស្រែរបស់សហគមន៍ដែលអាចចាប់លក់បាននៅពេលដែលមាន់ធំមានទម្ងន់ប្រមាណ ១,២គីឡូ ឬ ១,៥គីឡូក្រាម ហើយជាទូទៅលក់ក្នុងតម្លៃ ១៥ ០០០រៀលក្នុងមួយគីឡូក្រាម ប៉ុន្តែផលិតផលទាំងនោះ ក៏អាចឡើងថ្លៃជាងនេះបន្តិចតាមតម្លៃទីផ្សារនៅក្នុងរដូវបុណ្យទានម្តងៗ។

សូមបញ្ជាក់ថា សហគមន៍កសិកម្មមួយនេះមានទីតាំងស្ថិតនៅក្នុងឃុំកន្ទ្រាំង ​ស្រុកប្រាសាទបាគង ខេត្តសៀមរាប ដោយកសិករដែលអាចចូលជាសមាជិកបានអាស្រ័យស្របតាមការកំណត់របស់សហគមន៍ ដូចជា ត្រូវទិញភាគហ៊ុនក្នុងសហគមន៍យ៉ាងហោចណាស់មួយហ៊ុន និងត្រូវមានផ្ទៃដីសម្រាប់ធ្វើកសិកម្ម ដូចជា សម្រាប់ចិញ្ចឹមមាន់ សម្រាប់ដាំបន្លែ ឬធ្វើស្រែជាដើម ព្រោះសហគមន៍ផ្តោតសំខាន់ទៅលើគ្រួសារកសិករ ដែលធ្វើអាជីវកម្មកសិកម្មពិតប្រាកដ។

សូមជម្រាបថា បច្ចុប្បន្នសមាជិកក្នុងសហគមន៍កសិកម្ម មានចិញ្ចឹមមាន់ស្រែ ចំនួន ៤៥គ្រួសារ (១០គ្រូសារ ចិញ្ចឹមតាមស្តង់ដារសុវត្ថិភាព) ក្រៅពីនោះពួកគាត់ចិញ្ចឹមជាលក្ខណៈគ្រួសារ ព្រោះការចិញ្ចឹមតាមស្តង់ដារងាយស្រួលធ្វើផែន​ការផលិតកម្ម ដើម្បីអាចទទួលបាននូវផលប្រយោជន៍ជាច្រើន ទាំងទីផ្សារលក់ចេញ និងការគាំទ្រផ្នែកបច្ចេក​ទេសកសិកម្មជាដើម ហើយការផលិតក្នុងសហគមន៍ក៏មានការតាមដាន ត្រួតពិនិត្យផ្ទៃក្នុង ក្រោមកិច្ច​សហការពីមន្ទីរ ក៏ដូចជាអង្គការដៃគូអភិវឌ្ឍន៍ផងដែរ៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)

កម្ពុជា​រំពឹង​សម្រេច​កំណើន​សេដ្ឋកិច្ច​ ៤​%​ ​នៅ​ឆ្នាំ​ ២០២៦ ​និង​កើន​ដល់​ ៤​,​៨​%​​ នៅ​ឆ្នាំ ​២០២៧

ព្រឹត្តិការណ៍, សេដ្ឋកិច្ច

• 17/11/2026

សេដ្ឋកិច្ច​កម្ពុជា​ត្រូវ​បាន​ព្យាករ​ថា​នឹង​សម្រេច​កំណើន​ក្នុង​រង្វង់​ ៤​%​ ​នៅ​ឆ្នាំ ​២០២៦ ​និង​បន្ត​កើន​ដល់​ ៤​,​៨​%​ ​នៅ​ឆ្នាំ​២០២៧ ​ដោយ​រាជ​រដ្ឋាភិបាល​គ្រោង​ប្រមូល​ចំណូល​ថវិកា​រដ្ឋ​ប្រមាណ​ ​១៥​,​២៤​%​ ​នៃ​ផលិតផល​ក្នុង​ស្រុក​សរុប​ ​(​ផ.ស.ស.​) ​និង​កំណត់​ចំណាយ​សរុប​ថ្នាក់​ជាតិ​ក្នុង​ទំហំ​ ១៥​,​៨៩​%​ ​នៃ​ ​ផ.​ស.ស. ​ដើម្បី​រក្សា​លំនឹង​សង្គម​-​សេដ្ឋកិច្ច​ ​និង​គាំទ្រ​កំណើន​ក្នុង​បរិការណ៍​នៃ​ភាព​មិន​ប្រាកដប្រជា

ណា​តូ ​លុប​ចោល​កិច្ច​ប្រជុំ​កំពូល​ឆ្នាំ ​២០២៧ ​ចំពេល​ភាព​តានតឹង​អាម៉េរិក​-​អឺរ៉ុប​កើនឡើង​

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

អង្គការ​សន្ធិសញ្ញា​អាត្លង់ទិក​ខាង​ជើង​ ​(​NATO​) ​បាន​សម្រេច​មិន​រៀបចំ​កិច្ច​ប្រជុំ​កំពូល​ថ្នាក់ដឹកនាំ​នៅ​ឆ្នាំ ​២០២៧ ​តាម​ផែនការ​ដើមឡើយ​ ​ដោយសារ​ការ​ខ្វែងគំនិត​គ្នា​កាន់តែ​ខ្លាំង​ឡើង​ក្នុង​ចំណោម​សម្ព័ន្ធមិត្ត​ ​ជាពិសេស​រវាង​សហរដ្ឋ​អាម៉េរិក​ ​និង​ប្រទេស​ជា​សមាជិក​អឺរ៉ុប

កម្មវិធីសហគ្រិនចុងភៅ ឆ្នាំ២០២៦ ! អបអរសាទរទេពកោសល្យចុងភៅជំនាន់ថ្មី និងសហគ្រិនភាពក្នុងវិស័យម្ហូបអាហារ ចាប់ផ្តើមពីគំនិតច្នៃប្រឌិតម្ហូបអាហារ ឆ្ពោះទៅកាន់ឱកាសក្លាយជាសហគ្រិន

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ សហគ្រិនខ្មែរបានបញ្ចប់កម្មវិធី «សហគ្រិនចុងភៅ» (Chefpreneur) ឆ្នាំ២០២៦ តាមរយៈការប្រកួតចម្អិនអាហារវគ្គផ្តាច់ព្រ័ត្រ្រ ដោយមានការចូលរួម ពីយុវជនដែលមានទេពកោសល្យ គណៈកម្មការជំនាញ ដៃគូធុរកិច្ច និងអ្នកប្រឹក្សាជំនាញ ក្នុងវិស័យសេវាកម្ម។ កម្មវិធីនេះបានឆ្លុះបញ្ចាំងពីយុទ្ធសាស្ត្រអភិវឌ្ឍសហគ្រិនភាពក្នុងវិស័យម្ហូបអាហារ តាមរយៈការរួមបញ្ចូល ការបណ្តុះបណ្តាលអំពីគំនិតអាជីវកម្ម ការគ្រប់គ្រងថ្លៃដើម ការប្រើប្រាស់គ្រឿងទេសចម្រុះ និងការកសាង ម៉ាកយីហោ

វឌ្ឍនភាព ៖ គម្រោងសង់​ស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) កាន់តែជិតរួចរាល់ កាន់តែធ្វើឱ្យតំបន់ជុំវិញ​នោះ​មានសក្ដានុពលខ្ពស់

ព្រឹត្តិការណ៍, អចលនទ្រព្យ

• 17/11/2026

គម្រោង​សាងសង់ស្ពានឆ្លង​កាត់ទន្លេបាសាក់​ ចាក់អង្រែក្រោម-ព្រែក​ប្រា​ សម្រេច​បានលទ្ធផល​ជាង​៨៧ហើយ គិតត្រឹមខែវិច្ឆិកា ២០២៦​នេះ

កិច្ច​សហការ​បច្ចេកវិទ្យា​ថ្មី​​ ៣ ​ជំរុញ​សន្តិសុខ​សាយប័រ ​AI ​និង​បរិវត្ត​កម្ម​ឌីជីថល​នៅ​កម្ពុជា​

ព្រឹត្តិការណ៍, សេដ្ឋកិច្ច

• 17/11/2026

ក្រុមហ៊ុន​ ​មេគង្គណិត ​បាន​ចុះ​អនុស្សរណៈ​នៃ​ការ​យោគយល់​ចំនួន​ ៣ ​ជាមួយ​ក្រុមហ៊ុន​បច្ចេកវិទ្យា​អន្តរជាតិ​ ​និង​ដៃគូ​ក្នុង​ស្រុក ​ដើម្បី​ពង្រីក​សេវា​សន្តិសុខ​សាយប័រ ​ពង្រឹង​ការ​តភ្ជាប់​មជ្ឈមណ្ឌល​ទិន្នន័យ​ ​និង​ជំរុញ​ការ​ប្រើប្រាស់​បច្ចេកវិទ្យា​បញ្ញា​សិប្បនិម្មិត ​(​AI​)​ ​និង​ដំណោះស្រាយ​ឌីជីថល​នៅ​កម្ពុជា

លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សូហ្វី​ណា ​ហ្វាម​ ​បោះ​ទុន​ ​៦​,​៥​ ​លាន​ដុល្លារ​ ​បង្កើត​កសិដ្ឋាន​មាន់​ពង ​និង​កែច្នៃ​សាច់​ខ្នាត​ធំ​នៅ​ព្រៃ​វែង

ព្រឹត្តិការណ៍, សេដ្ឋកិច្ច

• 17/11/2026

​ក្រុមហ៊ុន​ សូហ្វី​ណា ​ហ្វាម ​ដែល​ជា​ក្រុមហ៊ុន​មាន​ម្ចាស់​ជា​ជនជាតិ​ខ្មែរ​ទាំងស្រុង​ ​បាន​វិនិយោគ​ទុន​ចំនួន​ ៦​,​៥ ​លាន​ដុល្លារ​អាម៉េរិក​ ​ដើម្បី​បង្កើត​កសិដ្ឋាន​ចិញ្ចឹម​មាន់​ពង ​និង​រោងចក្រ​កែច្នៃ​សាច់​មាន់​ខ្នាត​ធំ​ ​នៅ​ស្រុក​កញ្ចៀច ​ខេត្ត​ព្រៃវែង ​ដោយ​គ្រោង​ចាប់ផ្ដើម​ដំណើរការ​នៅ​ថ្ងៃ​ទី​៤​ ​ខែ​មេសា ​ឆ្នាំ​២០២៧

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ

Top News, ព្រឹត្តិការណ៍, អចលនទ្រព្យ

• 17/11/2026

សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖

អាស៊ាន​ ចុះ MOU ស្តីពី បណ្តាញអគ្គិសនី និងសេដ្ឋកិច្ចឌីជីថល ខណៈប្រទេសចំនួន ៥ ចាប់អារម្មណ៍លើការស្តុកប្រេងក្នុងតំបន់

ព្រឹត្តិការណ៍, សេដ្ឋកិច្ច

• 17/11/2026

បរទេស ៖ រដ្ឋាភិបាលបណ្តាប្រទេសជាសមាជិកអាស៊ានបានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីបណ្តាញអគ្គិសនីអាស៊ាន (ASEAN Power Grid) ខណៈដែលប្រទេសចំនួន ៥ បង្ហាញចំណាប់អារម្មណ៍លើការស្តុកប្រេងទុកក្នុងតំបន់។ នេះបើតាមការលើកឡើងរបស់រដ្ឋមន្ត្រីក្រសួងពាណិជ្ជកម្មហ្វីលីពីន លោកស្រី Cristina Roque កាលពីថ្ងៃចន្ទ សប្ដាហ៍នេះ បន្ទាប់ពីបញ្ចប់កិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ានលើកទី ២៨។ លោកស្រី