សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កាលពីម្សិលមិញនេះ ប្រធានាធិបតីសហរដ្ឋអាមរិក លោក ដូណាស់ ត្រាំ បានប្រកាថា កម្ពុជាយកពន្ធនាំចូលពីអាមេរិកប្រមាណជា ៩៧% ជាតួលេខខ្ពស់មួយដែលនេះជាតួលេខយល់ច្រលំ ប៉ុណ្ណោះ តាមពិតកម្ពុជាជាសមាជិកអង្គការពាណិជ្ជកម្មពិភពលោក(WTO) ដែលបានកំណត់យកពន្ធខ្ពស់បំផុតត្រឹម ៣៥%ប៉ុណ្ណោះ។
លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្មបានមានប្រសាសន៍ថា ក្នុងនាមកម្ពុជាជាសមាជិករបស់អង្គការពាណិជ្ជកម្មពិភពលោក(WTO) និងដូចគ្នាទៅនឹងសហរដ្ឋអាមេរិក រួម និងប្រទេស ១៦៦ផ្សេងទៀត សុទ្ធតែបានកំណត់នូវបន្ទាត់ពន្ធគយជាមួយគ្នាដែលក្នុងនោះ កម្ពុជាបានកំណត់យកពន្ធមិនមែនតែអាមេរិកទេ គឺរាល់ប្រទេសជាសមាជិកអង្គការពាណិជ្ជកម្មពិភពលោកមានចន្លោះ ពី ០% រហូតដល់ ៣៥% ប៉ុណ្ណោះ។
លោកជំទាវបានបញ្ជាក់ថា ៖
«នៅក្នុងឆ្នាំ២០២៤កន្លងទៅ ផលិតផលអាមេរិកនាំចូលមកកម្ពុជា មានបរិមាណជិត៣០០លានដុល្លារ ដែលនេះបន្ទាត់ពន្ធដែលខ្ពស់បំផុតសម្រាប់ផលិតផលនាំចូលមកកម្ពុជា មានប្រមាណជា ២៩,៤%ប៉ុណ្ណោះ មានន័យថាទាបជាង ៣៥% ដែលជាបន្ទាត់ពន្ធខ្ពស់បំផុត កំណត់ដោយអង្គការ WTO ហើយតួលេខដែលយើងទទួលបាន គឺសហរដ្ឋអាមេរិកបានយកទំហំពាណិជ្ជកម្មរួមរបស់កម្ពុជា ដកទៅនឹងតួលេខនៃឱនភាពដែលយើងមាន ដូច្នេះហើយតួលេខនោះបង្ហាញចំនួន ៩៧% នៃទំហុំពាណិជ្ជកម្មរួមទ្វេរភាគី គឺផលិតផលកម្ពុជានាំចេញទៅកាន់ទីផ្សារអាមេរិក ហើយ៣% ទៀតនោះគឺទំហំផលិតផលអាមេរិកនាំចូលមកទីផ្សារកម្ពុជាវិញ។ នេះជាមូលហេតុឆ្លុះបញ្ចាំឱ្យឃើញតួលេខ៩៧% ហើយកាត់បន្ថយពាក់កណ្តាលតែម្តង ចំណែកពាក់កណ្តាលគឺធ្វើឡើងគ្រប់បន្ទាត់ពន្ធដូចៗគ្នា សម្រាប់ប្រទេសនាំផលិតផលចូលអាមេរិក។ បើគិតជាភាគរយរួចឃើញថាមានតួលេខខ្ពស់ បើគិតជាទឹកប្រាក់វិញមិនខ្ពស់ទេ ពោលគឺមានទំហំទាបជាងប្រទេសនៅក្នុងតំបន់មួយចំនួនទៀត»។
កម្ពុជា ជាប្រទេសកំពុងអភិវឌ្ឍន៍ ឬហៅថាប្រទេសអភិវឌ្ឍន៍តិចតួច ជាធម្មតាតែងត្រូវការប្រទេសដែលមានទីផ្សារធំ កម្លាំងនៃការបញ្ជាទិញច្រើន ដូចជាសហរដ្ឋអាមេរិកជាដើម ដែលមានប្រជាជនដល់ទៅ ៣៤០លាននាក់ ចំណែកប្រជាជនកម្ពុជាមានប្រមាណជា ១៧លាននាក់ប៉ុណ្ណោះ ដែលជាកត្តាធ្វើឱ្យអតិរេកជញ្ជីងពាណិជ្ជកម្មមានភាពមិនស្មើគ្នា ហើយក៏មិនមែនតែកម្ពុជានោះដែរ គឺមានប្រទេសជាច្រើននៅអាស៊ាន ក៏ដូចជាលើពិភពលោកក៏មានអតិរេកដូចៗគ្នាដែរ។ កម្ពុជាមិនមែនមានអតិរេកតែជាមួយអាមេរិនោះទេ ពោលគឺកម្ពុជាមានអតិរេកជាមួយប្រទេសដៃគូពាណិជ្ជកម្មធំៗដទៃទៀត ដូចជាសហភាពអ៊ឺរ៉ុបជាដើម គឺមានអតិរេកជញ្ជីងពាណិជ្ជកម្ម អតុល្យភាពនឹងគ្នាប្រមាណជាជិត ៤០០០លានដុល្លារ ជាមួយកាណាដា ១០០០លានដុល្លារ ជាមួយជប៉ុនមាន ៦៥៦លានដុល្លារ អូស្រាលី ៣៧៧លានដុល្លាដែរ។
លោកជំទាវរដ្ឋមន្ត្រីបានបញ្ជាក់ថា ៖
«ជាការពិត ការដំឡើងអាត្រពន្ធគយទៅលើផលិតផលនាំចេញទៅអាមេរិក ប្រជាជននៅអាមរិកគឺជាអ្នករងផលប៉ះពាល់ដំបូងគេ បន្ទាប់មកប៉ះមកលើកម្ពុជា ពិសេសអ្នកធ្វើធុរកិច្ច និងអ្នកធ្វើការនៅក្នុងឧស្សាហកម្មសំខាន់ៗនោះ មានដូចជា វាយនភណ្ឌ កាត់ដេរស្បែកជើង សម្ភារៈធ្វើដំណើរ និងផលិតផលកង់ជាដើម»។
ជាមួយគ្នានេះ លោកជំទាវ ចម និម្មល បានអំពាវនាវដល់សាធារណៈជនទូទៅ ក៏ដូចជាបណ្តាពាណិជ្ជករ ម្ចាស់អាជីវកម្ម កុំឱ្យមានការព្រួយបារម្ភ ដោយសារប្រមុខរដ្ឋាភិបាលបានយកចិត្តទុកដាក់ខ្ពស់ រួមនឹងក្រសួងដែលជាសេនាធិការទាំងអស់ បានធ្វើការយ៉ាងយកចិត្តទុកដាក់ ហើយថានេះមិនមែនជារឿងថ្មីទេ កម្ពុជាបានដឹងរួចតាំងពី៣ខែមុនម្ល៉េះ ហើយក៏បានត្រៀមលក្ខណៈរួចជាស្រេច សម្រាប់ដោះស្រាយផងដែរ។ ដូច្នេះ សូមពលរដ្ឋទាំងអស់កុំមានការព្រួយបារម្ភ ជាពិសេស កម្មករ-កម្មការិនីដែលកំពុងធ្វើការផ្នែកឧស្សាហកម្មខាងលើ សូមបន្តធ្វើការដោយជំនឿចិត្ត៕ វិន ឈុនហ៊ាត
Account
Security
Favourite Content