ស្ថាប័នធំៗចំនួន៤ រួមគ្នាបង្កើតព្រឹត្តិការណ៍បរិច្ចាកឈាមក្រោមប្រធានបទ «រួមគ្នាសង្គ្រោះជីវិត»

ភ្នំពេញ ៖ «រួមគ្នាសង្គ្រោះជីវិត» ជាប្រធានបទនៃព្រឹត្តិការណ៍បរិច្ចាកឈាមដោយស្ម័គ្រចិត្តដែលរៀបចំឡើងវិស័យធនាគារ និងហិរញ្ញវត្ថុទាំងមូល នាំដោយសមាគមមីក្រូហិរញ្ញវត្ថុកម្ពុជា (CMA) ធនាគារជាតិនៃកម្ពុជា (NBC) សមាគមធនាគារនៅកម្ពុជា (ABC) និងសហការជាមួយសហភាពសហព័ន្ធយុវជនរាជាធានីភ្នំពេញ (UYFC) ព្រមទាំងសាធារណជនទូទៅដែលមានបំណងបរិច្ចាកឈាមផងដែរ ដែលកម្មវិធីនេះនឹងប្រព្រឹត្តទៅនៅព្រឹកថ្ងៃទី១៦ ខែកក្កដា ឆ្នាំ២០២៤ នៅអគារខេមរានី វិថីវិចិត្រសិល្បៈ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។

លោក កាំង តុងងី អ្នកនាំពាក្យសមាគមមីក្រូហិរញ្ញវត្ថុកម្ពុជា បានប្រាប់ឱ្យដឹងថា ៖ នេះជាលោកទី២ហើយដែលសមាគមមីក្រូហិរញ្ញវត្ថុកម្ពុជា រៀបចំព្រឹត្តិការណ៍ចូលរួមបរិច្ចាកឈាមដើម្បីចូលរួមចំណែកសកម្មភាពមនុស្សធម៌សម្រាប់ប្រជាពលរដ្ឋនៅក្នុងប្រទេសកម្ពុជា ជាពិសេស អ្នកដែលមានគ្រោះថ្នាក់ និងមានតម្រូវការឈាមក្នុងពេលសង្គ្រោះអាយុជីវិត ខណៈដែលព្រឹត្តិការណ៍លើកដំបូងត្រូវបានធ្វើឡើងកាលពីអំឡុងឆ្នាំ២០២២។

លោកបន្តឱ្យដឹងថែមទៀតថា សម្រាប់កម្មវិធីបរិច្ចាកឈាមដោយស្ម័គ្រចិត្តដែលរៀបចំឡើងដោយសមាគមមីក្រូហិរញ្ញវត្ថុកម្ពុជា(CMA)លើកទី២ ដែលនឹងប្រព្រឹត្តទៅនាថ្ងៃទី១៦ ខែកក្កដា ឆ្នាំ២០២៤ ខាងមុខនេះ ជាពិសេស មានចូលរួមពីសំណាក់ធនាគារជាតិនៃកម្ពុជា (NBC) សមាគមធនាគារនៅកម្ពុជា (ABC) សហភាពសហព័ន្ធយុវជនរាជាធានីភ្នំពេញ (UYFC) ព្រមទាំងសាធារណជនទូទៅ សរុបប្រមាណ ៦០០នាក់។

លោក កាំង តុងងី បានបញ្ជាក់ថា ៖ «សម្រាប់ព្រឹត្តិការណ៍ដែលនឹងប្រព្រឹត្តនៅថ្ងៃទី១៦ ខែកក្កដា ឆ្នាំ២០២៤ ខាងមុខនេះ ក្រៅពីគោលបំណងចង់ប្រមូលឈាមដែលទទួលបានពីការបរិច្ចាកជួយដល់មជ្ឈមណ្ឌលជាតិផ្តល់ឈាមសម្រាប់សង្គ្រោះដល់អ្នកដែលមានគ្រោះថ្នាក់ និងមានតម្រូវការឈាមក្នុងពេលសង្គ្រោះអាយុជីវិត សមាគមក៏មានបំណងលើកកម្ពស់ការយល់ដឹងពីសាធារណជន និងអ្នកពាក់ព័ន្ធទាក់ទងទៅនឹងអត្ថប្រយោជន៍ ក៏ដូចជាភាពចាំបាច់ពីការបរិច្ចាកឈាម»។

ភ្ជាប់ជាមួយនឹងព្រឹត្តិការណ៍នៃការបរិច្ចាកឈាមជូនដល់មជ្ឈមណ្ឌលជាតិផ្តល់ឈាមដែលនឹងប្រព្រឹត្តទៅដូចកាលបរិច្ឆេទខាងលើនេះ លោក កាំង តុងងី បានបញ្ជាក់ ថាចំពោះយុទ្ធនាការមួយនេះ វិស័យធនាគារ និងហិរញ្ញវត្ថុនៅកម្ពុជា គ្រោងនឹងរៀបចំឱ្យមានជារៀងរាល់ឆ្នាំ ដើម្បីចូលរួមក្នុងសកម្មភាពមនុស្សធម៌ផង ចូលរួមចែករំលែកផលលំបាកជាមួយមជ្ឈមណ្ឌលជាតិផ្តល់ឈាមផង ជាពិសេស ចូលរួមជួយសង្គ្រោះជីវិតមនុស្សផង។

គួរបញ្ជាក់ដែរថា សម្រាប់ការចូលរួមបរិច្ចាកឈាមដោយស្ម័គ្រចិត្តពីសំណាក់ស្ថាប័នធំៗទាំង៤ខាងលើនេះរួមមាន ៖ សមាគមមីក្រូហិរញ្ញវត្ថុកម្ពុជា (CMA)ចំនួន ២០០នាក់, ធនាគារជាតិនៃកម្ពុជា (NBC)ចំនួន ១០០នាក់, សមាគមធនាគារនៅកម្ពុជា (ABC)ចំនួន ១០០នាក់, សហភាពសហព័ន្ធយុវជនរាជាធានីភ្នំពេញ (UYFC) ចំនួន ១៥០នាក់ និងសាធារណជនទូទៅប្រមាណ ៥០នាក់ ។

បញ្ជាក់ ៖ សម្រាប់សាធារណជនទូទៅដែលមានបំណងចូលរួមបរិច្ចាកឈាមនៅក្នុងព្រឹត្តិការណ៍អាចចុះឈ្មោះតាមរយៈ

https://forms.gle/uBaZL4Ekg6pKd7ZT6


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល