ចំណុចសំខាន់ៗរបស់ដំណាំខ្ទឹមសដែលកសិករគួរយល់ដឹង  

ខ្ទឹមស ជាដំណាំមួយប្រភេទដែលមានភាពពេញនិយម និងមានតម្រូវការទីផ្សារយ៉ាងទូលំទូលាយ ដោយសារមនុស្សទូទៅយកទៅប្រើប្រាស់សម្រាប់ធ្វើជាគ្រឿងទេសស្ទើរគ្រប់មុខម្ហូបសម្រាប់បរិភោគប្រចាំ។ ថ្ងៃនេះ AMS Economy សូមលើកយកចំណុចសំខាន់ៗដែលកសិករគួរយល់ដឹងដើម្បីអាចដាំដំណាំប្រភេទនេះទទួលបានទិន្នផលល្អ។  

ដំណាំខ្ទឹមស មានដើមរលោង ស្រទាប់នៃទងស្លឹក ស្លឹកពណ៌បៃតងចាស់រាងសំប៉ែត ពូជខ្លះស្លឹកមូល ខ្លះទៀត ស្លឹកសំប៉ែតធំ ហើយវែង។ គេចូលចិត្តបរិភោគដើមស្រស់ដែលហៅថា ខ្ទឹមស្រឹង ឬ គល់ខ្ទឹម។ ខ្ទឹមនេះអាចដាំបានលើដីច្រើនប្រភេទ តែដីដែលល្អជាងគេគឺជាប្រភេទដីល្បាយខ្សាច់ ដីល្បាប់តាមមាត់ទន្លេជាដើម។

ដើម្បីអាចដាំខ្ទឹមនេះបាន គេត្រូវការអាកាសធាតុជាក់លាក់ និងមានសំណើមបរិយាកាសខ្ពស់រហូតដល់ខ្ទឹមបង្កើតមើម លុះក្រោយពីមើមពេញលក្ខណៈហើយវាត្រូវការអាកាសធាតុក្ដៅបង្គួរ និងសំណើមបរិយាកាសស្ងួត ។ ចំពោះការជ្រើសរើសពូជដែលឆាប់លូតលាស់ អាយុកាលលូតលាស់ខ្លី មើមទុំល្អ ប៉ុន្តែគេមិនដាំដោយគ្រាប់នោះទេ ហើយមើមដែលត្រូវយកមកដាំមានរយៈពេល ៤-៦ខែ ក្នុងលក្ខខណ្ឌធម្មតា ហើយក្នុងនោះពូជស្រាលមានក្លែប ឬកំពឹសធំមានអាយុ ៩០ថ្ងៃ ពូជមធ្យមមានក្លែបក្នុង និងក្រៅប្រហែលគ្នា មានអាយុ ១១០ថ្ងៃ ឯពូជធ្ងន់មានមើមធំវែង មានអាយុ ៥-៦ខែ តែគេច្រើនដាំវានៅប្រទេសចិន។

សម្រាប់ការរៀបចំដី កសិករត្រូវភ្ជួរដីឱ្យជ្រៅ និងច្រើនលើក ដើម្បីបំបែកដីឱ្យល្អិត ទើបឆូតលើរងឱ្យបានកម្ពស់ ២០-២៥សង់ទីម៉ែត្រ ទទឹងរង ៨០-១០០សង់ទីម៉ែត្រ បណ្តោយជាមធ្យម ១៥ម៉ែត្រ រួចហាលដីឱ្យស្ងួតរយៈពេល ២-៣ ថ្ងៃ ទើបយកមើមខ្ទឹមទៅដាក់ដាំ។

នៅប្រទេសកម្ពុជា គេអាចដាំខ្ទឹមសបានតែមួយរដូវប៉ុណ្ណោះគឺពីខែវិច្ឆិកា និងប្រមូលផលបាននៅកុម្ភៈ។ មុននឹងយកមើមខ្ទឹមទៅដាំលើថ្នាល គេយកមើមខ្ទឹមទៅប្រឡេះឱ្យបែកជាក្លែបៗ ឬជាកំពិសៗ ទើបយកខ្ទឹមទៅកាត់ក្បាល និងត្រាំក្នុងសូលុយស្យុង នីត្រូសែន កម្រិត ១% ដោយដាក់ជីអ៊ុយរ៉េ១គីឡូក្រាម លាយទឹក១០០លីត្រ រយៈពេល ៨-១០ម៉ោង រួចយកខ្ទឹមច្រកបាវ ឬការ៉ុងសើមយកទុកកន្លែងងងឹតរយៈពេល ១២ម៉ោងដើម្បីឱ្យមើមខ្ទឹមដុះពន្លក។

មុនចាប់ផ្ដើមដាំខ្ទឹម កសិករត្រូវ្ហស្រោចទឹក ឱ្យជោគលើថ្នាល ចុចរន្ធជម្រៅ ២សង់ទីម៉េត្រក្នុងចន្លោះ ១៥x២០សង់ទីម៉ែត្រ រួចដាក់កំពិសខ្ទឹមទៅក្នុងរន្ធឱ្យលិចស្មើដី ហើយបាចចំបើងដើម្បីរក្សាសំណើមមុខនៃដើមខ្ទឹមស ដោយដីមួយហិកតាគេត្រូវការពូជពី ៣៥០-៤៥០គីឡូក្រាម។

លុះក្រោយពេលដាំហើយ ខ្ទឹមសត្រូវការស្រោចទឹកជាធម្មតា ១ថ្ងៃ ២លើក ដើម្បីមានសំណើមដីប្រមាណពី ៧០-៧៥ភាគរយ រហូតដល់ខ្ទឹមមានអាយុ ៥០-៥៥ថ្ងៃ ទើបបង្កើនការស្រោចទឹក គឺសំណើម ៧៥-៨៥ភាគរយ ដើម្បីឱ្យមើមខ្ទឹមឆាប់លូតលាស់លឿន។ ក្រោយពីនេះ អ្នកដាំក៏អាចប្រើមធ្យោបាយបញ្ចូលទឹកឱ្យលិចមើមខ្ទឹម រួចបញ្ចេញទឹកចេញភ្លាមនៅពេលដាំបានរយៈពេល ៥០ ទៅ ៥៥ថ្ងៃ ពោលគឺវាត្រូការទឹកចាប់ពីលូតលាស់ រហូតដល់ទុំ ស្លឹកប្រែពណ៌លឿងទើបគេលែងស្រោចទឹក។

ដំណាំខ្ទឹមស ត្រូវការជីពេញទំហឹងក្នុងដំណាក់កាលលូតលាស់ស្លឹក និងពង្រីកមើមនូវសារធាតុពិសេសដូចជា N.P.K និង Mg ដោយដាក់ជីខុសៗគ្នាទៅតាមដំណាក់កាល។ ថែមលើនេះ គេត្រូវការជ្រួយដី និងកម្ចាត់ស្មៅ ដោយគេធ្វើសស្មៅលើកទី១ នៅពេលកូនខ្ទឹមមានអាយុ ២៥ថ្ងៃ និងលើកទី២ នៅអាយុ ៤៥-៥០​ថ្ងៃ។ ដោយឡែក ជំងឺសំខាន់ៗដែលអាចកើតមានចំពោះខ្ទឹមសមានដូជា ជំងឺរលួយទន់ក្លែប ជំងឺស្ងួតស្លឹក និងសត្វល្អិតផ្សេងទៀតដូចជា កណ្តៀរ ខ្មូត និងសត្វល្អិតក្នុងដី។

ចុងក្រោយគឺការប្រមូលផល ដោយអ្នកដាំអាចប្រមូលផលខ្ទឹមសបាន ក្រោយដាំរយៈពេល ៣-៤ខែ ទៅតាមប្រភេទពូជ ហើយនៅពេលខ្ទឹមទុំ វាផ្តើមប្រែពណ៌ប៉ៃតងទៅជាលឿងប្រមាណ ៧០ភាគរយ ហើយចាប់ផ្ដើមទន់ដើមនៅត្រង់ចំណុចខាងគល់មើម។ ពេលនេះ គេបញ្ឈប់ការស្រោចទឹករយៈពេល ១០-១៥ថ្ងៃ ទើបគេដកខ្ទឹមស្ងួតទាំងនោះមកដាក់ហាលរយៈពេលរយៈពេល ២-៣ថ្ងៃទៀត គេក៏អាចយកស្លឹកខ្ទឹមមកចងជាបាច់ជាប់គ្នា ហើយព្យួរទុកនៅកន្លែងស្ងួតពី១០​ទៅ ១២ ខែឱ្យស្ងួតល្អ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធភាពខ្ពស់បំផុត

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធិភាពខ្ពស់បំផុត ។

កម្ពុជាអាចជាទីផ្សារយានយន្ដអគ្គិសនីដ៏សំខាន់មួយសម្រាប់ចិន

ព្រឹត្តិការណ៍, សេដ្ឋកិច្ច

• 21/06/2024

ប្រទេសកម្ពុជាកំពុងឈានទៅកាន់តំណែងជាប្រទេសដែលមានប្រាក់ចំណូលខ្ពស់នៅឆ្នាំ២០៥០ ខណៈដែលទាំងធនធានមនុស្ស ភាពរីកចម្រើន និងការអភិវឌ្ឍ ស្របនឹងនិន្នាការនៃតម្រូវការរថយន្តអគ្គិសនីត្រូវបានព្យាករណ៍​ថានឹងកើនឡើង

ជីធម្មជាតិអាចម៍ជន្លេន មានផលប្រយោជន៍ច្រើនលើការដាំដុះ ដែលកសិករគួរយល់ដឹង

ជំនួញ, ព្រឹត្តិការណ៍

• 21/06/2024

សត្វជន្លេន គេអាចទាញយកប្រយោជន៍បានច្រើនសម្រាប់អនុគ្រោះដល់ការដាំដុះតាមរយៈការចិញ្ចឹម និងទាញយកអាចម៍របស់វាមកកែច្នៃធ្វើជាជីធម្មជាតិដែលមានជីជាតិសម្រាប់ដំណាំយ៉ាងល្អប្រសើរ។

ស្វែង​យល់ពី​នីតិវិធី​នៃការ​ចុះបញ្ជី​ដីធ្លីមានលក្ខណៈជា​ប្រព័ន្ធ

ព្រឹត្តិការណ៍, អចលនទ្រព្យ

• 21/06/2024

ការ​ចុះបញ្ជីដីធ្លី​មានលក្ខណៈជា​ប្រព័ន្ធមានដំណាក់​សំខាន់ៗ៥ដំណាក់កាល ដែល​ប្រជាពលរដ្ឋ​និង​ម្ចាស់ដីធ្លីទាំងអស់​គួរ​ស្វែង​យល់​

ធនាគារពិភពលោក​អនុម័តកញ្ចប់​ឥណទាន​​ ២៧៥​ លានដុល្លារ ដើម្បីជួយទ្រទ្រង់ដល់កំណើន និងភាពធន់នៃសេដ្ឋកិច្ចកម្ពុជា

ព្រឹត្តិការណ៍, ហិរញ្ញវត្ថុ

• 21/06/2024

ក្រុមប្រឹក្សានាយកនៃធនាគារពិភពលោក នៅថ្ងៃទី២១ ខែមិថុនា ឆ្នាំ២០២៤ បានសម្រេចអនុម័តលើកញ្ចប់ឥណទានតម្លៃ ២៧៥ លានដុល្លារអាមេរិក សម្រាប់ជួយទ្រទ្រង់ដល់កិច្ចខិតខំប្រឹងប្រែងរបស់កម្ពុជា ក្នុងការជំរុញកំណើន និងភាពធន់របស់សេដ្ឋកិច្ច ក្នុងរយៈពេលវែងឆ្ងាយទៅមុខ

តម្លៃមាសបានបន្តឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/06/2024

តម្លៃមាសឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន ដែលជាកម្រិតខ្ពស់បំផុតក្នុងរយៈពេលពីរសប្តាហ៍ បន្ទាប់ពីរបាយការណ៍បង្ហាញថា ការលក់រាយរបស់សហរដ្ឋអាមេរិកចុះខ្សោយ

ឯកឧត្តមបណ្ឌិត ធន់ វឌ្ឍនា ៖ ច្បាប់ស្តីពីការវិនិយោគរបស់កម្ពុជាមានភាពអំណោយផលសម្រាប់ដៃគូវិនិយោគ

ព្រឹត្តិការណ៍, សេដ្ឋកិច្ច

• 21/06/2024

ឯកឧត្តមបណ្ឌិត ធន់ វឌ្ឍនា មានប្រសាសន៍បញ្ជាក់ថា គោលនយោបាយរបស់កម្ពុជាទាក់ទងនឹងការវិនិយោគផ្ទាល់ពីបរទេស (FDI) ជាពិសេសច្បាប់ស្តីពីវិនិយោគនៃព្រះរាជាណាចក្រកម្ពុជា គឺមានភាពអំណោយផលសម្រាប់ដៃគូវិនិយោគ

តម្លៃប្រេងធ្លាក់ចុះបន្តិច បន្ទាប់ពីឡើងដល់កម្រិតខ្ពស់ក្នុងរយៈពេល ៧ សប្តាហ៍ជាប់ៗគ្នា

ព្រឹត្តិការណ៍, សេដ្ឋកិច្ច

• 21/06/2024

ទន្ទឹមនឹងនេះ តម្លៃប្រេងឆៅម៉ាកធ្លាក់ចុះ ០,៦២ ភាគរយ ឬ ៨៥,៦០ ដុល្លារក្នុងមួយបារ៉ែល ខណៈតម្លៃប្រេងឆៅម៉ាក West Texas Intermediate (WTI) ធ្លាក់ចុះ ០,៧១ ភាគរយ ឬ ៨១,១៥ ដុល្លារក្នុងមួយបារ៉ែល

វិភាគ ៖ បេសកកម្មមេដឹកនាំរុស្ស៊ីសប្តាហ៍នេះអាចជាការទាក់ម៉ូយចាស់វៀតណាមយកលុយទិញគ្រាប់ពីកូរ៉េខាងជើង

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

កាលពីឆ្នាំ២០២៣ វៀតណាមមិនមានធ្វើការបញ្ជាទិញអាវុធថ្មីបន្ថែមណាមួយគួរឲ្យកត់សំគាល់ឡើយ ហើយកំពុងសម្លឹងមើលដៃគូមួយចំនួនសម្រាប់បំពេញផែនការអាវុធ

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។