សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការងារសាងសង់ហេដ្ឋារចនាសម្ព័ន្ធស្រោចស្រពតាមបណ្តាសហគមន៍កសិកម្មចំនួន ៧កន្លែងត្រូវបានមន្ត្រីជាន់ខ្ពស់ក្រសួងកសិកម្ម រុក្ខាប្រមាញ់ និងនេសាទ អញ្ជើញពិនិត្យ និងវាយតម្លៃបញ្ចប់សុពលភាពនៅក្នុងខេត្តគោលដៅចំនួន៤ ដែលការចុះត្រួតពិនិត្យ ដើម្បីប្រគល់ និងទទួលការងារលទ្ធកម្មនៃការសាងសង់ហេដ្ឋារចនាសម្ព័នស្រោចស្រពបន្លែ ដែលបានធ្វើចប់សព្វគ្រប់ក្រោយទទួលបានគម្រោងថវិកាក្នុងឆ្នាំ២០២២ នៅតាមសហគមន៍កសិកកម្មដែលមានសក្តានុពល។
ឯកឧត្តម គឹម សុន រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ ដែលបានអញ្ជើញទៅពិនិត្យ និងវាយតម្លៃបញ្ចប់សុពលភាពនៅក្នុងខេត្តគោលដៅចំនួន៤ រួមមាន ខេត្តកណ្តាល ខេត្តត្បូងឃ្មុំ ខេត្តកំពង់ធំ និងខេត្តសៀមរាប។
ជាក់ស្តែង សហគមន៍ដាំបន្លែ ដែលជាសមាជិកសហគមន៍កសិកម្ម ល្ងៀងមានជ័យ ស្ថិតនៅក្នុងខេត្តត្បូងឃ្មុំ បានដាំដំណាំគ្រប់មុខលើផ្ទៃដីសរុប៥០ហិកតា ដែលកំពុងដាំបន្លែ យកផ្លែជាច្រើនប្រភេទ រួមានដូចជា ៖ តាសក់ ម្រះ ត្រប់ ននោង ដោយការដាំដំណាំរបស់ពួកគាត់មានសមត្ថភាពផលិតដោយទទួលផលបានចំនួន៣តោនក្នុង១ថ្ងៃ ដែលជាគម្រោងពិពិធកម្មកសិកម្ម កម្ពុជា (CASDP- Cambodia Agricultural Sector Diversification Project)។
សូមជម្រាបថា អត្ថប្រយោជន៍ចម្បងៗនៃហេដ្ឋារចនាសម្ព័ន្ធស្រោចស្រពដំណាំបន្លែមានដូចជា ៖
១- ផ្គត់ផ្គង់ទឹកសម្រាប់ស្រោចស្រពដំណាំបន្លែបានពេញមួយឆ្នាំ ចំណេញពេលវេលា និងចំណេញកម្លាំងពលកម្មក្នុងការស្រោចស្រពបន្លែ ធ្វើឱ្យកសិករមានពេលវេលាច្រើនសម្រាប់ប្រកបមុខរបរផ្សេងៗទៀត។
២- បង្កើនការដាំដុះដំណាំបន្លែពី ៤ ទៅ ៧ដង ក្នុងមួយឆ្នាំនៅតាមសហគមន៍កសិកកម្មដែលមានសក្តានុពល និងសមត្ថភាពគ្រប់គ្រាន់ ដែលអាចផ្គត់ផ្គង់បន្លែសុវត្ថិភាពស្របតាមតម្រូវការទីផ្សារក្នុងស្រុក ជំនួសការនាំចូលបន្លែជាបណ្តើរៗ និងឈានទៅរកការនាំចេញនៅពេលខាងមុខ។
៣- បង្កើនប្រាក់ចំណូលរបស់កសិករកាន់តែច្រើន តាមរយៈការកាត់បន្ថយការចំណាយថវិកាលើការបូមទឹកដោយម៉ាស៊ីនសាំង ឬម៉ាស៊ូត ការចំណាយពេលវេលាន និងកម្លាំងពលកម្មក្នុងផលិតកម្មដំណាំបន្លែ។
៤- បង្កើនផ្ទៃដីដាំដុះ និងបរិមាណផល ជាពិសេសនៅរដូវប្រាំង តាមរយៈការពង្រីកសមាជិកសហគមន៍ រួមទាំងពលករចំណាកស្រុកដែលវិលត្រឡប់មកវិញ។
៥- ងាយស្រួលប្រើប្រាស់ ដែលស្ត្រីនិងកុមារក៏អាចស្រោចស្រពបន្លែបាន និងអាចសន្សំសំចៃទឹកបានច្រើន។
៦- ចងក្រងក្រុមអ្នកផលិតបន្លែសុវត្ថិភាពជាប្រព័ន្ធ និងរៀបចំកិច្ចសន្យាផលិតកម្ម សម្រាប់រៀបចំផែនការផលិតកម្ម ដើម្បីផ្គត់ផ្គង់តាមតម្រូវទីផ្សារឱ្យបានទៀងទាត់។
ក្រៅពីតំណាងក្រសួងកសិកម្ម រុក្ខាប្រមាញ់និងនេសាទ និងអគ្គនាយកដ្ឋានកសិកម្ម បេសកកម្មនេះក៏មានការចូលរួមផងដែរពីតំណាងក្រសួងសេដ្ឋកិច្ច និងហិរញ្ញវត្ថុ អគ្គនាយកដ្ឋានលទ្ធកម្មសាធារណៈ អគ្គនាយកដ្ឋានវិនិយោគ នាយកដ្ឋានគណនេយ្យហិរញ្ញវត្ថុ និងអង្គភាពលទ្ធកម្ម៕
Account
Security
Favourite Content