សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពី Oil Price បានលើកឡើងថា តម្លៃប្រេងបានបន្តឡើងថ្លៃបន្តិចទៀតបន្ទាប់ពីធ្លាក់ចុះកាលពី ៣ថ្ងៃមុន ខណៈដែលរុស្ស៊ីមានបំណងបង្ហាញពីផែនការដើម្បីទូទាត់សងសម្រាប់ការលើសកូតាផលិតកម្មប្រេងរបស់អង្គការ OPEC+ កាលពីខែមេសាកន្លងទៅនេះ។
ទន្ទឹមនឹងនេះ តម្លៃប្រេងឆៅម៉ាក Brent ឡើងថ្លៃ ០,៨៨ ភាគរយ ឬ ៨២,៦២ ដុល្លារក្នុងមួយបារ៉ែល ខណៈដែលតម្លៃប្រេងឆៅ West Texas Intermediate (WTI) ឡើងថ្លៃ ០,៩៣ ភាគរយ ឬ ៧៨,២៩ ដុល្លារក្នុងមួយបារ៉ែល។ យ៉ាងណាមិញ តម្លៃប្រេងនៅតែស្ថិតកម្រិតជាង ៨០ ដុល្លារក្នុងមួយបារ៉ែល ដែលយ៉ាងហោចណាស់អាចបន្តរហូតដល់កិច្ចប្រជុំ OPEC + ដែលនឹងប្រព្រឹត្តទៅនៅថ្ងៃទី ១ ខែមិថុនា ខាងមុខនេះ ហើយត្រូវបានរំពឹងថា ពួកគេនឹងសម្រេចចិត្តបន្តកាត់បន្ថយផលិតកម្មប្រេងប្រហែល ២,២ លានបារ៉ែលក្នុងមួយថ្ងៃក្នុងឆមាសទី ២ នៃឆ្នាំនេះ។
ការឡើងចុះនៃតម្លៃនាពេលថ្មីៗនេះបានជំរុញឱ្យអ្នកវិភាគព្យាករណ៍ថា ក្រុម OPEC + អាចនឹងរក្សារការកាត់បន្ថយបច្ចុប្បន្ន។ ការព្រួយបារម្ភអំពីតម្រូវការ និងការព្យាករណ៍អំពីគោលនយោបាយហិរញ្ញវត្ថុរបស់ធនាគារកណ្តាលអាម៉េរិកបានរក្សាតម្លៃប្រេងនៅកម្រិតទាប ខណៈពេលដែលរុស្ស៊ីសន្យានឹងទូទាត់សងសម្រាប់ផលិតកម្មលើសពីការកំណត់របស់ OPEC+ ។
គួររំលឹកដា កាលពីថ្ងៃពុធកន្លងទៅនេះ ក្រសួងថាមពលរបស់រុស្ស៊ីបានលើកឡើងថា ដោយសារជាផ្នែកមួយនៃការកាត់បន្ថយដោយស្ម័គ្រចិត្ត ផលិតកម្មប្រេងរបស់រុស្ស៊ីគឺលើសកម្រិតគោលដៅបន្តិចខែមេសា ។ ដូច្នោះហើយ រុស្ស៊ីប្តេជ្ញាយ៉ាងពេញលេញចំពោះកិច្ចព្រមព្រៀង OPEC+ គ្រោងនឹងទូទាត់សងសម្រាប់ការខ្វះខាតក្នុងផែនការផលិតកម្ម ហើយនឹងដាក់ជូនលេខាធិការដ្ឋាន OPEC ឆាប់ៗនេះអំពីផែនការរបស់ខ្លួន ដើម្បីទូទាត់គម្លាតតិចតួចពីកម្រិតផលិតកម្មស្ម័គ្រចិត្ត។ទោះបីជាការកាត់បន្ថយនៃទិន្នផលរបស់រុស្ស៊ីអាចគាំទ្រដល់តម្លៃប្រេងក៏ដោយ ប៉ុន្តែការធ្លាក់ចុះតម្លៃប្រេងឆៅបានធ្វើឱ្យទីផ្សារព្រួយបារម្ភអំពីតម្រូវការប្រេងនៅពេលខាងមុខ។
ទន្ទឹមនឹងនេះ របាយការណ៍របស់ Fed ពីកិច្ចប្រជុំរបស់ខ្លួននៅដើមខែនេះបានបង្ហាញអំពីការព្រួយបារម្ភកាន់តែខ្លាំងអំពីអតិផរណា ដោយអ្នកចូលរួមជាច្រើនបានលើកឡើងពីឆន្ទៈក្នុងការរឹតបន្តឹងគោលនយោបាយបន្ថែមទៀត ប្រសិនបើហានិភ័យពីផរណាកើតឡើងដល់ចំណុចដែលត្រូវចាត់វិធានការជាបន្ទាន់ចាំបាច់៕
Account
Security
Favourite Content