កសិករដាំដំណាំម្រះ កំពុងរីករាយជាមួយកំណើនទិន្នផលរបស់ខ្លួន ខណៈដែលតម្រូវការទីផ្សារមានភាពទូលាយ

ម្រះ ជាប្រភេទបន្លែម្យ៉ាងដែលមានរសជាតិល្វីង និងគេនិយមទទួលទាន ជាពិសេសអ្នកចូលចិត្តប្រភេទបន្លែណាដែលមានរសជាតិល្វីង ត្បិតបន្លែមួយនេះផ្តល់នូវគុណប្រយោជន៍ដល់សុខភាព ខណៈដែលតម្រូវការទីផ្សារក៏មានភាពទូលំទូលាយ និងទទួលបានតម្លៃថ្លៃគួរសម។

អ្នកស្រី សៀម សុឃី ជាកសិករដាំដំណាំម្រះ វ័យ ៥១ឆ្នាំ រស់នៅភូមិបុស្សញិញ ឃុំកូនសត្វ ស្រុកទឹកឈូ ខេត្តកំពត បានឱ្យដឹងថា សម្រាប់ទិន្នផលម្រះរបស់អ្នកស្រីអាចប្រមូលផលចាប់ពីខែឧសភា នេះទៅ ហើយមួយថ្ងៃអាចកាត់បានពី ២០-៣០គីឡូក្រាម និងអាចលក់បានចំណូលប្រមាណ ៨-៩ម៉ឺនរៀល។

អ្នកស្រីបានបញ្ជាក់ថា ៖

«ម្រះយើងអាចលក់បាន ៣០០០រៀល ក្នុងមួយគីឡូក្រាម ដែលយើងមានឈ្មួញមកទិញដល់ផ្ទះខ្លះ និងយកទៅលក់នៅផ្សារចុងសប្ដាហ៍ខ្លះ ហើយបច្ចុប្បន្ននេះ ខ្ញុំដាំបាន ៦ រង អាចប្រមូលផលបានជាបន្តបន្ទាប់ ជាពិសេសក្រោយពេលមានធ្លាក់ភ្លៀងកាន់តែល្អ»។

ចំពោះការដាំដុះដំណាំម្រះ អ្នកស្រី សៀម សុឃី បានប្រាប់ឱ្យដឹងថា ម្រះជាដំណាំងាយដាំ ដែលគេអាចដាំបានគ្រប់រដូវ ហើយបើចេះបច្ចេកទេសដាំបានត្រឹមត្រូវ គឺគេអាចដាំវិលជុំ ដោយសាររយៈពេលដាំត្រឹម ៤៥ថ្ងៃប៉ុណ្ណោះ ហើយអាចប្រមូលផលបានជាបន្តបន្ទាប់ជិត ២ខែទើបអស់។ ដោយឡែកសម្រាប់ម្រះដែលអ្នកស្រីកំពុងដាំ និងទទួលផលនាពេលនេះគឺទទួលបានជំនួយទាំងគ្រាប់ពូជ ជី និងបច្ចេកទេសពីអង្គការ Helen Keller ដែលធ្វើឱ្យការដាំកាន់តែបានផលប្រសើរជាងមុន។ មិនត្រឹមតែប៉ុណ្ណោះ ខាងអង្គការក៏មានបង្រៀនពីបច្ចេកទេសសំខាន់ៗដើម្បីបង្កើនទិន្នផលដំណាំ ដូចជាការបណ្ដុះកូន ការដាំ ការប្រើប្រាស់ជីធម្មជាតិ ក៏ដូចជាការធ្វើរង ដែលពីមុនមកអ្នកស្រីដាំលើដីផ្ទាល់ទទួលបានផលតិច ផ្លែមិនសូវល្អនោះទេ។

យ៉ាងណាក៏ដោយ អ្នកស្រីក៏បានបង្ហាញពីបញ្ហាដែលតែងជួបប្រទះផងដែរ ជាពិសេសបញ្ហាសត្វល្អិត ដូចជាសត្វទិច ដែលធ្វើឱ្យម្រះឡើងក្រហម និងខូច ប៉ុន្តែជានិច្ចកាល ខាងអ្នកជំនាញកសិកម្មរបស់អង្គការក៏បានចុះមកជួយ ក៏ដូចជាដាក់ថ្នាំកម្ចាត់សត្វទាំងនោះ។ នេះជាអ្វីដែលស្ត្រីជាកសិករខាងលើបានលើកឡើង។  

ចុងក្រោយ អ្នកស្រី សុឃី ក៏សូមអំពាវនាវ និងសំណូមពរឱ្យមានការគាំទ្របន្លែក្នុងស្រុក ដែលដាំដោយកសិករខ្មែរបន្ថែមទៀត ត្បិតវាជាបន្លែធម្មជាតិ មានសុវត្ថិភាពដល់អ្នកទទួលទាន៕  


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...

ដល់រដូវកាលហើយ ! សាវម៉ាវអូរសោម មានរសជាតិផ្អែមឆ្ងាញ់ និងកំពុងមមាញឹកប្រមូលផល

ជំនួញ, ព្រឹត្តិការណ៍

• 12/06/2024

សាវម៉ាវអូរសោម ជាប្រភេទសាវម៉ាវដែលមានរសជាតិឆ្ងាញ់ សាច់ស្រួយ កំពុងប្រមូលផលយ៉ាងមមាញឹក និងមានតម្រូវការទីផ្សារមិនចាញ់ប្រភេទសាវម៉ាវផ្សេងទៀតនោះទេ

សន្ទុះនៃការទិញលក់ និងតម្លៃដីធ្លីនៅបណ្ដា​ខេត្ត​ជាប់​មាត់សមុទ្រ​ហាក់មិនទាន់មានកា​រប្រែប្រួលទេក្នុ​ង​ឆមាស​ទី​​១ឆ្នាំនេះ

ព្រឹត្តិការណ៍, អចលនទ្រព្យ

• 12/06/2024

តំបន់តាមបណ្ដោយឆ្នេរ​សមុទ្រ​កម្ពុជា​ក្នុង​រយៈ​ពេល​ជិត​កន្លះឆ្នាំ​មកនេះ​ តម្លៃដី​និងសកម្មភាពនៃការទិញលក់ដីហាក់មិនទាន់មានកា​រប្រែប្រួល​នៅឡើយ