សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពីរ៉យទ័របានរាយការណ៍ថា តម្លៃប្រេងបានធ្លាក់ចុះបន្តិច ខណៈដែលមានការព្យាករណ៍ពីតម្រូវការរបស់អាម៉េរិកមានការធ្លាក់ចុះ និងភាពមិនច្បាស់លាស់ជុំវិញការផ្គត់ផ្គង់ប្រេងពីរុស្ស៊ី។
តម្លៃប្រេងឆៅម៉ាក Brent បានធ្លាក់ចុះ ០,៧% ឬ ៦៨,១២ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ធ្លាក់ចុះ ០,៧% ឬ ៦៤,១៥ ដុល្លារក្នុងមួយបារ៉ែល។ កាលពីដើមសប្តាហ៍នេះ តម្លៃប្រេងទាំងពីរបានឡើងថ្លៃបន្ទាប់ពីអ៊ុយក្រែនវាយប្រហារលើស្ថានីយប្រេងរបស់រុស្ស៊ី។ ក្រោយមក តម្លៃប្រេងបានធ្លាក់ចុះយ៉ាងខ្លាំង ខណៈដែលទីផ្សារព្យាករណ៍ថា តម្រូវការប្រេងរបស់អាម៉េរិកនឹងបន្តធ្លាក់ចុះទៀតបន្ទាប់ពីរដូវក្តៅបញ្ចប់ និងការបង្កើនការផ្គត់ផ្គង់កាន់តែច្រើនពីសំណាក់អ្នកផលិតធំៗ ដែលអាចជំរុញឲ្យតម្លៃប្រេងធ្លាក់ចុះបន្ថែមទៀត។
លោក Hiroyuki Kikukawa ប្រធានយុទ្ធសាស្រ្តនៃក្រុមហ៊ុន Nissan Securities Investment បានលើកឡើងថា ក្ដីព្រួយបារម្ភអំពីការធ្លាក់ចុះនូវតម្រូវការប្រេងឥន្ធនៈរបស់អាម៉េរិកអាចនឹងមានសម្ពាធនៅលើទីផ្សារ ខណៈដែលការដាក់ទណ្ឌកម្មរបស់អាម៉េរិក និងសហភាពអឺរ៉ុបប្រឆាំងនឹងរុស្ស៊ីនៅតែបន្តភាពមិនប្រាកដប្រជា។ អ្វីដែលសំខាន់ បន្ទាប់ពីការវាយប្រហាររបស់អ៊ុយក្រែនលើស្ថានីយ៍ Ust-Luga របស់រុស្ស៊ី ដែលជាកន្លែងនាំចេញប្រេងដ៏សំខាន់ ជាពិសេសប្រេងឆៅ Urals នៅលើសមុទ្របាល់ទិក បានបង្កឲ្យប្រតិបត្តិការត្រូវកាត់បន្ថយផលិតកម្មប្រហែលពាក់កណ្តាល ពោលគឺធ្លាក់ចុះមកនៅត្រឹមប្រហែល ៣៥០ ០០០ បារ៉ែលក្នុងមួយថ្ងៃ។
ទន្ទឹមនឹងនេះ បណ្តាវិនិយោគិនក៏កំពុងសម្លឹងមើលការឆ្លើយតបរបស់ឥណ្ឌាចំពោះសម្ពាធពីសហរដ្ឋអាម៉េរិកឱ្យបញ្ឈប់ការទិញប្រេងពីរុស្ស៊ីផងដែរ បន្ទាប់ពី Trump ដំឡើងពន្ធទ្វេដងលើការនាំចូលពីឥណ្ឌាដល់ទៅ ៥០% ។ ទោះជាយ៉ាងនេះក្តី ការនាំចេញប្រេងរបស់រុស្ស៊ីទៅកាន់ប្រទេសឥណ្ឌា ត្រូវបានព្យាករណ៍ថានឹងកើនឡើងនៅក្នុងខែកញ្ញា ដែលជាការប្រឆាំងទៅនឹងសម្ពាធពីអាម៉េរិក។ មិនត្រឹមតែប៉ុណ្ណោះ ក្រុមហ៊ុនប្រេងហុងគ្រី MOL និងរដ្ឋមន្ត្រីសេដ្ឋកិច្ចរបស់ប្រទេសស្លូវ៉ាគី លើកឡើងថា ការផ្គត់ផ្គង់ប្រេងឆៅរបស់រុស្ស៊ីមកកាន់ប្រទេសពួកគេតាមរយៈបំពង់បង្ហូរប្រេង Druzhba បានចាប់ផ្តើមឡើងវិញបន្ទាប់ពីការដាច់ភ្លើងបណ្តាលមកពីការវាយប្រហាររបស់អ៊ុយក្រែន។ បន្ថែមពីនេះ មានដំណឹងបង្ហើបថា អារ៉ាប៊ីសាអូឌីតដែលជាប្រទេសនាំចេញប្រេងដ៏ធំបំផុតរបស់ពិភពលោក អាចនឹងកាត់បន្ថយតម្លៃប្រេងឆៅនៅខែតុលា សម្រាប់អ្នកទិញនៅអាស៊ី ចំពេលមានការផ្គត់ផ្គង់ច្រើន និងតម្រូវការធ្លាក់ចុះ៕
Account
Security
Favourite Content