សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័របានរាយការណ៍ថា តម្លៃប្រេងបានឡើងថ្លៃខ្ពស់កាលពីថ្ងៃព្រហស្បតិ៍ បន្ទាប់ពីមានការព្រួយបារម្ភអំពីទិន្នន័យការងាររបស់សហរដ្ឋអាមេរិកថយចុះ និងសង្រ្គាមនៅមជ្ឈិមបូព៌ាដែលកំពុងកើនឡើងកំដៅនាពេលបច្ចុប្បន្ន។
នៅក្នុងសប្ដាហ៍នេះ តម្លៃប្រេងឆៅម៉ាក Brent ឡើងថ្លៃ ១,០៦ ភាគរយ ឬ ៧៩,១៦ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI)ឡើងថ្លៃ ១,២៨ ភាគរយ ឬ ៧៦,៣៧ ដុល្លារក្នុងមួយបារ៉ែល។ តម្លៃត្រូវបានឡើងថ្លៃបន្ទាប់ពីទិន្នន័យបានបង្ហាញថា ចំនួនពលរដ្ឋអាមេរិកដែលដាក់ពាក្យសុំអត្ថប្រយោជន៍ក្រោយអត់ការងារធ្វើបានថយចុះច្រើនជាងការរំពឹងទុកកាលពីសប្តាហ៍មុន ដែលជាសញ្ញាបង្ហាញថា ការភ័យខ្លាចចំពោះទីផ្សារការងារកំពុងថមថយ។
លោក Giovanni Staunovo អ្នកវិភាគរបស់ UBS បាននិយាយថា ទិន្នន័យចុងក្រោយបង្អស់របស់សហរដ្ឋអាមេរិកស្តីពីការទាមទារអត្ថប្រយោជន៍អត់ការងារធ្វើ បង្ហាញថាកំណើនសេដ្ឋកិច្ចរបស់សហរដ្ឋអាមេរិកនឹងបន្តកើនឡើង ដោយនឹងអាចកាត់បន្ថយការព្រួយបារម្ភអំពីតម្រូវការប្រេង។ កាលពីសប្តាហ៍មុន វិនិយោគិនបានវិភាគលើការធ្លាក់ចុះប្រេងចំនួន ៣,៧ លានបារ៉ែលនៅក្នុងស្តុកប្រេងឆៅរបស់សហរដ្ឋអាមេរិក ខណៈដែលកាលពីថ្ងៃពុធកន្លងទៅនេះ រដ្ឋបាលព័ត៌មានថាមពលបានរាយការណ៍ថា ស្តុកប្រេងឆៅបានធ្លាក់ចុះលើសពីការរំពឹងទុករបស់អ្នកវិភាគ ដែលជាការធ្លាក់ចុះ ៦ សប្តាហ៍ជាប់ៗគ្នាដល់កម្រិតទាបក្នុងរយៈពេល ៦ខែ។
មួយវិញទៀត ការធ្វើឃាតមេដឹកនាំនៃក្រុមសកម្មប្រយុទ្ធ Hamas និង Hezbollah បានបង្ហាញពីលទ្ធភាពនៃការវាយប្រហារសងសឹកដោយអ៊ីរ៉ង់ប្រឆាំងនឹងអ៊ីស្រាអែល ដែលបង្កឱ្យមានការព្រួយបារម្ភចំពោះការផ្គត់ផ្គង់ប្រេងពីមជ្ឈិមបូព៌ា ។
លោក Tim Snyder ប្រធានសេដ្ឋវិទូនៅ Matador Economics បានលើកឡើងថា ការវាយប្រហារនេះនឹងធ្វើឱ្យតម្លៃប្រេងឆៅឡើងថ្លៃ ប្រសិនបើមានការសងសឹករបស់អ៊ីរ៉ង់ត្រូវធ្វើឡើងក្នុងទ្រង់ទ្រាយធំ។ កាលពីថ្ងៃព្រហស្បតិ៍ ទីភ្នាក់ងារ (UKMTO) បានរបាយការណ៍ពីឧប្បត្តិហេតុមួយនៅចម្ងាយ ៤៥ ម៉ាយក្នុងសមុទ្រភាគខាងត្បូងនៃទីក្រុង Mokha ប្រទេសយេម៉ែន។ ចាប់តាំងពីខែវិច្ឆិកាឆ្នាំមុន ក្រុមសកម្មប្រយុទ្ធ Houthi (សម្ព័ន្ធមិត្តជាមួយអ៊ីរ៉ង់) បានបើកការវាយប្រហារលើការដឹកជញ្ជូនអន្តរជាតិនៅជិតប្រទេសយេម៉ែន ដោយសាមគ្គីភាពជាមួយប៉ាឡេស្ទីនក្នុងសង្គ្រាមរវាងអ៊ីស្រាអែល និងក្រុមហាម៉ាស។
កាលពីថ្ងៃព្រហស្បតិ៍សប្ដាហ៍នេះ ក្រុមគ្រូពេទ្យប៉ាឡេស្ទីនបានរាយការណ៍ថា កងកម្លាំងអ៊ីស្រាអែលបានបង្កើនការវាយប្រហារតាមផ្លូវអាកាសឆ្លងកាត់តំបន់ហ្គាហ្សា ដោយបានសម្លាប់មនុស្សយ៉ាងហោចណាស់ ៤០ នាក់ ក្នុងការប្រយុទ្ធបន្ថែមទៀតជាមួយក្រុមហាម៉ាស់ ខណៈដែលអ៊ីស្រាអែលកំពុងត្រៀមខ្លួនសម្រាប់សង្រ្គាមនៅក្នុងតំបន់។ ទន្ទឹមនឹងនេះ ក្រុមហ៊ុន National Oil Corp. របស់ប្រទេសលីប៊ី បានប្រកាសថា ខ្លួនបានកាត់បន្ថយទិន្នផលប្រេងនៅ Sharara បន្តិចម្តងៗដោយសារតែបាតុកម្ម។
អ្នកវិភាគនៅ Citi បាននិយាយថា ប្រេងឆៅម៉ាក Brent អាចនឹងឡើងថ្លៃដល់ ៨០ ដុល្លារក្នុងមួយបារ៉ែល ដោយសារហានិភ័យកើនឡើងនៅក្នុងទីផ្សារនៅតែមាន ខណៈដែលហានិភ័យភូមិសាស្ត្រនយោបាយកើនឡើងនៅទូទាំងអាហ្រ្វិកខាងជើង និងមជ្ឈិមបូព៌ា។ មិនត្រឹមតែប៉ុណ្ណោះ ការរំខានទាក់ទងនឹងអាកាសធាតុដែលឧស្សាហ៍កើតមានព្យុះសង្ឃរាក៏ប៉ះពាល់ដល់ផលិតកម្ម និងតម្លៃប្រេងផងដែរ៕
Account
Security
Favourite Content