សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានលើកឡើងថា រាជរដ្ឋាភិបាលកម្ពុជា ក្រោមការដឹកនាំរបស់សម្ដេចកំពុងដាក់ចេញផែនការមេ សម្រាប់អភិវឌ្ឍន៍ខេត្តព្រះសីហនុ និងខេត្តជាប់សមុទ្រ ជាពិសេសខេត្តព្រះសីហនុ ត្រូវជំរុញឱ្យមានការភ្ជាប់ជើងហោះហើរជាមួយតំបន់ទេសចរណ៍ល្បីៗក្នុងតំបន់ និងពង្រឹងសន្តិសុខ សុវត្ថិភាព ជូនដល់ភ្ញៀវជាតិ និងអន្តរជាតិ ដើម្បីទាក់ទាញទេសចរ និងការវិនិយោគ។
សម្ដេចធិបតី ហ៊ុន ម៉ាណែត កាលពីពេលថ្មីៗនេះបានអះអាងថា ខេត្តជាប់មាត់សមុទ្រ បើអភិវឌ្ឍន៍ឱ្យបានត្រឹមត្រូវនឹងនាំមកនូវសេដ្ឋកិច្ចជាតិច្រើនណាស់ ជាពិសេសខេត្តព្រះសីហនុតែម្ដង ដែលជាខេត្តមានសក្តានុពលធំធេងសម្រាប់ជាតិកម្ពុជា ហើយពាក់ព័ន្ធផែនការអភិវឌ្ឍ ដ៏មានសក្ដានុពលមួយនេះ គឺរាជរដ្ឋាភិបាលបានប្រគល់ភារកិច្ចជូន ឯកឧត្តម ឧបនាយករដ្ឋមន្ដ្រី ស៊ុន ចាន់ថុល ។
សម្ដេចធិបតី ហ៊ុន ម៉ាណែត បានមានប្រសាសន៍ថា ៖
«យើងកំពុងធ្វើផែនការមេដើម្បីអភិវឌ្ឍន៍ខេត្តព្រះសីហនុ និងខេត្តជាប់សមុទ្រ។ ខ្ញុំឱ្យមានការគិតគូររួម កុំឱ្យគិតគូរដាច់ដោយដុំ ត្រូវគិតគូរជាកញ្ចប់ ជាមាត្រដ្ឋាន។ បើយើងគិតតែខេត្តព្រះសីហនុ យកខេត្តបីទៀតជាគូប្រជែងយើងអត់យកសក្ដានុពលបានទេ។ យើងត្រូវយកខេត្ត៤របស់យើង (ជាប់សមុទ្រ) ប្រកួតប្រជែងជាមួយប្រទេសផ្សេងៗ»។
សម្តេចធិបតី ហ៊ុន ម៉ាណែត បានមានប្រសាសន៍បន្តថា ៖
«ការបង្កើតជើងហោះហើរត្រង់មកកាន់ខេត្តព្រះសីហនុ ក៏សំខាន់ដែរ ធ្វើយ៉ាងម៉េចបើកមុខព្រួញហោះហើរឱ្យបានច្រើន យើងភ្ជាប់ខេត្តព្រះសីហនុ ជាមួយទិសដៅទេសចរណ៍ឱ្យបានច្រើន ដើម្បីទាញអ្នកទេសចរមកកាន់ទីនេះ។ ភូមិសាស្ត្រក្នុងខេត្តព្រះសីហនុ ពិតជាមានសក្តានុពលខ្លាំងណាស់ សម្រាប់ជំរុញកំណើនសេដ្ឋកិច្ច ប្រៀបដូចជាគ្រាប់ពេជ្រ តែត្រូវមានការកែច្នៃ ដើម្បីទទួលបានជាប្រយោជន៍ ហើយដើម្បីមានឱកាសកែច្នៃគ្រាប់ពេជ្រឱ្យបានជាប្រយោជន៍ត្រូវទាមទារចាំបាច់នូវសុខសន្តិភាព»។
ជាមួយគ្នានេះ សម្ដេចធិបតី ក៏បានណែនាំឱ្យរៀបចំ និងពិនិត្យគិតគូរអំពីកំពង់សមុទ្រដែលកំពុងមានចំនួន៤ ក្នុងនោះខេត្តព្រះសីហនុ ១, ខេត្តកំពត មាន២ និងខេត្តកោះកុងមាន១ ដោយត្រូវធ្វើយ៉ាងណាឱ្យប្រទាក់ក្រឡាគ្នា តែមិនប្រកួតប្រជែងគ្នានោះទេ ហើយមានគោលដៅរួមដូចគ្នា គឺប្រកួតប្រជែងជាមួយប្រទេសជិតខាង។ ក្នុងនោះ ត្រូវបែងចែកគ្នាឱ្យច្បាស់ថា កំពង់ផែណាសម្រាប់ទេសចរណ៍ និងកំពង់ផែណាសម្រាប់ទំនិញ។
Account
Security
Favourite Content