សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងឱកាសជួបសំណេះសំណាល និងពិសារអាហារសាមគ្គី ជាមួយម្ចាស់សហគ្រាសធុនតូច និងមធ្យម ក៏ដូចជាអ្នកធ្វើធុរកិច្ចនៅកម្ពុជា នៅល្ងាចថ្ងៃទី១០ ខែមេសា ឆ្នាំ២០២៣ សម្ដេចតេជោ ហ៊ុន សែន នាយករដ្ឋមន្ត្រីបានមាន ប្រសាសន៍ជំរុញបន្ថែមដល់ការកែច្នៃផលិតផលដែលមានស្រាប់នៅក្នុងស្រុក។
ក្នុងចំណោមអនុសាសន៍ទាំង ៥ ដែលសម្ដេចបានថ្លែង សំដៅលើឲ្យប្រសើរឡើងនៃសេដ្ឋកិច្ចក្រៅប្រព័ន្ធ ក៏មានផងដែរនូវអនុសាសន៍មួយដែល ផ្ដោតលើការលើកកម្ពស់សមត្ថភាពរបស់សហគ្រាស ដើម្បីបង្កើនប្រសិទ្ធភាព និងភាពធននៃធុរកិច្ច។
សម្ដេចតេជោបានមានប្រសាសន៍យ៉ាងដូច្នេះថា៖
“យើងទាំងអស់គ្នានៅទីនេះ កំពុងតែស្ថិតនៅជាអ្នកដែលហៅថាសេដ្ឋកិច្ចក្រៅប្រព័ន្ធ…កន្លងទៅមានទស្សនៈមួយបានលើកឡើងថា ពួកគេជាសមាគមនៃសេដ្ឋកិច្ចក្រៅប្រព័ន្ធ ប៉ុន្តែពួកគេមិនទាន់ដឹងទេថា តើរាជរដ្ឋាភិបាលកំពុងធ្វើអ្វី នោះគឺការផ្ដល់នូលទ្ធភាពគ្រប់យ៉ាង ដើម្បីគាំទ្រដល់សេដ្ឋកិច្ចក្រៅប្រព័ន្ធនោះឯង”
សម្ដេចតេជោបន្តមានប្រសាសន៍ទៀតថា ៖
”អ្វីដែលខ្ញុំគួរលើកទឹកចិត្តបន្តទៀត គឺខិតខំយកចិត្តទុកដាក់ ជំរុញការកែច្នៃទៅលើផលិតផល ដែលមានស្រាប់នៅក្នុងប្រទេសរបស់យើង ជាពិសេសសម្រាប់សិប្បកម្ម សហគ្រាសធនតូច និងមធ្យមដែលពាក់ព័ន្ធ និងការការកែច្នៃចំណីអាហាររបស់កម្ពុជាតែម្ដង”
សម្ដេចតេជោ បន្តគូសបញ្ជាក់ផងដែរថា ពីមុនមកកម្ពុជាយើងធ្លាប់តែនាំចូលនូវអ្វីៗទាំងឡាយ សម្រាប់បម្រើឲ្យសេចក្ដីត្រូវការនៅក្នុងប្រទេស ប៉ុន្តែតាមរយៈនៃសកម្មភាពជំរុញសកម្មភាពធនតូច និងមធ្យម និងសិប្បកម្មនៅកម្ពុជា បច្ចុប្បន្ន កម្ពុជាបានប្រើប្រាស់ផលិតផលដែលកែច្នៃក្នុងស្រុក ហើយចាប់ផ្ដើមពីវត្ថុធាតុដើមនៅក្នុងស្រុក។ ដូច្នេះ ប្រសិនបើប្រជាពលរដ្ឋកម្ពុជា ផ្ដល់នូវលទ្ធភាពប្រើប្រាស់នូវផលិតផលក្នុងស្រុក ប្រាកដណាស់ វានឹងរីកចម្រើនថែមទៀត។ ជាក់ស្ដែង នៅក្នុងរយៈពេលកន្លងទៅនេះ គឺពេលមានគ្រោះអាសន្នម្ដងៗ រាជរដ្ឋាភិបាលបានពឹង ពាក់ស្ទើតែទាំងស្រុងនូវការផ្គត់ផ្គង់ផលិតផល ដែលចេញពីការប្រើប្រាស់ ការកែច្នៃនៅក្នុងស្រុក ជាពិសេសគឺផ្នែកម្ហូបអាហារតែម្ដង៕
Account
Security
Favourite Content