សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ មូលនិធិរូបិយវត្ថុអន្តរជាតិ ហៅកាត់ថា IMF (International Monetary Fund) សប្តាហ៍នេះបានបង្ហាញថា ទំហំនៃរូបិយវបណ្ណជាលុយដុល្លារ US Dollar currency នៅក្នុងទុនបម្រុងអន្តរជាតិ ឬ Foriegn Exchange Reserve បានថយចុះនៃចំណែករបស់ខ្លួនយ៉ាងខ្លាំងមិនធ្លាប់មានក្នុងរយៈពេលជាង៣០ឆ្នាំចុងក្រោយកន្លងមកនេះ។
ស្ថិតិដែលត្រូវបានសិក្សាស្រាវជ្រាវដោយអង្គភាពដែលមានមូលដ្ឋាននៅក្នុងទីក្រុងវ៉ាស៊ិនតោនមួយនេះក៏បានលំអិតដែរថា ចន្លោះពីខែកក្កដា ដល់ខែកញ្ញា ឆ្នាំ២០២៤នេះ ចំណែកនៃលុយដុល្លារបានថយចុះប្រមាណជា ០,៨៥ភាគរយបន្ថែមទៀតដែលធ្វើឲ្យចំណែកសរុបរបស់រូបិយបណ្ណមួយនេះនៅក្នុងទុនបម្រុងអន្តរជាតិរបស់សកលបច្ចុប្បន្នមានត្រឹមតែ ៥៧,៤ភាគរយ។
កាលពីខែមិថុនាកន្លងទៅ IMF បានផ្តល់សញ្ញាម្តងហើយថា ទំនោររបស់លុយដុល្លារនឹងបន្តធ្លាក់ចុះទៀតដោយសារតែកិច្ចខិតខំប្រឹងរបស់បណ្តាប្រទេសមួយចំនួនក្នុងការគេចចេញពីការប្រតិបត្តិការជាលុយដុល្លារ ហើយជាក់ស្តែង ចំណែករបស់លុយដុល្លារនៅក្នុងទុនបម្រុងអន្តរជាតិគឺបានបន្តធ្លាក់ចុះខ្លាំងក្នុងរយៈពេល៣ត្រីមាសចុងក្រោយនេះស្របពេលដែលរូបិយបណ្ណថ្មីៗមួយចំនួនបែរជាមើលឃើញពីការកើនឡើងទៅវិញ។
ធៀបទៅនឹងរូបិយបណ្ណរបស់តំបន់អឺរ៉ុបគឺលុយអឺរ៉ូ EURO វិញ បច្ចុប្បន្ន លុយដុល្លារកំពុងបាត់បង់ទំនុកចិត្តពីក្រុមអ្នកវិនិយោគនានាដោយពួកគេបាននាំគ្នាងាកទៅទិញលុយអឺរ៉ូ ឬលុយយេន Yen របស់ជប៉ុនជំនួសវិញ។ ជាក់ស្តែង លុយអឺរ៉ូ EURO ក្នុងរយៈពេល៣ត្រីមាសឆ្នាំនេះមានកំណើននៃចំណែករបស់ខ្លួនក្នុងទុនបម្រុងអន្តរជាតិប្រមាណជា ២០,០២ភាគរយធៀបទៅនឹងត្រីមាសទី២ដែលមានចំណែកត្រឹមតែ១៩,៧៥ភាគរយ ខណៈដែលលុយយេននៅតែបន្តកើនឡើងចំណែកក្នងទីផ្សាររយៈពេល៦ខែចុងក្រោយមកដល់ ៥,៨២ភាគរយគិតត្រឹមត្រីមាសទី៣ដូចគ្នានេះ។
យ៉ាងណាក្តី នៅក្នុងរបាយការណ៍ដែលចេញដោយ IMF បានសរសេរថា បើទោះបីជាមានទំនោរធ្លាក់ចុះឥទ្ធិពលនៃលុយដុល្លារក្តី ប៉ុន្តែមកដល់បច្ចុប្បន្ននេះ ដុល្លារ នៅតែជារូបិយបណ្ណដែលមានឥទ្ធិពល និងមានអំណាចជាងគេដដែលនៅក្នុងទីផ្សារ ហើយរត់តាមពីក្រោយដោយលុយអឺរ៉ូ EURO ដែលស្ថិតនៅលេខរៀងទី២៕
Account
Security
Favourite Content