សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពី WION បានបង្ហាញថា អ្នកវិទ្យាសាស្ត្របានរកឃើញថា ត្រីបាឡែនពិតជាអាចជួយបន្ធូរបន្ថយការប្រែប្រួលអាកាសធាតុ ដែលត្រូវបានគេហៅថាការផ្លាស់ប្តូរនៃសីតុណ្ហភាព និងលំនាំអាកាសធាតុក្នុងរយៈពេលវែង។
ការសិក្សាថ្មីមួយពីសាកលវិទ្យាល័យ Otago និងសាកលវិទ្យាល័យ Alaska Southeast បានបង្ហាញថា ត្រីបាឡែនប្រៀបបានជាកន្លែងស្តុកកាបូនដ៏ធំបំផុតនៅក្នុងតំបន់មហាសមុទ្រ។ តាមរយៈការសិក្សានេះ គេផ្តោតលើការប្រមូលផ្តុំកាបូន ដែលជាដំណើរការនៃការចាប់យក និងរក្សាទុកកាបូនឌីអុកស៊ីតពីបរិយាកាស។ ដំណើរការចាប់យកនេះមានគោលបំណងកាត់បន្ថយបរិមាណកាបូនឌីអុកស៊ីតនៅក្នុងបរិយាកាស។
ថ្មីនេះៗ អ្នកវិទ្យាសាស្ត្របាននិយាយថា ទំហំខ្លួនដ៏ធំរបស់ត្រីបាឡែនអាចស្រូបយកឧស្ម័នកាបូនឌីអុកស៊ីត CO2 យ៉ាងច្រើនតាមបែបធម្មជាតិ។ នៅពេលដែលពួកវាងាប់ទៅ គឺនឹងគ្មានកាបូនណាមួយនឹងលេចធ្លាយទៅក្នុងបរិយាកាសទេ តែវានឹងលិចទៅបាតសមុទ្រ។ ទំហំខ្លួនរបស់ត្រីបាឡែនមានឥទ្ធិពលខ្លាំងលើវដ្តកាបូនដោយវាអាចរក្សាទុកកាបូនដោយមានប្រសិទ្ធភាពជាងសត្វតូចៗ ឬសត្វដែលស៊ីសាច់ឆៅ និងផលិតកាកសំណល់ក្នុងបរិមាណច្រើន។ មិនត្រឹមតែប៉ុណ្ណោះ ត្រីបាឡែនអាចជះឥទ្ធិពលទៅដល់វដ្តសារធាតុចិញ្ចឹម និងវដ្តកាបូនក្នុងបាតសមុទ្រ ព្រោះវាជាសត្វមួយដែលអាចហែលបានចម្ងាយឆ្ងាយបំផុត ។
អ្នកវិទ្យាសាស្ត្របានបន្ថែមទៀតថា ទំហំខ្លួនដ៏ធំរបស់ត្រីបាឡែនអាចជួយប្រយុទ្ធប្រឆាំងនឹងការប្រែប្រួលអាកាសធាតុ ព្រោះពួកវាដើរតួជាធុងកាបូនធំមួយដែលស្រូបយកឧស្ម័នផ្ទះកញ្ចក់ដូចជាដើមឈើដែរ។ សព្វថ្ងៃនេះ ពិភពលោកកំពុងផលិតកាបូន ១០ ពាន់លានតោនក្នុងមួយឆ្នាំដែលភាយទៅកាន់ក្នុងបរិយាកាស ហើយប្រហែល ៣ ពាន់លានតោនត្រូវបានស្រូបយកដោយមហាសមុទ្រ។ យោងតាមការសិក្សា ត្រីបាឡែន អាចស្រូបកាបូនឌីអុកស៊ីបានដល់ទៅ ៤ ភាគរយនៃទម្ងន់ខ្លួនរបស់ពួកវាជារៀងរាល់ថ្ងៃ។ ដំណើរការស្រូបយកកាបូន គឺបានមកពីរស្មីសំយោគ Krill និង Plankton ដែលបង្កើតបានជាផ្នែកធំមួយនៃរបបអាហាររបស់ពួកវា។ របបអាហារនេះប្រហែល ៣,៦ តោនក្នុងមួយថ្ងៃសម្រាប់ត្រីបាឡែនពណ៌ខៀវ៕
Account
Security
Favourite Content