យល់ដឹងពីបច្ចកទេសដាំត្រប់វែង ងាយៗ និងទទួលបានផលច្រើន

ភ្នំពេញ ៖ ត្រប់វែង ឬត្រប់សណ្ដាយ ជាប្រភេទបន្លែមួយដ៏សំខាន់ ដែលប្រជាជនខ្មែរតែងតែទទួលទានជាអន្លក់ ឬច្នៃចម្អិនជាម្ហូបអាហារដ៏មានឱជារស។ ត្រប់វែង គេតែងតែដាំជាលក្ខណៈគ្រួសារ ដាំតាមចំការ និងក្នុងសួនបន្លែជាដើម ដោយសារតែដំណាំប្រភេទនេះងាយស្រួលដាំ ចំណាយពេលខ្លី និងទទួលបានទិន្នផលច្រើន។ ជាមួយគ្នានេះ ដើម្បីដាំត្រប់វែង ឬត្រប់សណ្តាយ កសិករគួរយកចិត្តទុកដាក់នូវចំណុចសំខាន់ៗមួយចំនួន ដូចជា លក្ខខណ្ឌដី ការដាំដុះ រដូវកាលដាំដុះ ការបណ្ដុះកូន ការថែទាំ និងការការពារពីជំងឺរុក្ខជាតិផងដែរ។

ចំពោះលក្ខខណ្ឌដី ត្រប់វែង អាចដុះលូតលាស់បាននៅលើដីស្ទើរគ្រប់ប្រភេទ ជាពិសេសដីដែលមាន pH ៥-៦ ដែលអាចធ្វើឱ្យដំណាំត្រប់ទទួលបានទិន្នផលខ្ពស់។ បន្ថែមលើនេះ នៅកន្លែងដែលមានសីតុណ្ហភាពចន្លោះពី ១៨-២៥ អង្សាសេ ក៏អំណោយផលសម្រាប់ការដុះលូតលាស់របស់ដំណាំនេះផងដែរ។

ការជ្រើសរើសពូជ កសិករគួរជ្រើសរើសពូជដែលមានប្រភពច្បាស់លាស់។ ដោយឡែកការរៀបចំដី ត្រូវភ្ជូរដីឱ្យបានម៉ដ្ឋល្អ ជម្រៅ ២-៣តឹក និងហាលដីចោលប្រមាណ ១០-១៥ថ្ងៃសិន។

ក្នុងកំឡុងពេលនេះ កសិករត្រូវចាប់ផ្ដើមលើករងដាំកូនត្រប់បន្ទាប់ពីកូនត្រប់មានអាយុខ្ទង់ ១សប្ដាហ៍។ ការលើករងដាំត្រប់ត្រូវលើកដោយមានទទឹងប្រមាណ ១ម៉ែត្រ ហើយបណ្ដោយតាមលទ្ធភាព តែមិនគួរលើសពី ២៥ម៉ែត្រនោះទេ ដោយសាររងវែងពេកកសិករអាចពិបាកចូលស្រោចទឹក សម្អាតស្មៅ ដាក់ជី បាញ់ថ្នាំ និងប្រមូលផល។ ដោយឡែករងនៅរដូវវស្សាត្រូវមានកម្ពស់ពី ៣-៥តឹក ហើយចន្លោះពីគុម្ពមួយទៅគុម្ពមួយប្រវែង ៧តឹ ទៅ ១ម៉ែត្រ និងចន្លោះពីជួរមួយទៅជួរមួយប្រវែង ៧តឹកទៅ ១ម៉ែត្រ។

សម្រាប់ការដាក់ជីទ្រាប់បាត កសិករគួរប្រើជីលាមកសត្វពុកផុយ ឬជីកំប៉ុស លាយជាមួយជីអិនប៉េកា ចៀសវាងដាក់លាមសត្វមិនទាន់ពុកផុយដែលអាចបង្កឱ្យកូនបន្លែរលួយ។  បន្ទាប់ពីដាក់ជីទ្រាប់បាតហើយ ត្រូវស្រោចទឹកតាមរងឱ្យជោគ ទើបធ្វើការគ្របរងដោយប្លាស្ទិកគ្រប់ដី ឬប្រើចំបើងក៏បាន។

ពាក់ព័ន្ធនឹងការបណ្ដុះកូនត្រប់ កសិករគួរយកចិត្តទុកដាក់ ចៀសវាងការខាតបង់ច្រើនដោយសារកូនត្រប់ក្រិន មានជំងឺ មានសុខភាពខ្សោយ។ ដើម្បីបណ្ដុះកូនត្រប់ឱ្យបានថ្លោសល្អ យើងត្រូវសង់រោងបណ្ដុះនៅកន្លែងមានពន្លឺគ្រប់គ្រាន់ ដំបូលរោងមានពន្លឺចាំងចូល និងមានកម្ពស់ ២-២.៥ម៉ែត្រធ្វើពីសំណាញ់ខៀវដើម្បីការពារទាំងកម្ដៅនិងទឹកភ្លៀង។

ការបណ្ដុះគ្រាប់ ត្រូវរៀបចំដីសម្រាប់បណ្ដុះគ្រាប់ដោយប្រើដីលាយជាមួយជីលាមកគោ ឬជីកំប៉ុស្ត និងផេះអង្កាម ហើយយកល្បាយនេះទៅលីង ឬចំហុយរហូតក្ដៅសព្វ និងនៅសើមតិចៗ រួចយកល្បាយដីទៅដាក់ក្នុងកន្ទោង ឬថាសបណ្ដុះ។ ដាក់គ្រាប់ត្រប់វែង ១គ្រាប់ ក្នុងមួយកន្ទោងឬមួយប្រឡោះថាស ទើបយកដីរោយលុបពីលើគ្រាប់ និងមើលថែ ដាក់ជី ក៏ដូចជាស្រោចទឹកឱ្យបានគ្រប់គ្រាន់។

លុះកូនត្រប់មានអាយុ ២៥ថ្ងៃ មានស្លឹកពីរឬបី យើងអាចយកទៅដាំបាន ដោយដកកូនត្រប់ចេញពីថាសបណ្ដុះថ្មៗ ដោយយកដៃច្របាច់បាតថាស ឬរុញដីក្នុងរន្ធបាតថាសឡើង ឯដៃម្ខាងទៀតទាញគល់កូនត្រប់ឡើងលើ។ យកកូនត្រប់ដាក់ដាំត្រឹមដីកំណើត ពោលគឺត្រឹមដីដែលសល់ពីថាសបណ្ដុះស្រាប់ទើបកូនត្រប់ដុះបានល្អនិងលូតលាស់លឿន។

ទាក់ទងនឹងការថែទាំ ត្រប់ក៏មិនខុសពីដំណាំផ្សេងទៀតដែរ ដែលយើងត្រូវស្រោចទឹក ដាក់ជី សម្អាតស្មៅ កាត់ស្លឹកឬខ្នែង ជាដើម។ ក្នុងនោះ ការស្រោចទឹកនេះទៀតសោត ត្រូវស្រោចទឹកជាប្រចាំបន្ទាប់ពីកូនមានអាយុ១៥ថ្ងៃបន្ទាប់ពីដាំហើយដើម្បីឱ្យកូនដុះឫសបានរឹងមាំ។ ការស្រោចទឹកគួរស្រោចនៅពេលព្រឹក ចៀសវាងស្រោចនៅពេលល្ងាចអាចបង្កឱ្យរលួយឫស ប៉ុន្តែបើមើលគល់ទៅឃើញដីសើមខ្លាំងពេក គួរកាត់បន្ថយការស្រោចទឹកវិញ។

ចំពោះដំណាំត្រប់វែង ជំងឺដែលអាចកើតមានចំពោះត្រប់មានដូចជា ជំងឺបាក់តេរី ដែលយើងអាចការពារបានដោយការរើសពូជធន់នឹងជំងឺ ការបណ្ដុះកូនត្រប់មិនដាក់ជាប់ដី ដាំដំណាំឆ្លាស់ សម្អាតសំណល់ដែលកើតជំងឺ និងដុតចោល ហើយមិនត្រូវបង្ហូរទឹកពីរងដែលកើតជំងឺទៅរងផ្សេងទៀតចៀសវាងការឆ្លងទៅរងផ្សេងទៀត។ ក្រៅពីនេះ ត្រប់វែងក៏ត្រូវបានយាយីពីសត្វល្អិតចង្រៃដូចជា រុយស ដង្កូវចោះផ្លែ ដង្កូវស៊ីរូងដើម ពីងពាងក្រហម សត្វទ្រីប ដង្កូវមូរស្លឹក និងមមាចខៀវផងដែរ។ 

ការប្រមូលផលត្រប់វែងគួរកាត់នៅពេលព្រឹកដែលអាចរក្សារសជាតិបន្លែ ត្រប់មានទម្ងន់ធ្ងន់ និងជ្រើសរើសផ្លែណាដែលធំ រលោងល្អ និងដាក់ដោយឡែកពីផ្លែត្រប់ដែលមានដង្កូវស៊ី ហើយត្រូវច្រកថង់ដែលមានរន្ធតូចៗ មានខ្យល់ចេញចូលកុំឱ្យបន្លែស្លោក៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា​ទាក់ទាញ​គម្រោង​វិនិយោគ ​៤​១៩ ​ក្នុង​រយៈពេល​ ​១០​ ខែ​ ​បង្កើត​ការងារ​ជាង​ ២៣ ​ម៉ឺន​កន្លែង​

ព្រឹត្តិការណ៍, សេដ្ឋកិច្ច

• 11/11/2026

ក្នុង​រយៈពេល​ ​១០ ​ខែ​ដំបូង​ឆ្នាំ ​២០២៦ ​កម្ពុជា​បាន​ទាក់ទាញ​គម្រោង​វិនិយោគ​ចំនួន​ ៤​១៩ ​ដែល​មាន​ទុន​វិនិយោគ​​សរុប​ចំនួន​ ៦​,​១៦ ​ពាន់​លាន​ដុល្លារ​អាម៉េរិក​ ​និង​អាច​បង្កើត​ឱកាស​ការងារ​ប្រមាណ​ ​២៣៦​.​០០០​កន្លែង

តំបន់​សេដ្ឋកិច្ច​ពិសេស​ ៣៩ ​នៅ​កម្ពុជា​ ទាក់ទាញ​ទុន​វិនិយោគ​ ​១៥​ ពាន់​លាន​ដុល្លារ​

ព្រឹត្តិការណ៍, អចលនទ្រព្យ

• 11/11/2026

តំបន់​សេដ្ឋកិច្ច​ពិសេស​ចំនួន​ ​៣៩ ​ដែល​កំពុង​ដំណើរការ​នៅ​កម្ពុជា​ ​បាន​ទាក់ទាញ​គម្រោង​វិនិយោគ​សរុប​ចំនួន​ ១ ១៤៩​ ​គម្រោង​ ​ដែល​មាន​ទុន​វិនិយោគ​ប្រមាណ ​១៥ ​ពាន់​លាន​ដុល្លារ​អាម៉េរិក​ ​និង​បាន​បង្កើត​ឱកាស​ការងារ​ជិត ​២៧​ម៉ឺន​កន្លែង​ ​

មេដឹកនាំចិន អបអរសាទរប្រធានាធិបតីថ្មីប៊ុលហ្ការី និងប្តេជ្ញាពង្រឹងទំនាក់ទំនង ពង្រីកទំហំពាណិជ្ជកម្មទ្វេភាគី

ព្រឹត្តិការណ៍, អាជីវកម្មថ្មី និងនវានុវត្ត

• 11/11/2026

បរទេស​ ៖ ប្រធានាធិបតីចិន លោក Xi Jinping បានផ្ញើសារអបអរសាទរជាផ្លូវការជូនចំពោះលោកស្រី Iliana Yotova ក្នុងឱកាសដែលលោកស្រីត្រូវបានជ្រើសតាំងជាប្រធានាធិបតីនៃសាធារណរដ្ឋប៊ុលហ្ការី ជាមួយនឹងការបញ្ជាក់ជាថ្មីអំពីការប្តេជ្ញាចិត្តរបស់ទីក្រុងប៉េកាំងក្នុងការពង្រឹងទំនាក់ទំនងទាំងវិស័យការទូត ទាំងវិស័យសេដ្ឋកិច្ចជាមួយប្រទេសនៅអឺរ៉ុបភាគអាគ្នេយ៍មួយនេះ។ នៅក្នុងសារបង្ហាញពីការអបអរសាទរតាមបណ្តាញសង្គម (តេឡេក្រាម) កាលពីថ្ងៃចុងសប្ដាហ៍កន្លងទៅដែលត្រូវបានយកមកចេញផ្សាយដោយកាសែត Novinata លោកប្រធានាធិបតីចិន Xi Jinpin បានគូសបញ្ជាក់អំពីចំណងមិត្តភាពជាប្រវត្តិសាស្ត្រយ៉ាងជ្រាលជ្រៅរវាងប្រទេសទាំងពីរ

ក្រុមហ៊ុន អូស៊ីអាយស៊ី ត្រូវបានទទួលស្គាល់ជាក្រុមហ៊ុនអភិវឌ្ឍន៍អចលនទ្រព្យឆ្នើមប្រចាំឆ្នាំ និងឈ្នះពានរង្វាន់សរុបចំនួន ៧ រង្វាន់

ព្រឹត្តិការណ៍, អត្ថបទពាណិជ្ជកម្ម

• 10/11/2026

ក្រុមហ៊ុន អូស៊ីអាយស៊ី ត្រូវបានទទួលស្គាល់ជាក្រុមហ៊ុនអភិវឌ្ឍន៍អចលនទ្រព្យឆ្នើមប្រចាំឆ្នាំ និងឈ្នះពានរង្វាន់សរុបចំនួន ៧ រង្វាន់ នៅក្នុងកម្មវិធី Cambodia Real Estate Awards 2026 ភ្នំពេញ ៖  ក្រុមហ៊ុន អូស៊ីអាយស៊ី (OCIC) បានទទួលពានរង្វាន់កិត្តិយសជា ក្រុមហ៊ុនអភិវឌ្ឍន៍អចលនទ្រព្យឆ្នើមប្រចាំឆ្នាំ (Developer

មេ FASMEC គ្រោងបង្កើតគណៈកម្មការសម្របសម្រួល និងនាំចូលវត្ថុធាតុដើមចាំបាច់ពីក្រៅប្រទេស លក់ជូន SME ក្នុងស្រុកដោយតម្លៃទាប

ព្រឹត្តិការណ៍, សេដ្ឋកិច្ច

• 10/11/2026

ភ្នំពេញ ៖ ប្រធានសម័្ពន្ធសមាគមសហគ្រាសធុនតូច និងមធ្យមកម្ពុជា (FASMEC) បានបង្ហើបពីផែនការនៃការបង្កើតគណៈកម្មការសម្របសម្រួល និងនាំចូលវត្ថុធាតុដើមចាំបាច់ពីក្រៅប្រទេស ហើយលក់ជូនបងប្អូននៅក្នុងវិស័យសហគ្រាសធុនតូច និងមធ្យម SME ក្នុងស្រុកជាមួយតម្លៃទាប ដើម្បីធ្វើយ៉ាងណាអាចកាត់បន្ថយថ្លៃដើមផលិត និងលក់ចេញផលិតផលសម្រេចនៅលើទីផ្សារក្នុងតម្លៃសមរម្យ។ លោកឧកញ៉ា តែ តាំងប៉ ប្រធានក្រុមប្រឹក្សាភិបាល សម័្ពន្ធសមាគមសហគ្រាសធុនតូច និងមធ្យម កម្ពុជា

កិច្ច​ប្រជុំ​កំពូល​ហ្វ្រង់​កូហ្វូនី ​បើក​ឱកាស​ទាក់ទាញ​វិនិយោគ​ ​ពង្រីក​ពាណិជ្ជកម្ម ​និង​ជំរុញ​ទេសចរណ៍​កម្ពុជា​

ព្រឹត្តិការណ៍, សេដ្ឋកិច្ច

• 10/11/2026

ការ​ធ្វើ​ជា​ម្ចាស់​ផ្ទះ​រៀបចំ​កិច្ច​ប្រជុំ​កំពូល​ហ្វ្រង់​កូហ្វូនី​ឆ្នាំ​២០២៦ ​នៅ​រាជធានី​ភ្នំពេញ​ ​មិន​ត្រឹមតែ​ជា​ព្រឹត្តិការណ៍​ការទូត​ដ៏​សំខាន់​សម្រាប់​កម្ពុជា​ប៉ុណ្ណោះ​ទេ​ ​ប៉ុន្តែ​ថែមទាំង​បើក​ឱកាស​ទាក់ទាញ​ការ​វិនិយោគ ​ពង្រីក​ពាណិជ្ជកម្ម​អន្តរជាតិ​ ស្តារ​វិស័យ​ទេសចរណ៍​ ​និង​ពង្រឹង​កិច្ច​សហប្រតិបត្តិការ​ផ្នែក​អប់រំ​ជាមួយ​ប្រទេស​និយាយ​ភាសា​បារាំង​ផងដែរ​

កម្ពុជា កំពុងជំរុញនាំចេញផលិតផលស្វាយចន្ទី និងម្រេច ដែលមានតម្លៃបន្ថែមខ្ពស់ទៅកាន់សហភាពអឺរ៉ុប

ជំនួញ, ព្រឹត្តិការណ៍, សេដ្ឋកិច្ច

• 10/11/2026

ភ្នំពេញ ៖ ស្របតាមគោលនយោបាយរបស់រាជរដ្ឋាភិបាលកម្ពុជា ក្នុងការពង្រីកទីផ្សារ និងការបំពេញតម្លៃបន្ថែមទៅលើរាល់ផលិតផលកសិកម្ម ក្រសួងចំនួន ៣ និងស្ថាប័នពាក់ព័ន្ធបានចាប់ដៃសហការគ្នាយ៉ាងជិតស្និទ្ធ ដើម្បីធ្វើយ៉ាងណាបង្កើនការផលិត ពង្រឹងគុណភាព មានរសជាតិឆ្ងាញ់ ព្រមទាំងការវេចខ្ចប់ដែលមានលក្ខណៈស្តង់ដារ អាចបំពេញតម្លៃបន្ថែម​ ជាពិសេស ជំរុញការនាំចេញផលិតផលកសិកម្មទៅកាន់ទីផ្សារសហភាពអឺរ៉ុប។ នៅសណ្ឋាគារសូហ្វីតែល ភូគីត្រា ភ្នំពេញ នាព្រឹកថ្ងៃអង្គារ ទី១០

កម្ពុជា​ត្រៀម​ទទួល​មេដឹកនាំ​ពិភពលោក ​​ក្នុងនាម​ជា​សហ​ស្ថាបនិក​អង្គការ​ហ្វ្រង់​កូហ្វូនី

ចំណេះដឹងទូទៅ, ព្រឹត្តិការណ៍

• 10/11/2026

កម្ពុជា​ត្រៀម​ធ្វើ​ជា​ម្ចាស់​ផ្ទះ​នៃ​កិច្ច​ប្រជុំ​កំពូល​ហ្វ្រង់​កូហ្វូនី​លើក​ទី​ ​២០ ​នៅ​ខែ​វិច្ឆិកា​ ​ឆ្នាំ​ ​២០២៦ ​ដោយ​ព្រឹត្តិការណ៍​អន្តរជាតិ​នេះ​បាន​រំលេច​ឡើង​វិញ​នូវ​តួនាទី​ជា​ប្រវត្តិសាស្ត្រ​របស់​កម្ពុជា​ ​ក្នុង​នាម​ជា​សហ​ស្ថាបនិក​នៃ​អង្គការ​អន្តរជាតិ​ហ្វ្រង់កូហ្វូនី ​(​OIF​)​ ​តាំងពី​ឆ្នាំ ​១៩៧០ ​ក្រោម​ការ​ចូលរួម​របស់​ព្រះ​បរម​រតន​កោដ្ឋ ​ព្រះបាទ​ ន​រោត្តម សីហនុ​

លទ្ធផល​បោះឆ្នោត​ពាក់កណ្តាល​អាណត្តិ​នៅ​អាម៉េរិក ​​ប៉ះពាល់​ដល់​ទំនាក់ទំនង​ជាមួយ​ឥណ្ឌា​

ព្រឹត្តិការណ៍, អាជីវកម្មថ្មី និងនវានុវត្ត

• 10/11/2026

ការ​ផ្លាស់ប្តូរ​បរិយាកាស​នយោបាយ​នៅ​សហរដ្ឋ​អាម៉េរិក​ ​ក្រោយ​ការ​បោះឆ្នោត​ពាក់កណ្តាល​អាណត្តិ ​បាន​បង្កើត​ភាព​មិន​ច្បាស់លាស់​ក្នុង​ការ​ដឹកនាំ​ប្រទេស​ ​និង​អាច​ជះឥទ្ធិពល​ដល់​ទិសដៅ​ទំនាក់ទំនង​ការ​បរទេស​ជាមួយ​ឥណ្ឌា

ភាគហ៊ុន​ R​GPPSEZ ​កើន​ ៣៩​%​ ​ក្រោយ​ចុះ​បញ្ជី​ផ្សារ​មូលបត្រ​កម្ពុជា​រយៈពេល​ ១០ ​ឆ្នាំ

ព្រឹត្តិការណ៍, សេដ្ឋកិច្ច

• 10/11/2026

តម្លៃ​ទីផ្សារ​ភាគហ៊ុន​របស់​ក្រុមហ៊ុន​ រ៉ូយ៉ាល់ ​គ្រុប ​ភ្នំពេញ​ ​អេស​អ៊ីហ្សិត​ ម​.ក ​ដែល​ជា​ក្រុមហ៊ុន​អភិវឌ្ឍ​តំបន់​សេដ្ឋកិច្ច​ពិសេស​ រ៉ូយ៉ាល់ ​គ្រុប ​ភ្នំពេញ​ ​(​R​GPPSEZ​)​ ​បាន​កើនឡើង​ ​៣៩​%​ ​ដល់​ជាង​ ៥​៧ ​លាន​ដុល្លារ​អា​ម៉េរិក​ ​បន្ទាប់ពី​ក្រុមហ៊ុន​នេះ​បាន​ចុះ​បញ្ជី​ក្នុង​ផ្សារ​មូលបត្រ​កម្ពុជា​ ​(​CSX​)​ ​អស់​រយៈពេល​ ១០ ​ឆ្នាំ​