អត្រាអតិផរណានៅកម្ពុជារំពឹងថានឹងបន្តក្នុងកម្រិតទាប និងមានស្ថិរភាព

ភ្នំពេញ ៖ អត្រាអតិផរណានៅកម្ពុជា ជាមធ្យមប្រចាំឆ្នាំដែលមានការថយចុះមកត្រឹម ២,១% នៅក្នុងឆ្នាំ២០២៣ ក្រោយការថយចុះនៃថ្លៃតម្លៃថាមពលអន្តរជាតិ និងត្រូវបានព្យាករថា នឹងបន្តថមថយនៅក្នុងរង្វង់ ២,០% នៅក្នុងរយៈពេល ២ ឆ្នាំខាងមុខ ស្របពេលកំណើនសេដ្ឋកិច្ចមានសន្ទុះវិជ្ជមាន។ នេះបើយោងតាមរបាយការណ៍របស់ធនាគារអភិវឌ្ឍន៍អាស៊ី (ADB) ចេញផ្សាយកាលពីពេលថ្មីៗនេះ។

ផ្អែកតាមរបាយការណ៍ដដែលនេះបានឱ្យដឹងថា នៅឆ្នាំ២០២៣ អតិផរណានៅកម្ពុជាបានថមថយដោយសារការធ្លាក់ចុះនៃថ្លៃប្រេងឥន្ធនៈ និងអាហារ។ អតិផរណាបានថមថយក្នុងឆមាសទី១ មុនពេលកើនបន្តិចវិញនៅឆមាសទី២ ជាមួយកម្រិត ២,៧% នៅដំណាច់ឆ្នាំ។ អត្រាអតិផរណាជាមធ្យមប្រចាំឆ្នាំមានកម្រិត ២,១% ដែលធ្លាក់ចុះពី ៥,៣% កាលពីឆ្នាំ២០២២។ អត្រាប្តូរប្រាក់មានស្ថិរភាពក្នុងអត្រាជាមធ្យម ៤,១១០ រៀលក្នុងមួយដុល្លារអាមេរិក។

នៅក្នុងរបាយការណ៍បានព្យាករថា អតិផរណានៅកម្ពុជា ត្រូវបានរំពឹងថានឹងបន្តក្នុងកម្រិតទាប និងមានស្ថិរភាព។ អតិផរណាជារួមនឹងមានប្រហែល ២,០% ក្នុងឆ្នាំ២០២៤ ប្រសិនបើថ្លៃប្រេងឥន្ធនៈសកលនៅតែមានស្ថិរភាព។ ធនាគារជាតិនៃកម្ពុជា បានប្តេជ្ញារក្សាអត្រាប្តូរប្រាក់ឱ្យមានស្ថិរភាពធៀបនឹងប្រាក់ដុល្លារអាមេរិក ដើម្បីរក្សាស្ថិរភាពថ្លៃ និងទំនុកចិត្តសាធារណៈជនលើប្រាក់រៀល និងគ្រោងដាក់អនុវត្តអត្រាគោល ដើម្បីគ្រប់គ្រងការប្រាក់លើទីផ្សារ ជាមួយការជំរុញយ៉ាងសកម្មឱ្យមានការប្រើប្រាស់រៀលឱ្យកាន់តែទូលំទំលាយ។

ទាក់ទិននឹងអត្រាអតិផរណានៅកម្ពុជានេះដែរ ធនាគារជាតិនៃកម្ពុជា បានបញ្ជាក់ថា អត្រាអតិផរណាក្នុងឆ្នាំ២០២៤ នេះ ត្រូវបានព្យាករថាមានកម្រិតខ្ពស់ជាងឆ្នាំ២០២៣បន្តិច ដោយសារតម្លៃប្រេងឆៅពិភពលោកត្រូវបានរំពឹងថានឹងកើនឡើង ខណៈកំណើនសេដ្ឋកិច្ចនៅឆ្នាំ២០២៤ រំពឹងថានឹងបន្តសម្រេចបានអត្រាល្អប្រសើរ បើទោះបីជាកម្រិតអតិផរណារំពឹងថានឹងកើនឡើងខ្ពស់ជាងឆ្នាំមុនបន្តិចក្តី។

យោងតាមរបាយការណ៍ប្រចាំឆ្នាំ២០២៣ និងទិសដៅការងារប្រចាំឆ្នាំ២០២៤ របស់ធនាគារជាតិនៃកម្ពុជា បានឱ្យដឹងថា អតិផរណានៅឆ្នាំ២០២៤ ត្រូវបានព្យាករថាមានកម្រិត ២,៥% ខ្ពស់ជាងឆ្នាំ២០២៣ (២,១%) ជាចម្បងដោយសារថ្លៃប្រេងឆៅពិភពលោកត្រូវបានរំពឹងថានឹងកើនឡើង។

ការព្យាករនេះ ស្ថិតក្រោមការសន្មត់ ៖ ទី១/-ថ្លៃទំនិញ និងសេវាពាក់ព័ន្ធនឹងប្រេងឥន្ធនៈកើនជាមធ្យម ១,២% (នៅឆ្នាំ២០២៣ មានអត្រា -២,៧%) ដោយសារការរំពឹងថាប្រទេសសមាជិក OPEC+ នឹងកាត់បន្ថយការផ្គត់ផ្គង់ប្រមាណ ៣៤០ ពាន់បារ៉ែលក្នុងមួយថ្ងៃ នៅឆ្នាំ២០២៤ ធៀបនឹងឆ្នាំ២០២៣ , ទី២/-អតិផរណាម្ហូបអាហារមានកម្រិត ៣,៣% ប្រហាក់ប្រហែលនឹងឆ្នាំ២០២៣ (៣,២%) ដោយសារថ្លៃដើមផលិតកើនឡើងបើទោះជាវិស័យកសិកម្មរំពឹងថាមានកំណើនខ្ពស់ជាងឆ្នាំ២០២៣ និងអតិផរណាម្ហូបអាហារពីប្រទេសនាំចូលសំខាន់ៗ រំពឹងថានឹងថយចុះ និង ទី៣/-អតិផរណាស្នូលនឹងកើនដល់ ២,២% (នៅឆ្នាំ២០២៣ មានអត្រា ២%) ដោយសារកំណើនតម្រូវការក្នុងបរិការណ៍ដែលសេដ្ឋកិច្ចកម្ពុជារំពឹងថានឹងមានកំណើនខ្ពស់ជាងឆ្នាំ ២០២៣។

សូមបញ្ជាក់ផងដែរថា យោងតាមរបាយការណ៍ចេញ ADB បានឱ្យដឹងថា សេដ្ឋកិច្ចកម្ពុជាត្រូវបានព្យាករថានឹងកើនឡើងក្នុងអត្រា ៥,៨% ក្នុងឆ្នាំ ២០២៤ និង ៦,០% ក្នុងឆ្នាំ ២០២៥ ដែលជំរុញដោយការរំពឹងទុកជាវិជ្ជមានសម្រាប់កំណើនក្នុងវិស័យកម្មន្តសាល និងការស្ទុះឡើងវិញជាបន្តទៀតនៃវិស័យទេសចរណ៍។

នាយិកាប្រចាំប្រទេសកម្ពុជារបស់ ADB លោកស្រី Jyotsana Varma បានមានប្រសាសន៍ថា ទោះបីជាមានបញ្ហាប្រឈមនៃសេដ្ឋកិច្ចពិភពលោកក៏ដោយ ក៏សេដ្ឋកិច្ចកម្ពុជាបានដំណើរការល្អក្នុងឆ្នាំ២០២៣។ ADB ក៏បានរំពឹងថា កំណើនសេដ្ឋកិច្ចកម្ពុជានឹងមានភាពកាន់តែប្រសើរក្នុងឆ្នាំ ២០២៤-២០២៥ ដោយសារវិស័យ កាត់ដេរ សម្លៀកបំពាក់ ស្បែកជើង និងទំនិញធ្វើដំណើរ (GFT) ទំនងជានឹងមានកំណើនខ្ពស់ ដោយផ្អែកលើសម្ទុះវិជ្ជមាន ដែលបានកើតឡើងក្នុងត្រីមាសចុងក្រោយនៃឆ្នាំ២០២៣៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រម្លឹកឡើងវិញពីអត្ថប្រយោជន៍ដែលទទួលបានក្រោយក្លាយខ្លួនជាគំរូអាជីវកម្មបរិយាបន្ន

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រឌិត និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈម ពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប

ក្រសួងពាណិជ្ជកម្មកម្ពុជា និងអង្គភាពកម្មសិទ្ធិបញ្ញាកូរ៉េ ពង្រឹងកិច្ចសហប្រតិបត្តិការកម្មសិទ្ធិបញ្ញារួមគ្នា

ព្រឹត្តិការណ៍, សេដ្ឋកិច្ច

• 17/05/2024

ក្រសួងពាណិជ្ជកម្មនៃព្រះរាជាណាចក្រកម្ពុជា និង អង្គភាពកម្មសិទ្ធិបញ្ញា នៃសាធារណរដ្ឋកូរ៉េ បានឯកភាពគ្នាសហការលើវិស័យកម្មសិទ្ធិបញ្ញា ។

KOTO ភោជនីយដ្ឋានដ៏ល្បីមួយនៅវៀតណាមមានជំនាញខាងបណ្តុះបណ្តាលសិស្ស-និស្សិតក្រីក្រ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

KOTO បានក្លាយទៅជាអាជីវកម្មដែលមានម៉ូដេលលើសពីម្ហូបអាហារ ហើយវាថែមទាំងមានបង្កើតជាកម្មវិធីផ្តល់អាហារូបករណ៍ និងបទពិសោធជាក់ស្តែងដល់និស្សិតក្រីក្រទៀតផង

ក្រុមហ៊ុនសំណង់​កូរ៉េ​ដ៏ធំមួយចាប់ដៃជាមួយក្រុមហ៊ុនអភិវឌ្ឍន៍អចលនទ្រព្យនៅ​កម្ពុជា​ ស្វែងរក​​​​​​​​​​​​​​​​ឱកាស​វិនិយោគ​នៅកម្ពុជា

ព្រឹត្តិការណ៍, អចលនទ្រព្យ

• 17/05/2024

ក្រុមហ៊ុនអភិវឌ្ឍន៍​អចលនទ្រព្យ​នៅក្នុង​ប្រទេស​កម្ពុជាដ៏ធំមួយ បានចាប់ដៃ​ជាមួយកក្រុមហ៊ុន​សំណង់​និងវិស្វកម្ម​របស់កូរ៉េ​ ដើម្បីស្វែងរក​ការ​វិនិយោគ​​បន្ថែមនៅ​កម្ពុជា​

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

កំពង់ផែអន្តរជាតិកំពត តម្លៃ១៤០លានដុល្លារមានសមត្ថភាពខ្ពស់លើកដាក់ទំនិញចេញ-ចូលប្រមាណ ២០ម៉ឺន TEU

ព្រឹត្តិការណ៍, អចលនទ្រព្យ

• 17/05/2024

កំពង់ផែអន្តរជាតិកំពត ដែលសាងសង់ក្នុងទំហំទឹកប្រាក់១៤០លានដុល្លារអាម៉េរិកមានសមត្ថភាពខ្ពស់ក្នុងការលើកដាក់ទំនិញចេញ-ចូល ប្រមាណ ២០ម៉ឺន TEU ។

ក្រុមហ៊ុនចម្រាញ់ប្រេងអាស៊ីកំពុងចាប់អារម្មណ៍ប្រេងឆៅពីសហរដ្ឋអាម៉េរិក និងប្រេស៊ីល

ព្រឹត្តិការណ៍, សេដ្ឋកិច្ច

• 17/05/2024

តម្លៃប្រេងឆៅម៉ាក Brent ឡើងថ្លៃ ០,៦ ភាគរយ ឬ ៨៣,២៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៧៩,២៣ ដុល្លារក្នុងមួយបារ៉ែល

វេទិកាធុរកិច្ច កម្ពុជា-សាធារណរដ្ឋកូរ៉េ បញ្ជាក់ថាកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា

ព្រឹត្តិការណ៍, សេដ្ឋកិច្ច

• 17/05/2024

សាធារណរដ្ឋកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ដែលមានទំហំពាណិជ្ជកម្មទ្វេភាគីសរុបប្រមាណ ៧៥១លានដុល្លារ

កិច្ចសហប្រតិបត្តិការទូទាត់ឆ្លងដែនតាមឃ្យូអរកូត កម្ពុជា-កូរ៉េ នឹងបម្រើប្រយោជន៍ដល់ប្រជាពលរដ្ឋ និងធុរជនរវាងប្រទេសទាំងពីរ

ព្រឹត្តិការណ៍, ហិរញ្ញវត្ថុ

• 17/05/2024

កម្ពុជា និងសាធារណរដ្ឋកូរ៉េ បានចុះហត្ថលេខាលើអនុស្សរណៈយោគយល់ទ្វេភាគីលើ កិច្ចសហប្រតិបត្តិការទូទាត់ឆ្លងដែនតាមឃ្យូអរកូត ដែលនឹងជួយសម្រួលដល់សកម្មភាពពាណិជ្ជកម្ម វិស័យទេសចរណ៍ លើកកម្ពស់ប្រតិបត្តិការទូទាត់ឆ្លងដែន ការផ្ទេរប្រាក់ និងការទូទាត់ប្រាក់ដោយប្រើរូបិយវត្ថុជាតិ និងជាប្រយោជន៍សម្រាប់ប្រជាពលរដ្ឋ និងធុរជនរបស់ប្រទេសទាំងពីរ។

ឧបនាយករដ្ឋមន្ត្រី ស៊ុន ចាន់ថុល ជួបក្រុមហ៊ុន ៩ នៅកូរ៉េ ដើម្បីទាក់ទាញការវិនិយោគ

ព្រឹត្តិការណ៍, សេដ្ឋកិច្ច

• 17/05/2024

ឯកឧត្តម ស៊ុន ចាន់ថុល បានជម្រាបជូនអំពីសក្ដានុពលនានារបស់កម្ពុជា ការចំហនៃច្បាប់វិនិយោគរបស់កម្ពុជា ដែលអនុញ្ញាតឱ្យវិនិយោគិនបរទេសមានសិទ្ធិជាម្ចាស់