សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងទៅតាមប្រភពព័ត៌មានពី Business Insider បានរាយការណ៍ថា វិបត្តិសេដ្ឋកិច្ចរបស់រុស្ស៊ីកាន់តែអាក្រក់ទៅៗចាប់តាំងពីឆ្នាំមុនមកម្ល៉េះ ដោយសារទណ្ឌកម្មពីលោកខាងលិច។ ទន្ទឹមនឹងនេះ សកម្មភាពពលរដ្ឋរុស្ស៊ីទិញរថយន្តបានចុះថយជាងមុន ខណៈដែលឧស្សាហកម្មរថយន្តរបស់រុស្ស៊ីកំពុងក្លាយជាបញ្ហាមួយនៃសេដ្ឋកិច្ច។
ចាប់តាំងពីមានសង្រ្គាមជាមួយនឹងអ៊ុយក្រែនមក ការលក់រថយន្តនៅទីក្រុងមូស្គូបានធ្លាក់ចុះជិត ៧៥ ភាគរយ ហើយការធ្លាក់ចុះនេះមានកត្តាចំនួន ៣ នៅពីក្រោយ ដូចជា ការឡើងថ្លៃរថយន្ត ការថយចុះការផ្គត់ផ្គង់ និងអ្នកប្រើប្រាស់មិនសូវចាប់អារម្មណ៍។ នេះជាសញ្ញាបង្ហាញអំពីភាពទន់ខ្សោយរបស់អតិថិជននៅក្នុងប្រទេសរុស្ស៊ី ដោយពួកគេមិនសូវចាប់អារម្មណ៍រថយន្តម៉ាកមកពីបរទេស ហើយងាកមកទិញរថយន្តដែលមានប្រភពក្នុងស្រុក ដែលភាគច្រើនមានបញ្ហាមេកានិច។
សញ្ញាមួយទៀតដែលបង្ហាញថាសេដ្ឋកិច្ចរបស់រុស្ស៊ីកំពុងធ្លាក់ចុះគឺសមតុល្យក្នុងគណនីចរន្តរបស់រុស្ស៊ីមានការធ្លាក់ចុះយ៉ាងខ្លាំង។ ធនាគារកណ្តាលទីក្រុងម៉ូស្គូបានបង្ហាញពីការធ្លាក់ចុះ ៩៣ ភាគរយសម្រាប់ត្រីមាសចន្លោះខែមេសាដល់ខែមិថុនា ដែលវាបានធ្លាក់ចុះពី ៧៦,៧ ពាន់លានដុល្លារទៅ ៥,៤ ពាន់លានដុល្លារ។ វិបត្តិហិរញ្ញវត្ថុនេះបណ្តាលមកពីទណ្ឌកម្មរបស់លោកខាងលិច ជាពិសេសវិស័យថាមពល ការនាំចេញប្រេង និងហ្គាសរបស់ខ្លួនរងផលប៉ះពាល់យ៉ាងខ្លាំង។
លើសពីនេះ ប្រាក់ចំណូលពីការនាំចេញថាមពលក៏ជាបញ្ហានៃការធ្លាក់ចុះផងដែរ ដោយសារលោកខាងលិចបានផាកពិន័យលើលំហូរប្រាក់ចំណូលនោះ បើទោះបីជាទីក្រុងមូស្គូរកចំណូលបានមួយភាគធំពីការលក់ផលិតផលប្រេង និងហ្គាសក៏ដោយ។ កាលពីខែមិថុនាកន្លងទៅនេះ ក្រសួងហិរញ្ញវត្ថុរបស់រុស្ស៊ីបាននិយាយថា ប្រាក់ចំណូលពីពន្ធលើប្រេង និង ហ្គាសបានធ្លាក់ចុះ ៣៦ ភាគរយ ឬ ៤,៦៩ លានដុល្លារ បើធៀបនឹងប្រាក់ចំណូលឆ្នាំមុនគឺប្រហែល ៦,៣០ ពាន់លានដុល្លារ។
មិនត្រឹមតែប៉ុណ្ណោះ តម្លៃនៃរូបិយប័ណ្ណរបស់ប្រទេសនេះបានធ្លាក់ចុះដល់កម្រិតទាបរយៈពេល ១៥ ខែ ដែលបង្កឡើងដោយសារលំហូរចេញនៃមូលធន ការធ្លាក់ចុះនៃចំណូលពន្ធ និងការធ្លាក់ចុះនៃទុនបម្រុងរបស់ធនាគារកណ្តាល។ ការប្រែប្រួលនៃរូបិយប័ណ្ណបានជំរុញឱ្យមានការដកប្រាក់ក្នុងស្រុកពីធនាគារកណ្តាលយ៉ាងធ្ងន់ធ្ងរប្រហែលជាង ១ ពាន់លានដុល្លារ។ រូបិយប័ណ្ណរុស្ស៊ីចុះខ្សោយបានបង្ខំឱ្យប្រទេសនេះចាត់វិធានការមួយ ដោយកាលពីពេលថ្មីៗនេះ រដ្ឋមន្ត្រីការបរទេសរុស្ស៊ីបានជំរុញឱ្យបណ្តាប្រទេសអាស៊ីអាគ្នេយ៍ចៀសឆ្ងាយពីប្រាក់ដុល្លារ ហើយងាកមកប្រើប្រាស់រូបិយប័ណ្ណក្នុងស្រុកវិញដើម្បីធ្វើពាណិជ្ជកម្ម៕
Account
Security
Favourite Content