សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បច្ចុប្បន្ន បច្ចេកវិទ្យាកាន់តែទំនើប របត់ជីវិតកាន់តែផ្លាស់ប្ដូរ តាំងពីការរស់នៅប្រចាំថ្ងៃ ការសិក្សា ការទិញទំនិញ ការធ្វើដំណើរ ពោលគឺគ្រប់សកម្មភាពទាំងអស់សុទ្ធសឹងតែត្រូវពឹងលើវត្តមាននៃបច្ចេកវិទ្យា។
អ្នកឧកញ៉ា សួរ វីរៈ អគ្គនាយក និងជានាយកប្រតិបត្តិនៃក្រុមហ៊ុន វិរៈ ប៊ុនថាំ ដែលជាក្រុមហ៊ុនបម្រើសេវាកម្មដឹកជញ្ជូនដ៏មានកេរ្តិ៍ឈ្មោះល្បីល្បាញ និងឈានមុខគេនៅកម្ពុជា បានថ្លែងកាលពីពេលកន្លងទៅថា៖ គ្រប់អាជីវកម្មដែលអាចរីកចម្រើន និងឈានទៅមុខបានត្រូវតែពឹងផ្អែកលើបច្ចេកវិទ្យា មិនថាអាជីវកម្មដឹកជញ្ជូនអ្នកដំណើរ ឬក៏បញ្ញើទំនិញ និងផ្សារអេឡិចត្រូនិកនោះទេ។
អ្នកឧកញ៉ាបានបន្តថា ៖ ជាការពិតណាស់ ការគ្រប់គ្រងផ្សេងៗត្រូវការជំនួយពីបច្ចេកវិទ្យាយ៉ាងជិតស្និទ្ធ តួយ៉ាងការគ្រប់គ្រងការលក់សំបុត្រ ការកក់សំបុត្រធ្វើដំណើររបស់អតិថិជន ដែលពួកគាត់អាចកក់បានតាមរយៈ App របស់ក្រុមហ៊ុនដែលអាចជ្រើសរើសគោលដៅ ម៉ោងចេញដំណើរ និងលេខកៅអី ដោយមិនចាំបាច់មកទិញសំបុត្រផ្ទាល់ ឬទូរស័ព្ទមកកក់នោះទេ។ ទន្ទឹមនឹងនេះ ការផ្ញើទំនិញ ពិសេសការលក់ផលិតផលនៅលើផ្សារអេឡិចត្រូនិក (E-Commerce) ក៏ត្រូវការបច្ចេកវិទ្យាខ្លាំងដូចគ្នា រួមមាន ការគ្រប់គ្រងទំនិញចូល ការតាមដានទំនិញ ការពិនិត្យទំនិញថាដល់ដៃអតិថិជនហើយ ឬនៅជាដើម។ បន្ថែមពីលើនេះ គ្រប់រថយន្តទាំងអស់ត្រូវបានបំពាក់ GPS ដែលអាចតាមដានទៅលើទិសដៅរបស់យានយន្ត ការចតប៉ុន្មានដង និងល្បឿនរបស់យានយន្តទៀតផង។
ក្រៅពីនេះ ការគ្រប់គ្រងហិរញ្ញវត្ថុក៏ជាកត្តាសំខាន់ណាស់ដែរក្នុងការបើកអាជីវកម្ម ។ ឯការចំណាយទៀតសោត ក៏ជារឿងមួយដែលត្រូវបានគេយកចិត្តទុកដាក់ដែរ ព្រោះគេត្រូវគិតពីការចំណាយឱ្យបានច្បាស់លាស់ និងកាត់បន្ថយការចំណាយណាដែលខ្ជះខ្ជាយ ឬអ្វីដែលមិនចាំបាច់។ នេះជាអ្វីដែលម្ចាស់ក្រុមហ៊ុនមួយនេះបានលើកឡើង។
គួរបញ្ជាក់ផងដែរថា ក្រុមហ៊ុនដឹកជញ្ជូន វីរៈ ប៊ុនថាំ ត្រូវបានបង្កើតឡើងនៅឆ្នាំ២០០៤ ដោយចាប់ផ្ដើមពីការទិញរថយន្តតូរីសដឹកអ្នកដំណើរដោយខ្លួនឯងក្នុងដើមទុនប្រមាណ ៤០០០ដុល្លារ។ ក្រោយមក អ្នកឧកញ៉ា សួរ វីរៈក៏បានសន្សំដើមទុន ហើយទិញរថយន្តបន្ថែមជារឿយៗរហូតដល់ ១០គ្រឿង ហើយក៏បានទិញរថយន្តក្រុងបន្ថែមទៀតជាបន្តបន្ទាប់។
ដោយឡែក កាលពីថ្ងៃទី១១ ខែវិច្ឆិកា ឆ្នាំ២០២៤ អ្នកឧកញ៉ា សួរ វីរ: ទើបតែទទួលបានពានរង្វាន់សហគ្រិនឆ្នើមអាស៊ាន ឆ្នាំ២០២៤ ក្នុងកម្មវិធី GREAT ASEAN CSR BUSINESS AWARD 2024 ដែលជាការបង្ហាញពីមោទនភាពមួយចំពោះភាពជាអ្នកដឹកនាំ និងចក្ខុវិស័យដ៏មុតមាំរបស់អ្នកឧកញ៉ា នាពេលកន្លងមក៕
Account
Security
Favourite Content