ហេតុផលសំខាន់ៗទាំង៨ ដែលម្ចាស់អាជីវកម្ម និងក្រុមហ៊ុនត្រូវការសេវាសវនកម្ម

ភ្នំពេញ ៖ ដូចលោកអ្នកបានដឹងខ្លះៗរួចមកហើយថា ទាំងប្រភេទអាជីវកម្មដែលគ្រប់គ្រងដោយគ្រួសារ ក៏ដូចជាក្រុមហ៊ុនដែលមានប្រព័ន្ធស្ដង់ដារ (មិនត្រឹមតែសាជីវកម្មធំៗប៉ុណ្ណោះទេ) បាន និងកំពុងមើលឃើញអំពីអត្ថប្រយោជន៍នៃការធ្វើសវនកម្មឯករាជ្យ ពិនិត្យមើលអាជីវកម្ម និងបញ្ជាក់ពីជំហរហិរញ្ញវត្ថុរបស់ពួកគេ ដើម្បីអាចធ្វើដំណើរស្របតាមផែនការ និងគម្រោងពង្រីកអាជីវកម្មបានយ៉ាងរលូន។

លោក សាន្ត ចន្ទកុម្ភៈ គណនេយ្យការជំនាញ និងសវនករឯករាជ្យ បានមានប្រសាសន៍ប្រាប់ AMS ឲ្យដឹងថា នៅពេលដែលអាជីវកម្មណាមួយមានភាពរីកចម្រើនកាន់តែច្រើន នោះការចុះបញ្ចីគណនេយ្យមានប្រតិបត្តិការកាន់តែច្រើន ហើយពីមួយថ្ងៃទៅមួយថ្ងៃប្រហែលជាមិនត្រឹមតែនាំមកនូវហានិភ័យជាមូលដ្ឋានដូចជាការក្លែងបន្លំ ឬការមិនអនុលោមតាមបទប្បញ្ញត្តិនោះទេ ថែមទាំងនាំមកនូវហានិភ័យពន្ធដារដែលជាកាតព្វកិច្ចផងដែរ។

ជាមួយនឹងការលើកឡើងខាងលើនេះ អ្នកជំនាញផ្នែកគណនេយ្យការ និងសវនករឯករាជ្យរូបនេះបានបញ្ជាក់ពីហេតុផលចំនួន ៨យ៉ាងសំខាន់ៗ ដែលម្ចាស់អាជីវកម្ម និងម្ចាស់ក្រុមហ៊ុនក្នុងវិស័យឯកជន គួរចាប់ដៃគូជាមួយសវនកម្មឯករាជ្យដើម្បីទទួលបានសេវាសវនកម្មឯករាជ្យជាជាងដល់ពេលជួបបញ្ហាទើបស្ទុះស្ទារកជំនួយនោះទេ។ហេតុផលសំខាន់ៗ និងចាំបាច់ទាំង៨ចំណុចរួមមាន ៖

១- ការអនុលោមតាមច្បាប់បញ្ញត្តិផ្សេងៗ ៖ អាជីវកម្មរបស់អ្នកអាចត្រូវបានតម្រូវឱ្យធ្វើសវនកម្មឯករាជ្យ ដោយសារបទប្បញ្ញត្តិរបស់រាជរដ្ឋាភិបាល ដូចជាច្បាប់ស្តីពីការបោះមូលបត្រ ច្បាប់ស្តីពីគណនេយ្យ និងសវនកម្ម ឬច្បាប់ស្តីពីគម្រោង ដែលមានលក្ខណៈសម្បត្តិគ្រប់គ្រាន់ជាដើម។ ភាគីសវនកម្មឯករាជ្យអាចជួយធានាថាអ្នកកំពុងអនុវត្តតាមច្បាប់របស់រដ្ឋផ្សេងៗដែលទាក់ទិនទៅនឹងអាជីវកម្មរបស់អ្នក។ ការត្រួតពិនិត្យឯករាជ្យនេះអាចផ្តល់ឱ្យអ្នកបាននូវភាពប្រាកដថា អាជីវកម្មរបស់អ្នកកំពុងអនុលោមតាមបទប្បញ្ញត្តិទាំងនោះ។

២- អភិបាលកិច្ចល្អ ៖ ការមានសវនកម្មឯករាជ្យជាប្រចាំបង្ហាញទៅកាន់អ្នកខាងក្រៅថាអាជីវកម្មរបស់អ្នកបាន និងកំពុងខិតខំដើម្បីសម្រេចបាននូវស្តង់ដារល្អបំផុតមួយដែលអាចធ្វើទៅបាន។ ដូចនេះហើយ អាជីវកម្មនោះ មិនបាច់មានការព្រួយបារម្ភចំពោះការត្រួតពិនិត្យរបស់សវនកម្មឯករាជ្យនោះទេ។ ច្រើនជាងនេះទៅទៀត នៅពេលដែលអាជីវកម្មមានការពាក់ព័ន្ធនឹងម្ចាស់ភាគហ៊ុន ឬវិនិយោគិនដែលមិនបានធ្វើសកម្មភាពគ្រប់គ្រងដោយផ្ទាល់ក្នុងអាជីវកម្មនោះ សេវាសវនកម្មឯករាជ្យជួយបន្ថែមទំនុកចិត្តបន្ថែមដល់ភាគីទាំងនោះដោយសារតែអាជីវកម្មបានធ្វើឡើងស្របតាមគោលការណ៍ត្រឹមត្រូវ។

៣- ទប់ស្កាត់ការក្លែងបន្លំ ៖ ប្រសិនបើអ្នកគិតថា អ្នកជាម្ចាស់អាជីវកម្ម អ្នកនឹងជួលតែមនុស្សដែលអ្នកមានទុកចិត្តបំផុតតែប៉ុណ្ណោះ ប៉ុន្តែអ្នកមិនអាចដឹងទេថា គេជាអ្នកកេងបន្លំ ឬមិនមែន ដោយគ្រាន់តែក្រលេកមើលពួកគេតែមួយភ្លេត។ សវនកម្មឯករាជ្យនឹងពិនិត្យឡើងវិញនូវកំណត់ត្រាអាជីវកម្ម និងដំណើរការអាជីវកម្ម ដោយគ្មានទំនាស់ផលប្រយោជន៍នៃទំនាក់ទំនងផ្ទាល់ខ្លួនឡើយ។

៤- ការដេញថ្លៃការងារ ៖ ប្រសិនបើអាជីវកម្មរបស់អ្នកស្ថិតនៅក្នុងឧស្សាហកម្មដែលការដេញថ្លៃការងារនោះវាគឺជារឿងធម្មតាទៅហើយ ដូចជាឧស្សាហកម្មសំណង់ដែលជារឿយៗគេតម្រូវឲ្យក្រុមហ៊ុនទាំងនោះមានរបាយការណ៍ហិរញ្ញវត្ថុដែលបានចេញដោយសវនករឯករាជ្យ។ ការនេះជាផ្នែកមួយនៃដំណើរការដេញថ្លៃអាចផ្តល់ឱ្យអ្នកនូវអាទិភាពឈ្នះការដេញថ្លៃទៅលើអាជីវកម្មដែលមិនមានរបាយការណ៍ហិរញ្ញវត្ថុត្រឹមត្រូវ។

៥- តម្រូវការធនាគារ ៖ ការផ្តល់ហិរញ្ញប្បទានជាញឹកញាប់អាចជាឧបសគ្គចម្បងសម្រាប់អាជីវកម្ម។ ការបង្ហាញរបាយការណ៍ហិរញ្ញវត្ថុដែលបានធ្វើសវនកម្មទៅកាន់ធនាគារនៅពេលរៀបចំស្នើសុំកម្ចីអាចជួយបន្ថែមអត្រាជោគជ័យកាន់តែច្រើនចំពោះពាក្យស្នើសុំរបស់អ្នក ដោយសារវាបានផ្តល់នូវទំនុកចិត្តបន្ថែមទៀតដល់ធនាគារចំពោះស្ថានភាពហិរញ្ញវត្ថុរបស់អ្នក និងដំណើរការដែលបានអនុវត្តន៍នៅក្នុងអាជីវកម្មរបស់អ្នក។

៦- ការជួយកែលម្អប្រព័ន្ធដំណើរការអាជីវកម្ម ៖ ទោះបីជាមិនមានភាពទន់ខ្សោយ ឬភាពខ្វះចម្លោះនៃប្រព័ន្ធត្រួតពិនិត្យផ្ទៃក្នុងត្រូវបានរកឃើញនៅពេលធ្វើសវនកម្មឯករាជ្យក៏ដោយ ក៏ការមានសវនកម្មឯករាជ្យអាចជួយស្វែងរកនូវផ្នែកណាមួយនៅក្នុងអាជីវកម្មរបស់អ្នក ដែលប្រព័ន្ធនៃការត្រួតពិនិត្យផ្ទៃក្នុងរបស់អ្នកអាចត្រូវបានកែលម្អឲ្យកាន់តែមានប្រសិទ្ធភាព និងស័ក្តិសិទ្ធ ។

៧- ការផ្តល់ទំនុកចិត្តជូនអ្នកផ្តត់ផ្គង់ ៖ ប្រសិនបើអាជីវកម្មលោកអ្នកតម្រូវទិញផលិតផលសំខាន់ៗពីអ្នកផ្គត់ផ្គង់អន្តរជាតិ ក្រុមហ៊ុនធំៗទាំងនោះតម្រូវឲ្យលោកអ្នកផ្ញើរបាយការណ៍ហិរញ្ញវត្ថុដែលបានធ្វើសវនកម្មដោយសវនករឯករាជ្យដើម្បីឲ្យប្រាកដថា ក្រុមហ៊ុនលោកអ្នកមិនជាប់ទណ្ឌកម្មអន្តរជាតិ ជាក្រុមហ៊ុនស្អាតស្អំជាដើម។

៨- ការត្រៀមខ្លួនរួចជាស្រេចដើម្បីចុះបញ្ចីផ្សារមូលប័ត្រ ឬលក់ភាគហ៊ុន ៖ នៅពេលអាជីវកម្មគ្រួសារមានការធំធាត់ដល់ចំណុចរបត់មួយ ការបង្វែរខ្លួនទៅជាក្រុមហ៊ុនសាធារណៈមិនមែនមួយថ្ងៃ ឬពីរថ្ងៃនោះទេ។ ការមានសេវាសវនកម្មជាប្រចាំគឺជាការត្រៀមខ្លួនយ៉ាងម៉ត់ចត់ដើម្បីក្លាយជាក្រុមហ៊ុនចុះបញ្ចីនៅផ្សារមូលប័ត្រ ព្រោះច្បាប់តម្រូវឲ្យមានរបាយការណ៍ហិរញ្ញវត្ថុដែលបានធ្វើសវនកម្មដោយសវនករឯករាជ្យយ៉ាងហោចណាស់ក៏ ២ ទៅ ៣ ឆ្នាំដែរ។ ម្យ៉ាងវិញទៀត អ្នកវិនិយោគបុគ្គល ដែលមានសក្តានុពលក៏ត្រូវការរបាយការណ៍ហិរញ្ញវត្ថុដែលចេញដោយសវនករឯករាជ្យផងដែរមុនពេលគេសម្រេចចិត្តធ្វើការវិនិយោគជាមួយ។

អាស្រ័យដូចបានលើកឡើងទាំង៨ចំណុចខាងលើនេះ ម្ចាស់អាជីវកម្ម ក៏ដូចជាម្ចាស់ក្រុមហ៊ុននានាអាចធ្វើការពិចារណា ដើម្បីធ្វើយ៉ាងណាឲ្យដំណើរការអាជីវកម្មមិនប្រឈមទៅនឹងហានិភ័យណាមួយដែលអាចកើតមាន។ ដើម្បីយល់កាន់តែច្បាស់ពីបញ្ហាទាំងអស់នេះលោកអ្នកអាចទាក់ទងលោក សាន្ត ចន្ទកុម្ភៈ គណនេយ្យការជំនាញ និងសវនករឯករាជ្យ លេខចុះបញ្ចី៖ I-00344 តាមរយៈ Email: [email protected] | [email protected] Tel: 081 288 858 ៕

លោក ហេង សុវណ្ណ | Mr. Heng Sovann

ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

ទំនាក់ទំនងភ្ជាប់សេវាកម្ម៖

093 222 034 ឬ 088 222 0765

www.neocomisp.com NeocomISP Limited

ទំនាក់ទំនងលេខទូរសព្ទ៖

023 22 02 02 ឬ 1800 200 200

ការប្រាក់ត្រឹមតែ

សម្រាប់ឆ្នាំទី១

ទំហំកម្ចីជាង២០.០០០ដុល្លារ

របាយការណ៍ថ្មីៗ

មើលទាំងអស់ ➧

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

អាជីវកម្មថ្មី ប្លែក យកក្រដាសលុយរៀលច្នៃជាបាច់ផ្កាគួរឱ្យទាក់ទាញ កំពុងទទួលបានការគាំទ្រខ្លាំង

ជំនួញ, បទយកការណ៍

• 20/10/2023

បាច់ផ្កា ជាវត្ថុអនុស្សាវរីយ៍ដែលគេនិយមទិញជូនគ្នានៅពេលមានកម្មវិធីអបអរ ឬក្នុងឱកាសពិសេសណាមួយ ដែលគេអាចប្រើបានទាំងបាច់ផ្កាធ្វើពីផ្កាស្រស់ ផ្កាជ័រ ឬច្នៃទៅតាមតម្រូវការរបស់អតិថិជន....

សិប្បកម្មកែច្នៃត្រីបឹងរំពេរ មានសមត្ថភាពកែច្នៃត្រីគ្រប់ប្រភេទ និងកំពុងជំរុញផលិតផលចូលទីផ្សារឱ្យបានច្រើន

ជំនួញ, បទយកការណ៍

• 15/09/2023

កំពង់ធំ ៖ សិប្បកម្មស្ត្រីកែច្នៃត្រីបឹងរំពេរ គឺជាសិប្បកម្មកែច្នៃត្រីមួយកន្លែងស្ថិតនៅភូមិចំបក់ ឃុំតាំងក្រសាំង ស្រុកសន្ទុក ខេត្តកំពង់ធំ បានប្រកាសថាខ្លួនមានសមត្ថភាពផលិតត្រីប្រកបដោយគុណភាព.....

ក្រូចឆ្មារសហគមន៍ពោធិ៍សាត់ កំពុងមានតម្រូវការខ្ពស់តាមរយៈការលក់របស់សហគមន៍

ជំនួញ, បទយកការណ៍

• 27/01/2023

ក្រូចឆ្មារ មានតម្រូវការទីផ្សារខ្ពស់ ទើបសហគមន៍មួយនៅខេត្តពោធិ៍សាត់បានប្រមូលផ្ដុំគ្នាដាំ និងចែកចាយក្រូចឆ្មារទៅកាន់អតិថិជនទូទាំងប្រទេស.....

អាជីវកម្មកំប៉ុសគោក ចំណេញទាំងបរិស្ថាន ល្អទាំងដំណាំ ថែមទាំងលើកស្ទួយជីវភាពប្រជាជនក្នុងសហគមន៍

ជំនួញ, បទយកការណ៍

• 25/01/2023

សហគមន៍មួយបានប្រមូលផ្ដុំគ្នាផលិតជីកំប៉ុសលក់ ក្នុងគោលបំណងកាត់បន្ថយកាកសំណល់ ច្នៃធ្វើជាជី និងអាចរកចំណូលបន្ថែមសម្រាប់សេដ្ឋកិច្ចគ្រួសារ.....

មុខរបរដាំត្រកួនលក្ខណៈគ្រួសារ ងាយស្រួល និងអាចដាំបានខួបប្រាំងខួបវស្សា

ជំនួញ, បទយកការណ៍

• 23/11/2022

ត្រកួន ជាដំណាំម្យ៉ាងដែលបងប្អូនយើងចូលចិត្តដាំ ដោយសារតែវាងាយស្រួលដាំ ងាយថែទាំ ឆាប់បានផល ពិសេសគឺជាអាហារដ៏មានប្រយោជន៍សម្រាប់សុខភាព ថែមទាំងមានទីផ្សារគួរសមផងដែរ

តើអាជីវកម្មទាំង ៥ ប្រភេទនេះ អាចនឹងមានទីផ្សារខ្លាំងទៀតទេ ក្រោយពេលកូវីដ១៩ ត្រូវបានបញ្ចប់?

បទយកការណ៍, អាជីវកម្មថ្មី និងនវានុវត្ត

• 14/10/2021

អាជីវកម្ម ៖ មកដល់ពេលនេះ អ្នកដឹកនាំអាជីវកម្មព្រមទាំងសហគ្រិនថ្មីៗភាគច្រើនកំពុងស្វែងរកយុទ្ធសាស្ត្រទប់ទល់នឹងការខាតបង់....

ព័ត៌មានទូទៅ

មើលទាំងអស់ ➧

អាម៉េរិក នឹងកាត់បន្ថយពន្ធលើទំនិញកញ្ចប់តូចៗ ឬ “de minimis” ដែលនាំចូលពីចិន ពី ១២០% មកត្រឹម ៥៤%

ព្រឹត្តិការណ៍, សេដ្ឋកិច្ច

• 13/05/2025

អាម៉េរិកនឹងកាត់បន្ថយពន្ធលើទំនិញកញ្ចប់តូចៗពី ១២០% មកត្រឹម ៥៤% ដែលនឹងចាប់ផ្តើមពីថ្ងៃទី ១៣ ខែឧសភាតទៅ (ថ្ងៃទី ១៤ នៅអាស៊ី) ដោយតម្លៃដឹកជញ្ជូនថយចុះនៅសល់ត្រឹម ១០០ ដុល្លារក្នុងមួយជើង

ក្រសួងរៀបចំដែនដី នឹងពង្រឹងប្រសិទ្ធភាពការសិក្សាគម្រោងប្លង់ ការត្រួតពិនិត្យ និងបញ្ជាក់សំណង់ឱ្យកានតែមានប្រសិទ្ធភាពខ្ពស់

ព្រឹត្តិការណ៍, អចលនទ្រព្យ

• 13/05/2025

ក្រសួងរៀបចំដែនដី នគរូបនីយកម្ម និងសំណង់ បានបើកកិច្ចប្រជុំមួយស្ដីពីការពង្រឹង និងការបង្កើនប្រសិទ្ធភាពការសិក្សាគម្រោងប្លង់ ការត្រួតពិនិត្យ និងបញ្ជាក់សំណង់ ដើម្បីឈានទៅកំណត់ទស្សនវិស័យរួមលើវិស័យសំណង់ សំដៅធ្វើឱ្យសំណង់ស្ថាបត្យកម្មខ្មែរសហសម័យ

ច្បាប់ស្ដីពីជលផលនឹងរួមចំណែកដល់កំណើនសេដ្ឋកិច្ច លើកកម្ពស់ជីវភាព ការពារ និងអភិវឌ្ឍធនធានជលផល

ព្រឹត្តិការណ៍, សេដ្ឋកិច្ច

• 13/05/2025

ច្បាប់ស្ដីពីជលផល នឹងចូលរួមចំណែកដល់កំណើនសេដ្ឋកិច្ច កាត់បន្ថយភាពក្រីក្រ លើកកម្ពស់ជីវភាព ការពារ និង អភិវឌ្ឍធនធានជលផលបានកាន់តែប្រសើរ

ចិនចាប់ផ្តើមសិក្សាពីហានិភ័យនៃរោងចក្រនុយក្លេអ៊ែរទាំង១០០កន្លែងប្រសិនបើមានករណីសង្គ្រាមផ្ទុះឡើង

ព្រឹត្តិការណ៍, អាជីវកម្មថ្មី និងនវានុវត្ត

• 13/05/2025

ថ្មីៗនេះ កម្លាំងកងទ័ពចិន ហៅកាត់ថា PLA (China's People's Liberation Army) បានបង្ហាញនូវក្តីព្រួយបារម្ភយ៉ាងខ្លាំងអំពីសុវត្ថិភាពនៃរោងចក្រនុយក្លេអ៊ែរទាំងឡាយរបស់ខ្លួនក្នុងករណីប្រសិនបើមានករណីជម្លោះដោយយោធាណាមួយផ្ទុះឡើងនាពេលអនាគត

គណៈប្រឹក្សាយោបល់វិទ្យាសាស្ត្រ បច្ចេកវិទ្យា និងនវានុវត្តន៍ ជំរុញវឌ្ឍនភាពរបៀបវារៈវិទ្យាសាស្ត្រ បច្ចេកវិទ្យា និងនវានុវត្តន៍ជាតិ

ព្រឹត្តិការណ៍, អាជីវកម្មថ្មី និងនវានុវត្ត

• 13/05/2025

គណៈប្រឹក្សាយោបល់វិទ្យាសាស្ត្រ បច្ចេកវិទ្យា និងនវានុវត្តន៍ នៅថ្ងៃទី១២ ខែឧសភា ឆ្នាំ២០២៥ បានបើកកិច្ចប្រជុំនៅទីស្តីការក្រសួងឧស្សាហកម្ម វិទ្យាសាស្ត្របច្ចេកវិទ្យា និងនវានុវត្តន៍ ដើម្បីពិនិត្យវឌ្ឍនភាព និងកំណត់ទិសដៅយុទ្ធសាស្ត្រសម្រាប់ការអភិវឌ្ឍវិស័យវិទ្យាសាស្ត្រ

ទីផ្សារហ៊ុនសកលកើនឡើងបន្ទាប់ពីអាម៉េរិក និងចិនយល់ព្រមកាត់បន្ថយការដាក់ពន្ធគ្នាទៅវិញទៅមក

ព្រឹត្តិការណ៍, សេដ្ឋកិច្ច

• 13/05/2025

ទីផ្សារហ៊ុនពិភពលោកបានស្ទុះងើបឡើងវិញ ខណៈដែលតម្លៃប្រាក់ដុល្លារអាម៉េរិកកើនឡើងបន្ទាប់ពីមានការថយចុះភាពតានតឹងនៃសង្គ្រាមពាណិជ្ជកម្មរវាងសហរដ្ឋអាម៉េរិក និងចិន

មជ្ឈមណ្ឌលបណ្តុះធុរកិច្ចថ្មី “តេជោ” ចាប់ដៃជាមួយ AMS ផ្សព្វផ្សាយចំណេះដឹងផ្នែកអាជីវកម្មថ្មី និងបច្ចេកវិទ្យា

ព្រឹត្តិការណ៍, អាជីវកម្មថ្មី និងនវានុវត្ត

• 13/05/2025

មជ្ឈមណ្ឌលបណ្តុះធុរកិច្ចថ្មី “តេជោ” (Techo Start Up Center) បានចុះអនុស្សារណៈនៃការយោគយល់គ្នា (MoU) ជាមួយក្រុមហ៊ុនអប្សរា មេឌា សឺវីស (AMS) ដើម្បីជំរុញកិច្ចសហការផ្សព្វផ្សាយ និងបង្កើតកម្មវិធីផ្សព្វផ្សាយឱ្យកាន់តែមានសក្តានុពលទៅកាន់សាធារណជន

ដាំផ្សិតអំបោះត្រឹមតែ ៣រោង អាចរកចំណូលបានជិត២០ម៉ឺនរៀលក្នុងមួយថ្ងៃ

ជំនួញ, ព្រឹត្តិការណ៍

• 13/05/2025

ចំពោះបងប្អូនដែលមិនមានដីធំ សម្រាប់ដាំដំណាំ សូមងាកមកមើលយុវជនម្នាក់ដែលគាត់ដាំផ្សិតអំបោះ (ឬហៅដាផ្សិតអំបោះស) នៅលើដីលំនៅដ្ឋានតួចមួយ មួយថ្ងៃអាចរកចំណូលបានរហូតដល់១៥០,០០០រៀល ទៅដល់២០០,០០០រៀលឯណោះ រកឯមាន។

ជីប ម៉ុង អ៊ិនស៊ី ជប់លៀងជូនមហាគ្រួសារដៃគូអាជីវកម្ម ស៊ីម៉ងត៍អូដ្ឋ និងស៊ីម៉ងត៍វី ទូទាំងប្រទេសនៅក្នុងរោងចក្រលំដាប់ពិភពលោកនៅខេត្តកំពត

ព្រឹត្តិការណ៍, អត្ថបទពាណិជ្ជកម្ម

• 13/05/2025

ក្រុមហ៊ុនក្នុងស្រុកមួយត្រៀមកែច្នៃគ្រាប់ស្វាយចន្ទីទៅកាន់ទីផ្សារពិភពក្នុងបរិមាណច្រើន

ជំនួញ, ព្រឹត្តិការណ៍

• 12/05/2025

ឈរលើគោលការណ៍កែច្នៃប្រកបដោយគុណភាពស្តង់ដារ មានអនាម័យខ្ពស់ និងការវេចខ្ចប់ប្រកដោយភាពទាក់ទាញផងនោះ បានធ្វើឱ្យក្រុមហ៊ុនកែច្នៃគ្រាប់ស្វាយចន្ទីក្នុងស្រុកមួយមានវឌ្ឍនភាពជាបន្តបន្ទាប់រហូតអាចនាំចេញគ្រាប់ស្វាយចន្ទីទៅកាន់ទីផ្សារក្នុងតំបន់អាស៊ីផង និងអឺរ៉ុបផង