សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ថ្មីៗនេះ ប្រទេសបារាំង និងអាល្លឺម៉ង់បានឈានទៅដល់ការសម្រេចចិត្តរួមគ្នាក្នុងកិច្ចសហការគ្នាអភិវឌ្ឍ និងផលិតនូវរថក្រោះថ្មីមួយប្រភេទដែលបំពាក់បច្ចេកវិទ្យាកាន់តែទំនើប ហើយអាចប្រតិបត្តិការជាមួយនឹងយន្តហោះដ្រូនព្រមទាំងមនុស្សយន្តរ៉ូបូតទៀតផង។ កម្មវិធីថ្មីដែលមានឈ្មោះថា Main Ground Combat System (MGCS) បង្កើតឡើងដើម្បីឲ្យមានការផលិតរថក្រោះថ្មីដើម្បីមកជំនួសម៉ូដេលរថក្រោះដែលកំពុងប្រតិបត្តិការបច្ចុប្បន្នរបស់ខ្លួនទាំង២គឺ Leopard 2 របស់អាល្លឺម៉ង់ និង Leclerc របស់បារាំង ដោយធ្វើយ៉ាងណាឲ្យបានចប់រួចរាល់នៅចន្លោះឆ្នាំ២០៣៥ ឬឆ្នាំ២០៤០ខាងមុខ។
Leopard 2 គឺជារថក្រោះប្រយុទ្ធសំខាន់របស់ប្រទេសអាល្លឺម៉ង់ជំនាន់ទី៣ ហើយវាត្រូវបានបង្កើតឡើងដោយក្រុមហ៊ុន Krauss-Maffei តាំងពីទសវត្សរ៍ឆ្នាំ១៩៧០ ប៉ុន្តែរហូតដល់ឆ្នាំ១៩៧៩ ទើបរថក្រោះប្រភេទនេះអាចដាក់ឲ្យប្រតិបត្តិជាផ្លូវការក្នុងជំនួសរថក្រោះ Leopard 1 ។ ចំណែកឯរថក្រោះ Leclerc គឺជារថក្រោះប្រយុទ្ធដ៏សំខាន់របស់បារាំងជំនាន់ទី៣ដូចគ្នាផងដែរ។ វាត្រូវបានបង្កើតឡើង និងផលិតដោយក្រុមហ៊ុន Nexter Systems ។ វាត្រូវបានគេដាក់ឈ្មោះជាកិត្តិយសដល់លោក Marshal Philippe Leclerc de Hauteclocque ដែលជាមេបញ្ជាការនៃកងកម្លាំងបារាំងសេរី ដែលបានដឹកនាំកងពលរថពាសដែកលើកទី២កាលពីក្នុងសង្គ្រាមលោកលើកទី២។
តាមពិតកម្មវិធី MGCS ត្រូវបានបង្កើតឡើងដំបូងតាំងតែពីឆ្នាំ២០១៧ គឺជាកម្មវិធីរួមគ្នារវាងមហាអំណាចទាំងពីរក្នុងការស្វែងរកបច្ចេកវិទ្យាថ្មីៗនិងផលិតឲ្យបានរថក្រោះជំនាន់ថ្មីជំនួសឲ្យរថក្រោះដែលកំពុងប្រតិបត្តិការជួរមុខរបស់ខ្លួន ប៉ុន្តែដោយសារដំណើរការបានតិចតួចទើបវាត្រូវបានភាគីទាំងពីរលើកយកមកពិភាក្សាគ្នាសាជាថ្មីម្តងទៀតនៅពេលនេះ។
នៅក្នុងជំនួបកាលពីពេលថ្មីៗកន្លងមកនេះរវាងរដ្ឋមន្ត្រីក្រសួងការពារជាតិអាល្លឺម៉ង់ Boris Pistorius និងសមាភាគីបារាំងរដ្ឋមន្ត្រី Sebastien Lacornu នោះមន្ត្រីជាន់ខ្ពស់ទាំងពីរបានធ្វើការប្តេជ្ញាចិត្ត និងសន្យាថានឹងរៀបចំកិច្ចប្រជុំជាទៀងទាត់បន្ថែមទៀតធ្វើយ៉ាងណាជំរុញឲ្យកិច្ចខិតខំនេះអាចប្រព្រឹត្តបានយ៉ាងរលូនតាមផែនការដែលបានកំណត់។
គួរឲ្យដឹងដែរថា រហូតមកដល់ពេលនេះកម្មវិធីនេះមានការសិក្សាស្ថាបត្យកម្ម និងការពិសោធន៍ដែលកំពុងប្រព្រឹត្តទៅដោយក្រុមហ៊ុនអ្នកម៉ៅការKNDS ក្រុមហ៊ុនបណ្តាក់ទុនរួមគ្នាបារាំង – អាល្លឺម៉ង់គឺ Nexter and Krauss-Maffei Wegmann និងក្រុមហ៊ុនអាល្លឺម៉ង់ Rheinmetall ៕
Account
Security
Favourite Content