វិស័យ SME កាន់តែងាយស្រួលក្នុងការទទួលបានកម្ចីក្រោយសមាគមចំនួន៣សហការគ្នាជួយសម្រួល

ដោយមើលឃើញពីបញ្ហាក្នុងការទទួលបានកម្ចីសម្រាប់យកទៅប្រកបអាជីវកម្មរបស់សហគ្រាស ធុនតូច និងមធ្យម ស្ថាប័នពាក់ព័ន្ធដែលរួមមាន កាលពីពេលកន្លងទៅនេះសមាគមសហគ្រិនវ័យក្មេងកម្ពុជា សមាគមធនា​គារនៅកម្ពុជា និងសមាគមមីក្រូហិរញ្ញវត្ថុកម្ពុជា បានចុះអនុស្សរណៈនៃកិច្ចព្រមព្រៀង ដើម្បីបន្ត​ពង្រឹងភាពជាដៃគូក្នុងការ​​លើកកម្ពស់ការយល់ដឹងផ្នែកហិរញ្ញវត្ថុ។

លោក សុខ វឿន ប្រធានក្រុមប្រឹក្សាភិបាលនៃសមាគមមីក្រូហិរញ្ញវត្ថុកម្ពុជា បានលើកឡើងកាលពីពេលកន្លងទៅថា ទាំង SMEs និង MSMEs កំពុងប្រឈមនឹងឧបសគ្គមួយចំនួនក្នុងសកម្មភាពអាជីវកម្មរបស់ខ្លួនផងដែរ ក្នុងនោះ កង្វះលទ្ធភាពទទួលបានកម្ចីហិរញ្ញវត្ថុ ជាបញ្ហាចម្បងមួយដែលពួកគេកំពុង​ជួបប្រទះ។

យ៉ាងណាមិញ ការគាំទ្រ SMEs ឱ្យទទួលបានហិរញ្ញប្បទាន ក៏ជាទិសដៅយុទ្ធសាស្រ្តអាទិភាព​មួយក្នុងចំណោមទិសដៅយុទ្ធសាស្រ្តទាំង៦របស់សមាគមសហគ្រិនវ័យក្មេងកម្ពុជា ដោយកន្លងមក​សមាគមបានបង្កើត និងដាក់ឱ្យ​ដំណើរការកម្មវិធីទទួលបាននូវហិរញ្ញប្បទាន “Access to Finance​ Program” រយៈជាង ៣ឆ្នាំមកហើយ។ មិនត្រឹមតែប៉ុណ្ណោះ កិច្ចសហការនេះក៏បានសំដៅជាសំខាន់ដល់សហគ្រិនជាស្ត្រី ដែលកន្លងមក​ពួកគេតែងជួបប្រទះនឹងបញ្ហាមិនអាចយកកម្ចីទៅប្រកបអាជីវកម្មបានផងដែរ។ 

លោកស្រី យូ បុរី អនុប្រធានសមាគមសហគ្រិនវ័យក្មេងកម្ពុជាបាន កត់សម្គាល់ឃើញសហគ្រិនស្ត្រីជាច្រើនដែលជួបប្រទះបញ្ហាមិនអាចទទួលបានកម្ចីពីធនាគារ ដោយហេតុថា លក្ខខណ្ឌកម្ចីមានច្រើន លើសពីសមត្ថិភាពរបស់ពួកគេ។

លោកស្រីបានដាក់ក្ដីរំពឹងថា សហគ្រិនជាស្ត្រីនឹង មានលទ្ធភាពក្នុងការទទួលបានកម្ចី ជាមួយលក្ខខណ្ឌដែលងាយស្រួលជាងមុន តាមរយៈការសហការគ្នារវាងស្ថាប័នទាំង៣ខាងលើ ។ 

ទន្ទឹមនឹងគ្នានេះដែរ លោកស្រីបានគូសបញ្ជាក់ថា៖

«ម្យ៉ាងទៀត កិច្ចសហការនេះ ក៏នឹងអាចបញ្ជ្រាប​ចំណេះដឹងសហគ្រិនស្ត្រីបន្ថែម ព្រោះការរៀបចំឯកសារផ្សេងៗក៏ជារឿងចាំបាច់សម្រាប់​សហគ្រិនមុននឹងទៅទទួលកម្ចីពីធនាគារ ឬមីក្រូហិរញ្ញវត្ថុដែរ»។

លោកស្រីបន្តថា អ្វីដែលលោកស្រីតែងតែជំរុញផងដែរនោះ គឺការពង្រឹងសមត្ថិភាពសហគ្រិន ឱ្យពួក​គាត់មិនត្រឹមតែចេះប្រកបអាជីវកម្មតែមួយមុខ ប៉ុន្តែត្រូវចេះរៀបចំផែនការអាជីវកម្មច្បាស់លាស់ ដើម្បីឱ្យមានភាពងាយស្រួលក្នុងការស្វែងរកម្ចី។

គួរបញ្ជាក់ថា អនុស្សរណៈនៃកិច្ចព្រមព្រៀងរវាងសមាគមទាំងបី​ស្ថាប័ន​ខាងលើនេះ មានគោលដៅ​ចម្បងៗចំនួនបី ក្នុងនោះរួមមាន ទី១​ ពង្រីកវិសាលភាពនៃការផ្ដល់ហិរញ្ញ​ប្បទាន ទៅកាន់សហគ្រាស​ធុនមីក្រូ តូច និងមធ្យមនៅកម្ពុជា ពោលគឺ​ដើម្បីជួយគាំទ្រ ដល់ដំណើរការអាជីវកម្មរបស់​ធុរកិច្ចជន​នៅគ្រប់វិស័យ ដែលកំពុងមាន​ប្រតិបត្តិការ​នៅកម្ពុជា តាមរយៈការទទួលបាននូវសេវាឥណទាន​អាជីវកម្ម​ដែលមានលក្ខខណ្ឌអំណោយផល។

ទី២ គឺរួមគ្នាលើកកម្ពស់ការយល់ដឹងអំពីគុណតម្លៃប្រាក់រៀល និងជំរុញលើកទឹកចិត្ត ដល់សហគ្រាស ធុនមីក្រូ តូច និងមធ្យមនៅកម្ពុជា ងាកទៅប្រើប្រាស់ប្រាក់រៀលនៅក្នុងប្រតិបត្តិការ​ហិរញ្ញវត្ថុ របស់ពួកគេ។

ទី៣ ចុងក្រោយគឺ សមាគមទាំងបីនឹងបង្កើ​នកិច្ចសហប្រតិបត្តិការក្នុងការដោះស្រាយនូវ រាល់បញ្ហា​ប្រឈមរបស់​វិស័យធុរកិច្ចនៅកម្ពុជា ដែលម្ចាស់អាជីវកម្មភាគច្រើនកំពុងជួបប្រទះ តាមរយៈការ​សហការ​រៀបចំ​ផ្ដល់ជាវគ្គបណ្ដុះបណ្ដាលចាំបាច់សំខាន់ៗសម្រាប់កសាងសមត្ថភាព សិក្ខាសាលា កម្មវិធី​ជំនួបម្ចាស់​អាជីវកម្មដើម្បីកសាងបណ្ដាញ និងបង្កើតឱកាសសហការវិនិយោគជាដើម។

ដោយឡែក បើយោងតាមក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ សហគ្រាស​ធុន​តូច និង​មធ្យមបានរួមចំណែករហូតដល់ទៅជាង ៩៨ ភាគរយ​នៃ​អាជីវកម្មសរុបទាំងអស់នៅ​កម្ពុជា ស្មើនឹង ៥៨ ភាគរយនៃផលិតផលក្នុងស្រុកសរុប។ តួលេខនេះ​បានឆ្លុះបញ្ចាំងឱ្យឃើញថា សហគ្រាស​ធុនតូច និងមធ្យម បានដើរតួនាទីយ៉ាងសំខាន់ក្នុងការអភិវឌ្ឍ​សេដ្ឋកិច្ចកម្ពុជា៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី ជំរុញទំនាក់ទំនងពាណិជ្ជកម្ម និងការអភិវឌ្ឍសេដ្ឋកិច្ច

ព្រឹត្តិការណ៍, សេដ្ឋកិច្ច

• 19/06/2024

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី នឹងចុះ MOU ជំរុញទំនាក់ទំនងពាណិជ្ជកម្ម និង ការអភិវឌ្ឍសេដ្ឋកិច្ចរវាងប្រទេសទាំងពីរ

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា