សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ជាមួយនឹងគោលនយោបាយថ្មីៗជាបន្តបន្ទាប់ដែលដាក់ចេញដោយរាជរដ្ឋាភិបាលអាណត្តិថ្មីតាមក្រសួង ស្ថាប័ននានាក៏ចាប់ផ្ដើមចេញនូវគោលនយោបាយបន្ថែមទៀត ដើម្បីធានាការ អនុវត្តគោលនយោបាយរួមរបស់រដ្ឋាភិបាលឱ្យកាន់តែមានប្រសិទ្ធភាព។
ដោយឡែកសម្រាប់ក្រសួងទេសចរណ៍ ក៏មាននូវសសរស្ដម្ភផ្ទាល់ខ្លួនដើម្បីទាញវិស័យនេះឱ្យ ងើបឡើងវិញបន្ទាប់ពីរងផលប៉ះពាល់យ៉ាងខ្លាំងពីជំងឺកូវីដ១៩។ ក្នុងនោះ ក្រសួងទេសចរណ៍ បានដាក់គោលដៅទទួលភ្ញៀវអន្តរជាតិបានប្រមាណ ៤លាននាក់ សម្រាប់ឆ្នាំ២០២៣នេះ។
ជាគោលការណ៍មូលដ្ឋានរបស់ក្រសួងទេសចរណ៍គឺធានាឱ្យបាន៥យ៉ាង៖ យ៉ាង សន្តិសុខ ការអភិវឌ្ឍសង្គមលើគ្រប់វិស័យ ការលើកកម្ពស់ជីវភាពប្រជាជន ការធានាលើសុវត្ថិភាពនៃការរស់នៅរបស់ប្រជាជនទាំងបច្ចុប្បន្ន និងអនាគត ចុងក្រោយគឺការ បង្កើនការយកចិត្តទុកដាក់លើការអភិវឌ្ឍសេដ្ឋកិច្ចសង្គម និងកសាងភាពធន់ទៅនឹងការប្រែប្រួលអាកាសធាតុ។
ក្នុងនោះ ដើម្បីធានាបាននូវប្រសិទ្ធភាពក្នុងការចូលរួមចំណែករបស់ក្រសួងទេសចរណ៍ក្នុងការអនុវត្តកម្មវិធី នយោបាយនៃរាជរដ្ឋាភិបាល រដ្ឋមន្ត្រីក្រសួងទេសចរណ៍បានផ្ដួចផ្ដើមរៀបចំធ្វើបច្ចុប្បន្នភាពលើលិខិតបទដ្ឋានគតិយុទ្ធ រចនាសម្ព័ន្ធ របៀបរបបការងារ ឱ្យស្របតាមគោលដៅយុទ្ធសាស្ត្រចំនួន៣ គឺភាពប្រកួតប្រជែងទេសចរណ៍ ចីរភាពទេសចរណ៍ និងបរិយាប័ណ្ណទេសចរណ៍។
យ៉ាងណាមិញ សសរស្ដម្ភចំនួន៥ ដែលរដ្ឋមន្ត្រីក្រសួងទេសចរណ៍ហៅថា «បង្កើន៥» សម្រាប់ពង្រឹងវិស័យទេសចរណ៍ទាំងមូល រួមមាន ៖
១. បង្កើនប្រសិទ្ធភាពនៃការគ្រប់គ្រងកិត្តិនាមកម្ពុជា ដើម្បីធ្វើឱ្យទេសចរណ៍នៃទីផ្សារគោលដៅ អាទិភាពកាន់តែស្គាល់ កាន់តែយល់ឃើញជាវិជ្ជមាន និងកាន់តែទទួលស្គាល់កម្ពុជាជាគោលដៅ ទេសចរណ៍សកលឈានមុខ។
២. បង្កើនប្រសិទ្ធភាពនៃការផ្សព្វផ្សាយទាក់ទាញទេសចរណ៍កម្ពុជា ទៅកាន់ទីផ្សារទេសចរណ៍សំ ខាន់ៗ ដើម្បីធ្វើឱ្យទេសចរណ៍នៃទីផ្សារគោលដៅអាទិភាព និងពិភពលោកចាប់អារម្មណ៍មកទស្សនា។
៣. ប្រសិទ្ធភាពនៃការគ្រប់គ្រងផ្ទៃក្នុងនៃការធ្វើដំណើររបស់ភ្ញៀវ និងហេដ្ឋារចនាសម្ព័ន្ធផ្ទៃក្នុងដើម្បី សម្រួលការធ្វើដំណើរ និងជំរុញគុណភាពនៃការធ្វើដំណើរស្របតាមស្តង់ដារអន្តរជាតិ។
៤. បង្កើនប្រសិទ្ធភាពនៃការអភិវឌ្ឍផលិតផលទេសចរណ៍ប្រកបដោយនវានុវត្តន៍ ភាពច្នៃប្រឌិត និងភាពជាខ្មែរដោយផ្អែកលើបេតិកភ័ណ្ឌវប្បធម៌ បេតិកភណ្ឌធម្មជាតិ ឆ្នេរសមុទ្រ និងប្រជាជនខ្មែរ ភាពជាខ្មែរ និងពង្រឹងសេវាទេសចរណ៍ សេវាមួយស្តង់ដារមួយ តាមរយៈការដាក់ចេញ និងការអនុវត្ត ស្តង់ដារបៃតងសម្រាប់ផលិតផល និងសេវាទេសចរណ៍ទាំងនៅកម្រិតថ្នាក់ជាតិ និងតំបន់អាស៊ាន ដើម្បីបង្កើតច្រករបៀងទេសចរណ៍។
និងចុងក្រោយគឺ ការអភិវឌ្ឍធនធានគោលដៅទេសចរណ៍ អភិវឌ្ឍន៍តំបន់ទេសចរណ៍ ជំរុញការវិនិយោគនៅតាម តំបន់ទេសចរណ៍។ តាមរយៈគោលនយោបាយថ្មីៗទាំងនេះ ឯកឧត្តមរដ្ឋមន្ត្រីក្រសួងទេសចរណ៍រំពឹងថា កម្ពុជានឹងក្លាយជាគោលដៅទេសចរណ៍សកលមួយ៕
Account
Security
Favourite Content