យុវជនម្នាក់អាចរកចំណូលបានជិត ១ ពាន់ដុល្លារក្នុងមួយខែពីការចិញ្ចឹមសត្វនិងដាំចក

កណ្តាល ៖ យុវជន ជឿន ភារុង ជាសិស្សសិក្សា និងបម្រើការងារនៅទីក្រុងភ្នំពេញ ប៉ុន្តែដោយសារបញ្ហាផ្ទុះរាលដាលនៃជំងឺកូវីដ១៩ យុវជនម្នាក់បានសម្រេចចិត្តមកស្រុកកំណើត ប្រឹងប្រែងប្រកបរបរចិញ្ចឹមសត្វ និងចិញ្ចឹមមេពូជសត្វ សម្រាប់លក់ទៅឱ្យកសិករដទៃទៀត។ បច្ចុប្បន្ន យុវជនរូបនេះបានព្យួរការសិក្សាទុកមួយឡែកសិន និងយកពេលវេលាមកពង្រឹងការចិញ្ចឹមសត្វរបស់ខ្លួន។

យុវជន ជឿន ភារុង វ័យ ២៣ ឆ្នាំ បានបើកនូវកសិដ្ឋានចិញ្ចឹមសត្វមួយនៅក្នុងស្រុកអង្គស្នួល ខេត្តកណ្ដាល នៅលើដីទំនេររបស់ឱពុកខ្លួន។ ក្នុងកសិដ្ឋានដែលមានទំហំតូចល្មម យុវជនរូបនេះបានបង្កើត និងចញ្ចឹមសត្វចម្រុះគ្នា ព្រមទាំងមានលក់ជាពូជសត្វផងដែរ។

កសិដ្ឋានដែលមានឈ្មោះថា HR Farm របស់យុវជនខាងលើនេះ មានចិញ្ចឹមសត្វដូចជា កង្កែប បង្កង ត្រី ខ្យង ក្ដាម ព្រមទាំងមាន់ ហើយដែលបច្ចុប្បន្នគឺលោកនៅគ្រប់គ្រងកសិដ្ឋាននេះដោយខ្លួនឯងផ្ទាល់តែម្ដង។

កសិដ្ឋាននេះត្រូវបានបែងចែកជាងអាងចិញ្ចឹមសត្វក្នុងទឹកជាច្រើនតម្រៀបគ្នា និងមានរោងមាន់មួយ នៅពីក្រោយផង។ នៅតាមអាងនីមួយៗ មានប្រភេទសត្វក្នុងទឹកខុសៗគ្នា ព្រមទាំងមានចកអាសូឡា ដែលជាចំណីសំខាន់សម្រាប់សត្វទាំងនោះ។

ចកអាសូឡា ដែលត្រូវបានលោកអះអាងថាជារុក្ខជាតិទឹកម្យ៉ាង ដែលមានជីវជាតិល្អសម្រាប់ការលូត លាស់របស់សត្វចិញ្ចឹម ក៏លោកបានដាំដុះនៅក្នុងអាងទឹកផងដែរ។ ចកប្រភេទនេះ បានក្លាយទៅជាប្រភពអាហារដ៏សំខាន់សម្រាប់ផ្គត់ផ្គង់ដល់សត្វចម្រុះប្រភេទដែលលោកចិញ្ចឹម។ ម្យ៉ាងទៀត លោកក៏រំលែកមួយចំណែកសម្រាប់លក់ទៅឱ្យអតិថិជនផងដែរ។

បើតាមលោក ជឿន ភារុង បានឱ្យដឹងពីចំណូលដែលលោករកបានជាប្រចាំពីការចិញ្ចឹមសត្វថា៖

“ក្នុងមួយខែ ផាត់ថ្លៃដើមចេញ ខ្ញុំអាចចំណេញបានយ៉ាងហោចណាស់ក៏ ៨០០ រយដុល្លារដែរ ពីការលក់ពូជសត្វ កូនសត្វ និងចកអាសូឡា”

យ៉ាងណាមិញ លោកបានបញ្ជាក់ថា ខ្លួនមិនសូវជាចំណាយច្រើនលើថ្លៃចំណីនោះទេ ដោយសារតែ លោកមានចកអាសូឡាស្រាប់ ដែលអាចលាយជាមួយចំណី។ ធ្វើដូច្នេះ វាអាចធូរបន្ទុកបានច្រើនពីការចំណាយនានា។ មិនត្រឹមតែចកអាសូឡាទេ ដែលអាចសម្រួលការចំណាយរបស់លោក ខ្យងដែលលោកចិញ្ចឹមនោះក៏អាចយកទៅធ្វើចំណីរបស់បង្កងផងដែរ។

លោកបានឱ្យដឹងទៀតថា អតិថិជនរបស់លោកភាគច្រើនជាអ្នកនៅតាមខេត្តដែលទិញកូនយកទៅ ចិញ្ចឹម និងមួយចំនួនទៀតទិញមេពូជដើម្បីយកទៅបង្កាត់តែម្ដង។

ជាទូទៅ លោកអាចដាក់លក់ផលិតផលពីកសិដ្ឋានរបស់លោកតាមប្រព័ន្ធអនឡាញ ដោយអតិថិជនកម្ម៉ង់ទិញតាមអ៊ីនធឺណេត ហើយលោកនឹងរៀបចំផ្ញើរទៅតាមទីតាំងនីមួយៗ។ មួយផ្នែកទៀត អតិថិជនរបស់លោកគឺស្គាល់លោកតាមរយៈបណ្ដាញសង្គមយូធូប ដែលជានិច្ចជាកាល លោកតែងបង្ហោះពីសកម្មភាពក្នុងកសិដ្ឋាន។

ដោយឃើញការរីកចម្រើនត្រឹមតែរយៈពេលប្រមាណជាង ២ ឆ្នាំនេះ លោកបាននិងកំពុងខិតខំបន្ថែម ទៀតក្នុងការស្វែងរកបច្ចេកទេសថ្មីៗ ដើម្បីចិញ្ចឹមពូជសត្វឱ្យកាន់តែល្អប្រសើរ។ ម្យ៉ាងទៀត យុវជន រូបនេះមើលឃើញពីឱកាសក្នុងការពង្រីកខ្លួនទៅមុខទៀត ថ្វីត្បិតថាតំបន់ដែលលោករស់នៅ មិនទាន់ មានអ្នកធ្វើរបរនេះនៅឡើយ។ ដូច្នេះ សម្រាប់លោក នេះគឺជាឱកាសដ៏ល្អមួយ។

យុវជនរូបនេះបានឱ្យដឹងទៀតថា លោកមានបំណងចង់ពង្រីកការចិញ្ចឹមសត្វបន្ថែមទៀត ដោយសព្វថ្ងៃការផ្គត់ផ្គង់មិនគ្រប់តម្រូវការអ្នកទិញ ព្រោះការចិញ្ចឹមសត្វរបស់លោកនៅមានទំហំតូច ហើយការប្រមូលផលក៏មិនសូវជាទៀងទាត់ដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ