សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា គណៈរដ្ឋមន្ត្រីរបស់ប្រទេសថៃបានអនុម័តក្នុងការជួលពលករពីស្រីលង្កាចំនួន ១ ម៉ឺននាក់ ខណៈដែលបច្ចុប្បន្ននេះកំពុងមានបញ្ហាកង្វះកម្លាំងពលកម្មជាខ្លាំងដោយសារពលករកម្ពុជាត្រឡប់ទៅប្រទេសកំណើតវិញ បន្ទាប់ពីមានជម្លោះព្រំដែនដ៏ធ្ងន់ធ្ងររវាងប្រទេសទាំងពីរ។
ផ្អែកលើទិន្នន័យពីអង្គការពលកម្មអន្តរជាតិបានបង្ហាញថា កំំណើននៃចំនួនប្រជាជនវ័យចំណាស់ និងការធ្លាក់ចុះនៃកម្លាំងការងាររបស់ថៃបានធ្វើឱ្យប្រទេសនេះពឹងផ្អែកលើពលករបរទេសដែលបានចុះបញ្ជីយ៉ាងហោចណាស់ ៣ លាននាក់នៅទូទាំងវិស័យកសិកម្ម សំណង់ និងផលិតកម្ម។
រដ្ឋមន្ត្រីក្រសួងការងាររបស់ថៃ លោក Pongkawin Jungrungruangkit បានលើកឡើងថា ពលករជាង ៣ ម៉ឺននាក់មកពីប្រទេសស្រីលង្កាបានចុះបញ្ជីរួចហើយ ហើយ ១ ម៉ឺននាក់ទៀតនឹងត្រូវបញ្ជូនមកកាន់ប្រទេសថៃ។ គួរឲ្យបញ្ជា្កក់ដែរថា ជម្លោះព្រំដែនរវាងកម្ពុជា-ថៃបានឈានដល់ការផ្ទុះអាវុធកាលពីថ្ងៃទី២៤ ខែកក្កដា ឆ្នាំ២០២៥ ហើយមានពលរដ្ឋជាង ៣ សែននាក់ដែលរស់នៅតាមព្រំដែនទាំងពីរបានភៀសសឹក។
យោងតាមទិន្នន័យផ្លូវការបានឱ្យដឹងថា មុនពេលមានជម្លោះ ពលករកម្ពុជាជាង ៥២០ ០០០ នាក់បានធ្វើការនៅក្នុងប្រទេសថៃស្របច្បាប់ ដែលស្មើនឹង ១២% នៃកម្លាំងពលកម្មបរទេសសរុបរបស់ប្រទេសនេះ។ ក្នុងអំឡុងពេលនៃការប្រយុទ្ធគ្នា ពលរដ្ឋខ្មែរប្រមាណជាង ៤០០,០០០ នាក់ដែលធ្វើការក្នុងប្រទេសថៃ បានត្រឡប់មកប្រទេសកំណើតវិញ ។ ទន្ទឹមនឹងនេះ ពលករពីប្រទេសស្រីលង្កាគឺជាប្រភពសំខាន់សម្រាប់ជំនួសកម្លាំងការងាររបស់ពលករកម្ពុជា។ កាលពីឆ្នាំ២០២៤ ពលរដ្ឋស្រីលង្កាចំនួន ៣១៤ ៧៨៦ នាក់បានទៅធ្វើការនៅក្រៅប្រទេស ដោយសារការលំបាកផ្នែកសេដ្ឋកិច្ចក្នុងស្រុកបានជំរុញឱ្យមនុស្សជាច្រើនស្វែងរកការងារនៅក្រៅប្រទេស។ មជ្ឈិមបូព៌ាគឺជាគោលដៅចម្បងរបស់ពួកគេ ខណៈដែលមនុស្សជាច្រើនទៀតក៏បានស្វែងរកការងារធ្វើនៅប្រទេសកូរ៉េខាងត្បូង និងជប៉ុនផងដែរ៕
Account
Security
Favourite Content