ក្រូចពោធិ៍សាត់ភ្នំក្រវ៉ាញ កំពុងពេញរដូវកាលប្រមូលផល និងមានការគាំទ្រច្រើន

ពោធិ៍សាត់ ៖ ជាតំបន់មានសក្ដានុពលខ្លាំងផ្នែកដំណាំហូបផ្លែ ខេត្តពោធិ៍សាត់ កំពុងពេញរដូវកាលប្រមូលទិន្នផល ក្រូចពោធិ៍សាត់ ដែលជាដំណាំប្រចាំតំបន់ កំពុងមានការគាំទ្រខ្លាំងពីសំណាក់អតិថិជន មិនថាការកម្ម៉ង់តាមអនឡាញ អ្នកបោះដុំ ឬរោងចក្រកែច្នៃ ដែលអាចលក់ចេញនៅលើទីផ្សាររហូតដល់ទៅរាប់រយតោនក្នុងមួយឆ្នាំ។

លោក ឡៃ ស៊ីម ជាម្ចាស់ចំការក្រូចពោធិ៍សាត់មួយកន្លែងស្ថិតនៅភូមិរវៀង ឃុំសំរោង ស្រុកភ្នំក្រវាញ ខេត្តពោធិ៍សាត់ បានមានប្រសាសន៍ប្រាប់ AMS ឲ្យដឹងថា ទីផ្សារក្រូចពោធិ៍សាត់គឺមានការគាំទ្រច្រើនទាំងការលក់រាយ និងបោះដុំ ដោយសារតែគុណភាពក៏ដូចជារសជាតិរបស់ក្រូចតំបន់នេះមានភាពទាក់ទាញខុសពីក្រូចដែលមានដាំនៅតំបន់ផ្សេង។

លោកបញ្ជាក់ថា៖

«ក្នុងមួយថ្ងៃយើងបេះក្រូចបាន ២-៣ឡាន ដែលមួយឡានប្រមាណ ១តោនកន្លះ ហើយតម្លៃគឺយើងលក់គិតជាផ្លូនដែលមាន៦០ផ្លែ មានតម្លៃចន្លោះពី ២៥ ០០០-៥០ ០០០រៀល អាស្រ័យលើប្រភេទក្រូចលេខ១ លេខ២ លេខ៣ ហើយការប្រមូលផល យើងអាចប្រមូលបានពីរដងក្នុងមួយឆ្នាំដែលលើកទីពីរគឺទិន្នផលល្អជាង ដោយយើងអាចបេះបានចន្លោះខែមេសា ដល់ខែវិច្ឆកានេះតែម្ដង»។

ម្ចាស់ចំការក្រូចខាងលើបន្ថែមថា ចំការក្រូចរបស់យើងសរុបប្រមាណ ៣០ហិចតា ដោយជាចំការរបស់លោកខ្លះ និងម៉ៅចំការបន្ថែមទៀតដើម្បីផ្គត់ផ្គង់ទីផ្សារ ហើយអាចប្រមូលផលបាន ៤០០-៥០០ តោនក្នុងមួយឆ្នាំ។ ចំណែករយៈពេលដាំ យើងដាំត្រឹម២-៣ឆ្នាំ គឺបានផលហើយ ក៏ប៉ុន្តែឆ្នាំដែលទទួលបានផលល្អមែនទែនគឺឆ្នាំទី៤-៥។  

ដោយឡែកចំណុចពិសេសបរស់ក្រូចពោធិ៍សាត់ភ្នំក្រវាញនេះវិញគឺ វាមានរសជាតិជូរអែមឆ្ងាញ់ ធម្មជាតិដាំនៅចំការពិតៗ ហើយមានអតិថិជនគាំទ្រច្រើន ដែលយើងលក់តាមអនឡាញផង លក់ផ្ទាល់ៗឱ្យភ្ញៀវផង អតិថិជនក្នុងខេត្តមកយកទៅលក់បន្តផង ហើយក៏មានផ្ញើតទៅតាមបណ្ដាខេត្តផ្សេងៗ ជាពិសេសមានសហគ្រាសនៅខេត្តបាត់ដំបងទទួលទិញយកទៅកែច្នៃជាដំណាប់ផងដែរ។

គួររំឭកដែរថា លោក ឡៃ ស៊ីម បានចាប់ផ្ដើមដាំក្រូចពោធិ៍សាត់ តាំងពីឆ្នាំ២០០៧ ដោយចាប់ផ្ដើមពីការដាំខ្លួនឯងផង និងធ្វើពូជទុកលក់ផង ហើយដើមទុនគឺមិនចំណាយច្រើននោះទេ ដោយសារមានដីខ្លួនឯងស្រាប់ ហើយក៏ចេះធ្វើពូជខ្លួនឯងសម្រាប់ដាំ ងាយថែទាំដោយគ្រាន់តែប្រើថ្នាំសម្លាប់សត្វល្អិតនិងជីបំប៉នតិចតួច។

យ៉ាងណាក៏ដោយ លោកបន្តថា បច្ចុប្បន្នអាចចំណាយដើមទុនច្រើនជាងពីមុនដោយសារតែត្រូវសម្អាតដី កាត់ស្មៅ និងថ្លៃឈ្នួកកម្មករគឺមានតម្លៃថ្លៃជាងកាលពីមុន ហើយការដាំក្រូចពោធិ៍សាត់ក៏ជួបផលលំបាកផងដែរ គឺបញ្ហាទឹក ដែលត្រូវដាក់ទឹកឱ្យបានគ្រប់គ្រាន់នៅរដូវប្រាំង ហើយនៅរដូវភ្លៀង ក្រូចដែលបានដាំនៅជិតៗទឹកអាចនឹងលិច ហើយខូចដល់ផ្លែក្រូច ប៉ុន្តែបើទឹកលិចខ្លាំងជោគជាំរហូតដល់ខូចដើមនោះគឺប្រឈមនឹងការខាតបង់ច្រើន។

សម្រាប់ថ្ងៃអនាគត លោក ឡៃ ស៊ីម ចង់ពង្រីកទីផ្សារក្រូចពោធិ៍សាត់ដែលជាដំណាំប្រចាំតំបន់នេះឱ្យកាន់តែធំ ដោយអាចនាំចេញទៅក្រៅប្រទេសថែមទៀត។ ចុងក្រោយ លោក ក៏សូមអរគុណដល់អតិថិជនទាំងអស់ដែលតែងតែគាំទ្រក្រូចពោធិ៍តំបន់ភ្នំក្រវាញកន្លងមក និងសូមឱ្យបងប្អូនយើងនៅតែគាំទ្របន្តទៀតនូវផលិតផលក្នុងស្រុក មានរសជាតិឆ្ងាញ់ និងជាកសិផលធម្មជាតិពិតៗ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ