សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តំបន់ដែលស្ថិតនៅអមសងខាងបណ្ដោយមហាវិថីសហព័ន្ធរុស្ស៊ីបាន និងកំពុងអភិវឌ្ឍន៍ទៅជាតំបន់ពាណិជ្ជកម្មដ៏ទាក់ទាញ ខណៈពេលដែលបច្ចុប្បន្ន រាប់ចាប់ពីចំណុចគល់ស្ពានអាកាស និងផ្លូវក្រោមដីចោមចៅដល់រហូតស្តុបធនាគារកាណាឌីយ៉ាណា កំពុងមានសកម្មភាពអភិវឌ្ឍន៍យ៉ាងមមាញឹក។
បច្ចុប្បន្ននេះ នៅតាមបណ្ដោយមហាវិថីសហព័ន្ធរុស្ស៊ីត្រូវបានកត់សម្គាល់ឃើញថាមានការអភិវឌ្ឍសំណង់អគារខ្ពស់ៗ ផ្សារទំនើបៗ ហាងលក់ទំនិញម៉ាកល្បីៗ ក៏ដូចជាអគារតាំងបង្ហាញរថយន្តទំនើបៗ និងអគារពាណិជ្ជកម្មសំខាន់ៗជាច្រើន។
លោក លឹម រ៉ាវុធ នាយកផ្នែកលក់ និងទីផ្សារនៃក្រុមហ៊ុនអចលនទ្រព្យ ហេង ស៊ីន រៀលអ៊ីស្ទេតបានឱ្យដឹងថា មហាវិថីសហព័ន្ធរុស្ស៊ីគឺជាអន្តរជាតិដ៏សំខាន់មួយនៅក្នុងរាជធានីភ្នំពេញ ហើយជនបរទេស និងថ្នាក់ដឹកនាំប្រទេសនានាដែលចូលមកដល់កម្ពុជាតាមច្រកអាកាសយានដ្ឋានអន្តរជាតិតែងតែធ្វើដំណើរកាត់តាមបណ្ដោយមហាវិថីមួយនេះ ដែលពួកគេនឹងមើលឃើញពីសក្ដានុពលនានានៅអមសងខាង។
លោកថា ៖
“វិនិយោគិន និងភ្ញៀវទេសចរដែលមកដល់កម្ពុជាសុទ្ធតែធ្វើដំណើរតាមផ្លូវនេះ ហើយពួកគាត់ត្រូវការទិញទំនិញអ្វីពួកគាត់អាចរកនៅតាមបណ្ដោយផ្លូវមួយនេះ។ បច្ចុប្បន្ន តាមបណ្ដោយផ្លូវសហព័ន្ធរុស្ស៊ីមានការអភិវឌ្ឍផ្សារ អគារពាណិជ្ជកម្មជាច្រើនរាប់ទាំងផ្សារទំនើបខ្នាតធំ និងផ្សារទំនើបតូចៗផងដែរ ហើយក៏មានផ្សារខ្លះកំពុងដំណើរការ និងផ្សារទំនើបខ្លះទៀតកំពុងសាងសង់ដែលអាចនឹងដាក់ដំណើរការនៅពេលឆាប់ៗខាងមុខនេះ”
លោកបន្ថែមថា ៖
“បើយើងក្រលេកទៅមើលកំណើនប្រជាជននៅរាជធានីភ្នំពេញរួមទាំងចំនួនភ្ញៀវទេសចរបរទេសដែលនឹងមកដល់កម្ពុជានៅពេលខាងមុខ ខ្ញុំរំពឹងថាកំណើនវិនិយោគផ្សារទំនើបនឹងមានបន្ថែមទៀត ជាពិសេសផ្សារទំនើបនៅតំបន់ដែលមានចំនួនប្រជាជនច្រើន ហើយក្នុងនោះដែរ តំបន់មួយចំនួននៅក្នុងខណ្ឌពោធិ៍សែនជ័យ និងតំបន់តាមបណ្ដោយផ្លូវសហព័ន្ធរុស្ស៊ីនឹងមានកំណើនប្រជាជនកាន់តែច្រើន”
យ៉ាងណាក៏ដោយ បើតាមការវាយតម្លៃរបស់ក្រុមហ៊ុនភ្នាក់ងារអចលនទ្រព្យអន្តរជាតិមួយប្រចាំកម្ពុជា CBRE ក៏បានបង្ហាញថា តម្រូវការផ្សារទំនើបនៅក្នុងប្រទេសកម្ពុជានាពេលនេះ មិនទាន់មានច្រើននៅឡើយទេ ហើយទីតាំងដែលអាចជួលបានគឺមានតែផ្សារដែលបានសាងសង់រួចរាល់ជាស្រេច ដោយឡែកសម្រាប់គម្រោងផ្សារទំនើបដែលមិនទាន់សង់រួចរាល់មួយចំនួនទៀតបានសម្រេចចិត្តផ្អាកសកម្មភាព រង់ចាំប្រទេសចាប់ផ្តើមមានកំណើនជនបរទេសចូលមកវិញច្រើនទើបដំណើរការសាងសង់បន្ត។ គួរបញ្ជាក់ផងដែរថា ក្រៅពីផ្សារទំនើបៗដែលដាក់ទីតាំងនៅតាមបណ្ដោយមហាវិថីសហព័ន្ធរុស្ស៊ី ក៏ឃើញមានអគារការិយាល័យ និងហាងលក់ទំនិញ ហាងអាហារដ្ឋានជាច្រើន ហើយពីមួយឆ្នាំទៅមួយឆ្នាំអាជីវកម្មនៅតាមបណ្ដោយមហាវិថីមួយនេះកាន់តែរីកដុះដាលកាន់តែខ្លាំង៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
នាយករដ្ឋមន្ត្រីហុងគ្រីជាប់ឆ្នោតថ្មី ប្រកាសរំដោះទូរទស្សន៍រដ្ឋចេញពីឥទ្ធិពលអ្នកនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 17/04/2026
បេក្ខភាពជាប់ឆ្នោតថ្មីដែលនឹងត្រូវឡើងកាន់តំណែងជានាយករដ្ឋមន្ត្រីហុងគ្រីជាផ្លូវការក្នុងពេលបន្តិចទៀតនេះ លោក Peter Magyar បានប្តេជ្ញាថា នឹងផ្អាកប្រតិបត្តិការផ្សព្វផ្សាយព័ត៌មានរបស់ស្ថានីយទូរទស្សន៍រដ្ឋ (MTVA)
ក្រុមហ៊ុន ប៉េង ហួត គ្រុប ប្រារព្ធខួប ២០ឆ្នាំ និងបង្ហាញពីវិសាលភាពនៃការរីកចម្រើនលើផ្ទៃដីអភិវឌ្ឍន៍ជិត ១,០០០ ហិកតា ជុំវិញរាជធានីភ្នំពេញ
ព្រឹត្តិការណ៍, អត្ថបទពាណិជ្ជកម្ម
• 13/04/2026
ក្រុមហ៊ុន ប៉េង ហួត គ្រុប ដែលជាសសរស្តម្ភដ៏រឹងមាំក្នុងវិស័យអភិវឌ្ឍន៍អចលនទ្រព្យនៅកម្ពុជា បានរៀបចំពិធីជប់លៀងប្រចាំឆ្នាំយ៉ាងមហោឡារិក ដើម្បីអបអរសាទរដំណើរកសាងសមិទ្ធផលអស់រយៈពេល ២ទសវត្សរ៍
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content