គំនិតច្នៃប្រតិដ្ឋនៅក្នុងអាជីវកម្មពិតជាសំខាន់ ដើម្បីអាចទាក់ទាញអតិថិជនបានទាំងនៅក្នុងស្រុក និងជនបរទេស  

បច្ចុប្បន្ននេះ ផលិតផល និងសម្ភារៈប្រើប្រាស់មានច្រើនមុខ ច្រើនប្រភេទ ដែលកំពុងចរាចរណ៍នៅលើទីផ្សារ ដោយផលិតផលខ្លះត្រូវបានកែច្នៃ និងផលិតឡើងនៅក្នុងស្រុក និងខ្លះទៀតត្រូវបាននាំចូលមកពីក្រៅប្រទេស ឬប្រទេសជិតខាង។ យ៉ាងណាក៏ដោយ ត្បិតថាកាលពីមុនភាគច្រើនគេនិយមទិញ និងឱ្យតម្លៃទៅលើផលិតផលដែលនាំចូលមកពីក្រៅប្រទេសដោយគិតថាវាមានគុណភាពល្អ ប៉ុន្តែនាបច្ចុប្បន្ននេះ ម្ចាស់អាជីវកម្មក្នុងស្រុកមួយចំនួនបានរិះរកគំនិតថ្មីៗ ទាំងការបង្កើត ផលិត និងកែច្នៃបន្ថែម ឱ្យមានសោភ័ណភាព គុណភាព ដើម្បីទាក់ទាញអ្នកប្រើប្រាស់ឱ្យងាកមកផ្តល់តម្លៃ ជឿជាក់ និងគាំទ្រផលិតផលក្នុងស្រុកវិញគួរឱ្យកត់សម្គាល់។

ជាក់ស្ដែង និយាយតែវិស័យសម្លៀកបំពាក់ដែលកំពុងផុសផុល និងមានការគាំទ្រយ៉ាងច្រើនពីសំណាក់អតិថិជនទាំងជាតិ និងអន្តរជាតិ ជាពិសេសយុវជន ទៅលើម៉ាកសញ្ញា យីហោ (Brand) អាវក្នុងស្រុកជាច្រើន ជាមួយនឹងការបង្ហាញនូវការរចនាចេញជារូបភាពស្អាតៗ ប្លែកៗគ្នា ដោយមានដាក់បញ្ចូលសិល្បៈ វប្បធម៌ខ្មែរ និងអត្តសញ្ញាណជាតិខ្មែរជាច្រើន ។ តូយ៉ាង Ahsora World ជាម៉ាកសញ្ញាអាវយឺតមួយដែលភាគច្រើនគេស្គាល់តាមរយៈការរចនាបែបសហសម័យ លាយឡំជាមួយនឹងរូបភាពច្នៃប្រតិដ្ឋប្លែកៗ ផ្តោតសំខាន់ទៅលើសិល្បៈ វប្បធម៌ ប្រពៃណីខ្មែរ ជាពិសេសគឺការរចនាសម្រាប់រដូវបុណ្យទានផ្សេងៗ ទាំងនៅលើអាវ និងការវេចខ្ចប់ ដែលប្រាកដថាអាចទាក់ចិត្តរបស់អតិថិជនបានយ៉ាងមានប្រសិទ្ធភាព។

បើតាមលោ​ក តៃ ធារ៉ារិទ្ធីរក្ស ជាអ្នកគ្រប់គ្រងទូទៅនៃ Ahsora World បានប្រាប់ឱ្យដឹងថា៖

«បច្ចុប្បន្ន ផ្នត់គំនិតរបស់ប្រជាជនខ្មែរយើងគឺយល់ដឹងច្រើនទាក់ទងនឹងផលិតផលក្នុងស្រុក ជាពិសេសការគាំទ្រផលិតផលដែលទាក់ទងនឹងសិល្បៈ វប្បធម៌ ប្រពៃណីខ្មែរ គួបផ្សំនឹងការរចនាទៅលើអាវ ដោយយើងទទួលបានការគាំទ្រច្រើន ទាំងអតិថិជនខ្មែរ និងបរទេស ហើយអាវយើងមានច្រើនម៉ូដ និងច្រើនទំហំ ដែលភ្ញៀវគាត់អាចទិញពាក់ប្រចាំថ្ងៃក៏បាន ទិញជាអំណោយក៏បាន ដូចជា ជនបរទេសខ្លះមុនឡើងយន្តហោះក៏គាត់មកទិញ ៤-៥អាវ ទុកជាអំណោយយកត្រឡប់ទៅវិញ»។

សម្រាប់ការរចនា ក៏ដូចជាជ្រើសរើសប្រភេទកំណាត់អាវ អ្នកជំនាញផ្នែករចនាបានគិតគូរច្រើនទៅលើតម្រូវការអតិថិជន ដោយសារអតិថិជនខ្លះចង់បានសាច់ស្ដើង សាច់ក្រាស់ ឬប្រវែងសម្រុងផ្សេងៗគ្នា។

លោក តៃ ធារ៉ារិទ្ធីរក្ស បានបញ្ជាក់ថា ៖

«យើងបានច្នៃ និងសាកល្បងច្រើនទៅលើម៉ូដ និងខលិកសិនផ្សេងៗគ្នា ជាក់ស្ដែង ដូចដែលយើងធ្លាប់ចេញកាលពីឆ្នាំមុន សម្រាប់រដូវចូលឆ្នាំខ្មែរ យើងមានប្រភេទអាវហាវ៉ៃ មានរូបប្រសាទ រូបអន្សម រូបមួកស្លឹកត្នោត និងផ្ការំដួលជាដើម ដែលមានសាច់កំណាត់ស្ដើងសម្រាប់ខែក្ដៅ ចំណែកឯរដូវបុណ្យអុំទូកថ្មីៗនេះ យើងក៏បានចេញជាប្រភេទអាវយឺត តែបែបយុវវ័យ សាច់ក្រាស់ មានសម្រុងខ្លី ឬបែប streetwearវិញម្ដង»។

ចំពោះដំណើរការរបស់ Ahsora World លោក និងក្រុមការងារបានព្យាយាមចេញលក់នូវប្រភេទអាវដែលមានការរចនា ច្នៃម៉ូដផ្សេងៗគ្នា ជាពិសេសសម្រាប់រដូវបុណ្យទានធំៗ ដូចជាបុណ្យចូលឆ្នាំខ្មែរ ចូលឆ្នាំប្រពៃណីចិន ភ្ជុំបិណ្ឌ និងបុណ្យអុំទូកជាដើម ដែលជាឱកាសពិសេសសម្រាប់ដាក់ចេញនូវការរចនាថ្មីៗទាក់ទងនឹងពិធីនីមួយៗផង និងតថភាពផ្សេងៗក្នុងប្រទេសកម្ពុជាផង ដែលចាត់ទុកជាការផ្សព្វផ្សាយវប្បធម៌ខ្មែរមួយផ្នែកផងដែរ។

ដោយឡែក ពាក់ព័ន្ធនឹងតម្លៃវិញ អាវ ដែលជ្រកក្រោម យីហោ Ahsora World មានច្រើនប្រភេទអាស្រ័យតាមការរចនា និងប្រភេទអាវ ដោយតម្លៃមានចាប់ពី ១០-៣០ដុល្លារ ហើយអតិថិជនភាគច្រើនបញ្ជាទិញតាមអនឡាញ ខ្លះមកទិញដល់ showroom ។ យ៉ាងណាក៏ដោយ ចំពោះតម្លៃអាវទាំងនេះអាចថ្លៃបន្តិចបើប្រៀបជាមួយតម្លៃអាវធម្មតា ប៉ុន្តែ Ahsora World នៅតែអាចរក្សាបាននូវចំនួនអតិថិជនចាស់ ហើយបានទាក់ទាញអតិថិជនថ្មីៗបន្ថែមជាបន្តបន្ទាប់។

គួរជម្រាបដែរថា បន្ទាប់ពីបានដាក់ចេញនូវខលិកសិនបុណ្យចូលឆ្នាំខ្មែរ និងទទួលបានការគាំទ្រខ្លាំងកាលពីឆ្នាំមុន Ahsora World ក៏កំពុងរៀបចំការរចនាកាន់តែស្អាត និងប្លែកបន្ថែមទៀត សម្រាប់ត្រៀមក្នុងឱកាសបុណ្យចូលឆ្នាំខ្មែរខាងមុខនេះ ពោលគឺធ្វើយ៉ាងណាអាចទាក់ទាញអតិថិជនឱ្យបានស្គាល់ពីគុណភាពផលិតផលក្នុងស្រុកផង និងអត្ថន័យរបស់វប្បធម៌ខ្មែរផងដែរ៕  



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា​រំពឹង​សម្រេច​កំណើន​សេដ្ឋកិច្ច​ ៤​%​ ​នៅ​ឆ្នាំ​ ២០២៦ ​និង​កើន​ដល់​ ៤​,​៨​%​​ នៅ​ឆ្នាំ ​២០២៧

ព្រឹត្តិការណ៍, សេដ្ឋកិច្ច

• 17/11/2026

សេដ្ឋកិច្ច​កម្ពុជា​ត្រូវ​បាន​ព្យាករ​ថា​នឹង​សម្រេច​កំណើន​ក្នុង​រង្វង់​ ៤​%​ ​នៅ​ឆ្នាំ ​២០២៦ ​និង​បន្ត​កើន​ដល់​ ៤​,​៨​%​ ​នៅ​ឆ្នាំ​២០២៧ ​ដោយ​រាជ​រដ្ឋាភិបាល​គ្រោង​ប្រមូល​ចំណូល​ថវិកា​រដ្ឋ​ប្រមាណ​ ​១៥​,​២៤​%​ ​នៃ​ផលិតផល​ក្នុង​ស្រុក​សរុប​ ​(​ផ.ស.ស.​) ​និង​កំណត់​ចំណាយ​សរុប​ថ្នាក់​ជាតិ​ក្នុង​ទំហំ​ ១៥​,​៨៩​%​ ​នៃ​ ​ផ.​ស.ស. ​ដើម្បី​រក្សា​លំនឹង​សង្គម​-​សេដ្ឋកិច្ច​ ​និង​គាំទ្រ​កំណើន​ក្នុង​បរិការណ៍​នៃ​ភាព​មិន​ប្រាកដប្រជា

ណា​តូ ​លុប​ចោល​កិច្ច​ប្រជុំ​កំពូល​ឆ្នាំ ​២០២៧ ​ចំពេល​ភាព​តានតឹង​អាម៉េរិក​-​អឺរ៉ុប​កើនឡើង​

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

អង្គការ​សន្ធិសញ្ញា​អាត្លង់ទិក​ខាង​ជើង​ ​(​NATO​) ​បាន​សម្រេច​មិន​រៀបចំ​កិច្ច​ប្រជុំ​កំពូល​ថ្នាក់ដឹកនាំ​នៅ​ឆ្នាំ ​២០២៧ ​តាម​ផែនការ​ដើមឡើយ​ ​ដោយសារ​ការ​ខ្វែងគំនិត​គ្នា​កាន់តែ​ខ្លាំង​ឡើង​ក្នុង​ចំណោម​សម្ព័ន្ធមិត្ត​ ​ជាពិសេស​រវាង​សហរដ្ឋ​អាម៉េរិក​ ​និង​ប្រទេស​ជា​សមាជិក​អឺរ៉ុប

កម្មវិធីសហគ្រិនចុងភៅ ឆ្នាំ២០២៦ ! អបអរសាទរទេពកោសល្យចុងភៅជំនាន់ថ្មី និងសហគ្រិនភាពក្នុងវិស័យម្ហូបអាហារ ចាប់ផ្តើមពីគំនិតច្នៃប្រឌិតម្ហូបអាហារ ឆ្ពោះទៅកាន់ឱកាសក្លាយជាសហគ្រិន

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ សហគ្រិនខ្មែរបានបញ្ចប់កម្មវិធី «សហគ្រិនចុងភៅ» (Chefpreneur) ឆ្នាំ២០២៦ តាមរយៈការប្រកួតចម្អិនអាហារវគ្គផ្តាច់ព្រ័ត្រ្រ ដោយមានការចូលរួម ពីយុវជនដែលមានទេពកោសល្យ គណៈកម្មការជំនាញ ដៃគូធុរកិច្ច និងអ្នកប្រឹក្សាជំនាញ ក្នុងវិស័យសេវាកម្ម។ កម្មវិធីនេះបានឆ្លុះបញ្ចាំងពីយុទ្ធសាស្ត្រអភិវឌ្ឍសហគ្រិនភាពក្នុងវិស័យម្ហូបអាហារ តាមរយៈការរួមបញ្ចូល ការបណ្តុះបណ្តាលអំពីគំនិតអាជីវកម្ម ការគ្រប់គ្រងថ្លៃដើម ការប្រើប្រាស់គ្រឿងទេសចម្រុះ និងការកសាង ម៉ាកយីហោ

វឌ្ឍនភាព ៖ គម្រោងសង់​ស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) កាន់តែជិតរួចរាល់ កាន់តែធ្វើឱ្យតំបន់ជុំវិញ​នោះ​មានសក្ដានុពលខ្ពស់

ព្រឹត្តិការណ៍, អចលនទ្រព្យ

• 17/11/2026

គម្រោង​សាងសង់ស្ពានឆ្លង​កាត់ទន្លេបាសាក់​ ចាក់អង្រែក្រោម-ព្រែក​ប្រា​ សម្រេច​បានលទ្ធផល​ជាង​៨៧ហើយ គិតត្រឹមខែវិច្ឆិកា ២០២៦​នេះ

កិច្ច​សហការ​បច្ចេកវិទ្យា​ថ្មី​​ ៣ ​ជំរុញ​សន្តិសុខ​សាយប័រ ​AI ​និង​បរិវត្ត​កម្ម​ឌីជីថល​នៅ​កម្ពុជា​

ព្រឹត្តិការណ៍, សេដ្ឋកិច្ច

• 17/11/2026

ក្រុមហ៊ុន​ ​មេគង្គណិត ​បាន​ចុះ​អនុស្សរណៈ​នៃ​ការ​យោគយល់​ចំនួន​ ៣ ​ជាមួយ​ក្រុមហ៊ុន​បច្ចេកវិទ្យា​អន្តរជាតិ​ ​និង​ដៃគូ​ក្នុង​ស្រុក ​ដើម្បី​ពង្រីក​សេវា​សន្តិសុខ​សាយប័រ ​ពង្រឹង​ការ​តភ្ជាប់​មជ្ឈមណ្ឌល​ទិន្នន័យ​ ​និង​ជំរុញ​ការ​ប្រើប្រាស់​បច្ចេកវិទ្យា​បញ្ញា​សិប្បនិម្មិត ​(​AI​)​ ​និង​ដំណោះស្រាយ​ឌីជីថល​នៅ​កម្ពុជា

លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សូហ្វី​ណា ​ហ្វាម​ ​បោះ​ទុន​ ​៦​,​៥​ ​លាន​ដុល្លារ​ ​បង្កើត​កសិដ្ឋាន​មាន់​ពង ​និង​កែច្នៃ​សាច់​ខ្នាត​ធំ​នៅ​ព្រៃ​វែង

ព្រឹត្តិការណ៍, សេដ្ឋកិច្ច

• 17/11/2026

​ក្រុមហ៊ុន​ សូហ្វី​ណា ​ហ្វាម ​ដែល​ជា​ក្រុមហ៊ុន​មាន​ម្ចាស់​ជា​ជនជាតិ​ខ្មែរ​ទាំងស្រុង​ ​បាន​វិនិយោគ​ទុន​ចំនួន​ ៦​,​៥ ​លាន​ដុល្លារ​អាម៉េរិក​ ​ដើម្បី​បង្កើត​កសិដ្ឋាន​ចិញ្ចឹម​មាន់​ពង ​និង​រោងចក្រ​កែច្នៃ​សាច់​មាន់​ខ្នាត​ធំ​ ​នៅ​ស្រុក​កញ្ចៀច ​ខេត្ត​ព្រៃវែង ​ដោយ​គ្រោង​ចាប់ផ្ដើម​ដំណើរការ​នៅ​ថ្ងៃ​ទី​៤​ ​ខែ​មេសា ​ឆ្នាំ​២០២៧

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ

Top News, ព្រឹត្តិការណ៍, អចលនទ្រព្យ

• 17/11/2026

សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖

អាស៊ាន​ ចុះ MOU ស្តីពី បណ្តាញអគ្គិសនី និងសេដ្ឋកិច្ចឌីជីថល ខណៈប្រទេសចំនួន ៥ ចាប់អារម្មណ៍លើការស្តុកប្រេងក្នុងតំបន់

ព្រឹត្តិការណ៍, សេដ្ឋកិច្ច

• 17/11/2026

បរទេស ៖ រដ្ឋាភិបាលបណ្តាប្រទេសជាសមាជិកអាស៊ានបានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីបណ្តាញអគ្គិសនីអាស៊ាន (ASEAN Power Grid) ខណៈដែលប្រទេសចំនួន ៥ បង្ហាញចំណាប់អារម្មណ៍លើការស្តុកប្រេងទុកក្នុងតំបន់។ នេះបើតាមការលើកឡើងរបស់រដ្ឋមន្ត្រីក្រសួងពាណិជ្ជកម្មហ្វីលីពីន លោកស្រី Cristina Roque កាលពីថ្ងៃចន្ទ សប្ដាហ៍នេះ បន្ទាប់ពីបញ្ចប់កិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ានលើកទី ២៨។ លោកស្រី

សហគ្រិនខ្មែរ, Canadia Impact Fund, La French Tech Phnom Penh, Krya Global និង មជ្ឈមណ្ឌលបច្ចេកវិទ្យា AUPP ពង្រឹងប្រព័ន្ធអេកូឡូស៊ីធុរកិច្ចថ្មី និងនវានុវត្តន៍នៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ សហគ្រិនខ្មែរ (Khmer Enterprise) ដែលជាបរធនបាលកិច្ចរបស់រាជរដ្ឋាភិបាល បង្កើតឡើងក្នុងគោលបំណង ជំរុញការអភិវឌ្ឍប្រព័ន្ធអេកូឡូស៊ីសហគ្រិនភាព តាមរយៈការពង្រឹងធុរកិច្ចថ្មី និងសហគ្រាសធុនតូច និងមធ្យម (SMEs) នៅកម្ពុជា កំពុងបង្កើនកិច្ចសហការយុទ្ធសាស្ត្រជាមួយដៃគូក្នុងស្រុក និងអន្តរជាតិ ដើម្បីពង្រីកឱកាសសម្រាប់សហគ្រិន និងធុរកិច្ចថ្មី។ ភាពជាដៃគូនេះ ឆ្លុះបញ្ចាំងពីការប្តេជ្ញាចិត្តរបស់សហគ្រិនខ្មែរ ក្នុងការកសាងប្រព័ន្ធអេកូឡូស៊ីសហគ្រិនភាពមួយដែល