សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បើកដំណើរការត្រឹម៦ឆ្នាំប៉ុណ្ណោះ ធនាគារក្នុងស្រុកមួយនេះដែលមានម្ចាស់ភាគហ៊ុនជាសហគ្រិនខ្មែរ ១០០ភាគរយ បង្ហាញនូវសក្តានុពលយ៉ាងខ្លាំងក្នុងការឈរជើងបានយ៉ាងរឹងមាំនៅក្នុងប្រទេសកម្ពុជាក្នុងការជ្រោមជ្រែងអតិថិជនទាំងអស់ឆ្ពោះទៅរកភាពជោគជ័យ។ នេះជា ៣ចំណុចធំៗ សម្រាប់អតិថិជនទាំងអស់ដែលមានតម្រូវការសេវាផ្នែកហិរញ្ញវត្ថុគួរយល់ដឹងអំពីធនាគារមួយនេះ។
ចំណុចទី១៖ ក្នុងរយៈពេលដ៏ខ្លី ធនាគារ ជីប ម៉ុង សម្រេចបាននូវសមិទ្ធផលធំៗជាច្រើនជាតួលេខ។ មើលក្នុងឆ្នាំ២០២៤ ធនាគារ ជីប ម៉ុង ទទួលបានកំណើនលើចំនួនប្រាក់កម្ចីកើនរហូតដល់ ៧២៩លានដុល្លារអាមេរិក ជាពិសេសទៅលើផ្នែកកម្ចីទ្រទ្រង់អាជីវកម្មខ្នាតតូច និងមធ្យម ដែលនៅធនាគារ ជីប ម៉ុង ផ្តល់កម្ចីឆាប់រហ័ស និងត្រឹមត្រូវទៅតាមផែនការអាជីវកម្មរបស់អតិថិជន និងការផ្តល់អត្រាការប្រាក់ ០.៧២% ក្នុងមួយខែ មកជាមួយភាពបត់បែន។ ឯចំនួនប្រាក់បញ្ញើវិញ មានរហូតដល់ ១.១៦ ប៊ីលានដុល្លារអាមេរិកឯណោះ ដែលឆ្លុះបង្ហាញយ៉ាងច្បាស់ពីទំនុកចិត្តរបស់អតិថិជនមកលើម៉ាកយីហ៊ោរ ជីប ម៉ុង ជាកន្លែងដ៏សុវត្ថិភាពមួយក្នុងការថែរក្សាប្រាក់របស់អតិថិជន។
ចំណុចទី២៖ មានភាគទុនិកជាកូនខ្មែរ១០០ភាគរយ និងសុទ្ធសឹងតែជាអ្នកគ្រប់គ្រងក្រុមហ៊ុនរៀងៗខ្លួន មានទស្សនវិស័យពីគ្រប់មជ្ឈដ្ឋាន និងការយល់ដឹងច្បាស់ពីទីផ្សារ និងអតិថិជនក្នុងប្រទេសកម្ពុជា ដែលធ្វើឱ្យចំណុចខ្លាំងមួយរបស់ធនាគារ ជីប ម៉ុង គឺការផ្តល់ដំណោះស្រាយហិរញ្ញវត្ថុដែលបត់បែនទៅតាមម្ចាស់អាជីវកម្ម ព្រមទាំអាចជួយជ្រោមជ្រែងក្តីស្រមៃរបស់អាជីវករនៅតាមវិស័យនីមួយៗអាចទទួលបាននូវភាពរីកចម្រើន និងឱ្យអាជីវកម្មគង់វង្សយូរអង្វែងទៅមុខ ដោយសារមានការបណ្តុះបណ្តាលខ្ពស់ទៅលើបុគ្គលិកគ្រប់ជាន់ថ្នាក់នៅធនាគារ ជីប ម៉ុង ឱ្យមានគោលជំហររួមក្នុងការធ្វើកម្ចី ឬផ្តល់សេវាកម្មហិរញ្ញវត្ថុផ្សេងៗ ដោយមានការយកចិត្តទុកដាក់ និងសិក្សាច្បាស់លាស់ជាមួយអតិថិជន ផ្តល់ដំបូន្មានដែលត្រឹមត្រូវ និងជៀសវាងនូវហានិភ័យ ឬបញ្ហាផ្សេងៗ ដូចជា កម្ចីលើសលប់ជាដើម។
ចំណុចទី៣៖ គ្រឹះដ៏រឹងមាំក្នុងទីផ្សារប្រទេសកម្ពុជា ធានាសុវត្ថិភាព និងទំនុកចិត្តយ៉ាងខ្លាំងក្លាជូនអតិថិជន។ ធនាគារ ជីប ម៉ុង គឺជាធនាគារដែលមានប្រភពច្បាស់លាស់ មានក្រុមហ៊ុន ជីប ម៉ុង ជាក្រុមហ៊ុនខ្នាតយក្សដ៏ល្បីល្បាញជាក្រុមហ៊ុនមេ ដែលមានបុត្រសម្ព័ន្ធជាង១៣ពាណិជ្ជកម្ម នៅក្នុងប្រទេសកម្ពុជា ដែលធ្វើឱ្យសំណាក់អតិថិជនក្នុងប្រទេសអាចពឹងផ្អែកបាន និងចាប់ដៃគូហិរញ្ញវត្ថុជាមួយធនាគារ ជីប ម៉ុង ដោយមិនភ័យព្រួយ។
ដោយសារមានការគាំទ្រយ៉ាងពិតប្រាកដជូនអតិថិជន ធនាគារ ជីប ម៉ុង បានបន្តកសាងទំនុកចិត្ត និងកេរ្តិ៍ឈ្មោះយ៉ាងល្បីល្បាញនៅក្នុងទីផ្សារកម្ពុជាយើង ហើយចំណុចទាំងអស់នេះហើយដែលជាសក្ខីភាពបញ្ជាក់ពីការទទួលស្គាល់យ៉ាងច្បាស់លាស់ពីសំណាក់អតិថិជនក្នុងប្រទេសជាធនាគារពាណិជ្ជខ្មែរមួយដែលលេចធ្លោក្នុងការបម្រើជូនសេវាហិរញ្ញវត្ថុដែលល្អ និងស័កិ្តសមបំផុតសម្រាប់អតិថិជនក្នុងប្រទេសកម្ពុជា៕
Account
Security
Favourite Content