សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការសន្សំ មានច្រើនវិធី ច្រើនទម្រង់ ដែលផ្អែកទៅតាមស្ថានភាពចំណូល និងចំណាយរបស់បុគ្គលម្នាក់ៗ ដែលការសន្សំខ្លះត្រូវបានធ្វើឡើងតាមរយៈការដកចំណូលមួយផ្នែកតូចជារៀងរាល់ខែ រីឯការសន្សំខ្លះទៀតក៏អាចធ្វើឡើងតាមរយៈការទិញសម្ភារៈផងដែរ។
លោកជំទាវ ឡាយ រចនា អគ្គនាយិការជាន់ខ្ពស់នៃធនាគារ ជីបម៉ុង Commercial Bank បានចែករំលែកបទពិសោធន៍ផ្ទាល់ខ្លួនថា កាលពីមុនខណៈដែលគេមិនសូវពេញនិយមក្នុងការដាក់ប្រាក់សន្សំនៅគ្រឹះស្ថានធនាគារ គឺលោកជំទាវតែងប្រើប្រាស់វិធីសាស្ត្រទិញអ្វីមួយទុកធ្វើជាទ្រព្យគឺជាការសន្សំ។
លោកជំទាវបានបន្តរៀបរាប់ថា៖
« ជាធម្មតា ប្រសិនបើខ្ញុំចង់ទិញអ្វីមួយ ខ្ញុំជ្រើសរើសខ្ចីលុយបងប្អូន ឬខ្ចីធនាគារដើម្បីទិញ…កាលណាយើងខ្ចីគេ យើងមានភារៈកិច្ចត្រូវសង ដូចដែលគេនិយាយថា ពេលដែលយើងជំពាក់គេ យើងមានកម្លាំងចិត្តប្រឹង ម្យ៉ាងទៀត បើយើងមិនជំពាក់គេខ្លះទេ យើងនឹងចាយអស់ៗ ដោយមិនខ្វល់។»
អ្នកជំនាញរូបនេះបន្តថា នៅពេលជំពាក់គេ ពេលបានលុយមកត្រូវគិតដកចំណែកទៅសងគេសិន ស្មើនឹងការដកចំណែកមួយនៃប្រាក់ចំណូលទៅបង់រំលោះទ្រព្យ។ លុះក្នុងរយៈពេលណាមួយ យើងនឹងទទួលបានទ្រព្យនោះជាកម្មសិទ្ធិផ្ដាច់មុខ។
ដោយឡែក សម្រាប់អ្នកធ្វើការដែលអាចទទួលបានចំណូលប្រចាំខែ លោកជំទាវបានលើកទឹកចិត្តឱ្យប្រឹងប្រែងសន្សំ ដែលយ៉ាងហោចណាស់អាចដកនូវចំណែកណាមួយនៃចំណូលដុលរក្សាទុក ឬទិញជាសម្ភារៈចាំបាច់តាមរយៈការបង់រំលោះ ដែលយ៉ាងហោចណាស់ក៏អាចជួយឱ្យយើងមានទ្រព្យខ្លះនៅក្នុងជីវិតរស់នៅប្រសើរជាងមុនដែរ។
លោកជំទាវបន្តសង្កត់ធ្ងន់ថា៖
«ទាន់ពេលដែលយើងនៅរកបានហ្នឹង ត្រូវប្រឹងសន្សំឱ្យបានច្រើនដូចគ្នា ដើម្បីឱ្យ ១០ ទៅ ២០ ឆ្នាំទៅមុខ យើងអាចដកឃ្លាពីការងារ និងសម្រាកលំហែបានច្រើនជាងមុន។ ជាមួយគ្នានេះ ខ្ញុំក៏សូមលើកទឹកចិត្តដល់អាណាព្យាបាលក្នុងការបណ្ដុះទម្លាប់ឱ្យកូនៗចេះសន្សំចាប់ពីវ័យកុមារទៅ»។
លោកជំទាវបញ្ជាក់ថា ៖ វិធីសាស្ត្រងាយៗដែលអាចយកទៅអនុវត្តបានគឺតាមរយៈការបង្រៀនក្មេងឱ្យចេះថ្លឹងថ្លែង ដូចជា រវាងការយកលុយ ២ម៉ឺនរៀលទៅទិញសម្លៀកបំពាក់ដែលមិនចាំបាច់ និងការយកលុយ ២ម៉ឺនរៀល ទៅទិញសៀវភៅ តើមួយណាមានប្រយោជន៍ជាង?
ផ្នត់គំនិតតូចៗបែបនេះ សុទ្ធសឹងតែអាចបណ្ដុះក្មេងឱ្យចេះសន្សំសំចៃ ប្រយ័ត្នប្រយែងក្នុងការចាយវាយ និងចាយវាយឱ្យចំគោលដៅដែលអាចផ្ដល់ប្រយោជន៍បានច្រើននៅពេលអនាគត៕
Account
Security
Favourite Content