សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សមាគមស្វាយចន្ទីកម្ពុជាបានធ្វើការព្យាករណ៍ទុកថា នៅក្នុងឆ្នាំ២០២៤ខាងមុខនេះ តម្លៃគ្រាប់ស្វាយចន្ទីឆៅគុណភាពល្អ នឹងកើន៥ភាគរយ ដោយសារគុណភាពស្វាយចន្ទីកម្ពុជា និងតម្រូវការសាកលកើនឡើង។
សមាគមស្វាយចន្ទីកម្ពុជាបានឱ្យដឹងដែរថា ក្រៅពីតម្លៃដែលគេរំពឹងនឹងកើនឡើង៥ភាគរយនេះដែរ ទិន្នផលក៏នឹងកើន ១០ភាគរយ ដោយសារចម្ការស្វាយចន្ទីមានស្ថិរភាព និង បាតុភូត Elnino មិនប៉ះពាល់ខ្លាំងដល់ដំណាំមួយនេះ។
គួរបញ្ជាក់ថា តម្លៃជាមធ្យមគ្រាប់ផ្លែចន្ទីស្ងួត ១ ៦៥៨ ដុល្លារក្នុង១តោន ដោយកាលពីអំឡុងខែតុលាគ្រាប់ផ្លែចន្ទីស្ងួតតម្លៃ ៧០០០រៀល – ៧៥០០រៀលក្នុង១គីឡូក្រាម ឬ ១៩០០ដុល្លា ក្នុង១តោន។
នៅក្នុងពិធីបើកដំណើរទស្សនកិច្ចអ្នកសារព័ត៌មាន និងទស្សនកិច្ចសិក្សារបស់ក្រសួងកសិកម្ម រុក្ខាប្រមាញ់ និងនេសាទ សហការជាមួយសភាពអឺរ៉ុប អំពីខ្សែច្រវ៉ាក់ផលិតកម្ម ស្វាយចន្ទីនៅកម្ពុជាចាប់ពីថ្ងៃទី ២៩ ខែវិច្ឆិកា ដល់ថ្ងៃទី ០២ ខែ ធ្នូ ឆ្នាំ២០២៣ ក្នុងខេត្តចំនួន៣គឺ ខេត្តកំពង់ធំ ខេត្តក្រចេះ និងខេត្តស្ទឹងត្រែង លោក ស៊ុយ កុកធាន អនុប្រធានសមាគមស្វាយចន្ទីកម្ពុជាបានឱ្យដឹងថា តាមរយៈការខិតខំលើកស្ទួយលើវិស័យស្វាយចន្ទី ក៏ដូចជាការចូលរួមទាំងរាជរដ្ឋាភិបាល ជាពិសេសក្រសួងកសិកម្ម រុក្ខាប្រមាញ់ និងនេសាទ, វិស័យឯកជន លោករំពឹងថាកម្ពុជានឹងអាចក្លាយជាប្រទេសដែលនាំចេញស្វាយចន្ទីច្រើនជាងគេ និងជាប្រទេសដែលមានគុណភាពគ្រាប់ស្វាយចន្ទីល្អជាងគេ ជាមួយនឹង រសជាតិឆ្ងាញ់ជាងគេក្នុងពិភពលោក។
ក្នុងរយៈពេល១០ខែក្នុងឆ្នាំ២០២៣កន្លងមកនេះកម្ពុជាបាននាំចេញគ្រាប់ស្វាយចន្ទីឆៅ ៦១ ៥០០ តោន ដែលមានទំហំទឹកប្រាក់ស្មើនឹង ៨៣១ លានដុល្លារ ថយចុះ ១៦,៧ភាគរយបើធៀបរយៈកាលដូចគ្នាទៅនឹងឆ្នាំ២០២២៕
Account
Security
Favourite Content