សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឆ្នាំ២០២៣ ជាឆ្នាំដែលត្រូវបានគេមើលឃើញគ្រប់គ្នាថា ស្ថានភាពសេដ្ឋកិច្ច និងអចលនទ្រព្យនៅកម្ពុជាកាន់តែមានបញ្ហាប្រឈមច្រើនជាងឆ្នាំមុនៗ ប៉ុន្តែអ្នកជំនាញនៃវិស័យអចលនទ្រព្យមួយរូបឧកញ៉ា បណ្ឌិត គឹម ហ៊ាង បានមើលឃើញថាឆ្នាំ២០២៣ ជាឆ្នាំដែលបញ្ចប់វិបត្តិ ហើយឆ្នាំ២០២៤ជាឆ្នាំដែលសេដ្ឋកិច្ចចាប់ផ្ដើមល្អប្រសើរឡើងវិញ ។
លោកឧកញ៉ាបណ្ឌិត គីម ហ៊ាង ប្រធាន KW Cambodia បានមានប្រសាសន៍ឱ្យដឹងថា កាលពីឆ្នាំ២០២២ លោកបានស្មានខុសម្ដងហើយ ដោយបានលើកឡើងថានៅឆ្នាំ២០២៣ ស្ថានភាពនៃវិស័យអចលនទ្រព្យនឹងល្អប្រសើរឡើងវិញ ប៉ុន្តែចូលដល់ឆ្នាំ២០២៣ បញ្ហាកាន់តែខ្លាំងជាងឆ្នាំ២០២២ និងឆ្នាំ២០២១ ។ ដោយឡែកនៅពេលនេះ លោកបានមើលឃើញថារឿងអវិជ្ជមានទាំងអស់បានកើតឡើងនៅក្នុងឆ្នាំ២០២៣នេះហើយ ដូច្នេះនៅឆ្នាំ២០២៤ខាងមុខ ជាឆ្នាំមួយដែលនឹងល្អប្រសើរឡើងវិញ ។
លោកឧកញ៉ាបណ្ឌិតបន្តថា អ្វីដែលលោកហ៊ានអះអាងថាឆ្នាំ២០២៤នឹងល្អប្រសើរនោះ គឺសង្គ្រាមរ៉ាំរ៉ៃដែលបានកើតឡើងមកនោះ វាបានកើតឡើងរួចហើយ និងបានដោះស្រាយជាបន្តបន្ទាប់ ហើយអ្វីដែលពិសេសនោះសមាសភាពរាជរដ្ឋាភិបាលកម្ពុជាអាណត្តិទី៧នេះ ក៏សុទ្ធតែបញ្ញាវ័ន្តវ័យក្មេង ដូច្នេះ ឆ្នាំ២០២៤ខាងមុខនេះ វាមិនមែនល្អតែវិស័យអចលនទ្រព្យនោះទេ ពោលវិស័យផ្សេងទៀតដូចជា ទេសចរណ៍ និងកសិកម្មជាដើមក៏នឹងល្អប្រសើរដែរ ។
លោកបន្ថែមថា ទោះបីជាស្ថានភាពនៃវិស័យអចលនទ្រព្យក្នុងឆ្នាំ ២០២៤នឹងល្អប្រសើរក៏ពិតមែន ប៉ុន្តែសម្រាប់តម្លៃនៃអចលនទ្រព្យ ទាំងដីធ្លី និងផ្ទះសំបែងនឹងមិនទាន់ឡើងថ្លៃភ្លាមៗទេ តែយ៉ាងហោចណាស់ក៏វានឹងមិនចុះថ្លៃបន្តទៀតដែរ ពីព្រោះថា ឆ្នាំ២០២៣ អាចកំណត់ថា ការធ្លាក់ចុះនៃវិស័យអចលនទ្រព្យគឺវាដល់បាតរួចទៅហើយ ដូច្នេះនឹងមិនធ្លាក់ទៀតនោះទេ ។
បើតាមដំណើរបេសកកម្មរបស់មន្ត្រីនៃរាជរដ្ឋាភិបាលអាណត្តិទី៧ បានបង្ហាញឱ្យឃើញថា មានវិនិយោគិនថ្មីចាស់ជាច្រើន បានចាប់អារម្មណ៍ក្នុងការមកបណ្ដាក់ទុនវិនិយោគនៅកម្ពុជាឡើងវិញ ជាពិសេសទៅលើវិស័យដីធ្លី និងអចលនទ្រព្យ ។ ក្រុមហ៊ុនរបស់ចិនជាច្រើនបានបង្ហាញពីគម្រោងវិលមកពង្រីកការវិនិយោគរបស់ខ្លួននៅកម្ពុជាឡើងវិញ ក្រុមហ៊ុនថ្មីៗពីប្រទេសចិន និងប្រទេសជាច្រើនទៀតក៏បានបញ្ជាក់ថានឹងចូលមកកម្ពុជាឡើងវិញដែរនៅពេលឆាប់ៗខាងមុខ ។
សូមបញ្ជាក់ថា អ្នកជំនាញក្នុងវិស័យអចលនទ្រព្យជាច្រើន ក៏បានបង្ហាញពីសុទិដ្ឋិនិយមចំពោះអចលនទ្រព្យនៅកម្ពុជា ដោយរំពឹងថា ឆ្នាំ២០២៤ ទីផ្សារនឹងល្អ តម្រូវការនឹងកើន កំណើននៃការទិញលក់ក៏នឹងប្រសើរជាងឆ្នាំ២០២៣ ក៏ប៉ុន្តែនៅតែនៅមានកម្រិតទាបជាងមុនឆ្នាំ២០២០ ៕
Account
Security
Favourite Content