សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
(ភ្នំពេញ)៖ សហជីពតំណាងកម្មកររាប់ម៉ឺននាក់នៅកម្ពុជាបានលើកឡើងថា ការដំឡើងប្រាក់ឈ្នួល ២១០ដុល្លារសហរដ្ឋអាម៉េរិកនៅឆ្នាំ២០២៦ សម្រាប់កម្មករនិយោជិតផ្នែកវាយនភណ្ឌ កាត់ដេរ ស្បែកជើង ផលិតផលធ្វើដំណើរ និងការបូប អាចរក្សាវិនិយោគិនចាស់ និងទាក់ទាញវិនិយោគិនថ្មី ហើយមានការប្រកួតប្រជែងក្នុងតំបន់ទៀតផង។ ការលើកឡើងនេះបន្ទាប់ពីរាជរដ្ឋាភិបាលបានសម្រេចដំឡើងប្រាក់ឈ្នួលអប្បបរមា ជូនកម្មករនិយោជិតផ្នែកវាយនភណ្ឌ កាត់ដេរ ស្បែកជើង និងផលិតផលិតផលធ្វើដំណើរនិងកាបូប ចំនួន ២១០ដុល្លារសហរដ្ឋអាម៉េរិក កាលពីថ្ងៃទី១៧ ខែកញ្ញា។
លោក គឹម ចាន់សំណាង ប្រធានសហភាពសិទ្ធិកម្មករកម្ពុជា បានលើកឡើងថា ការដំឡើងប្រាក់ខែបន្ថែមនេះ អ្នកវិនិយោគអាចទទួលយកបាន ដែលធ្វើឱ្យមានលំនឹងនៃការវិនិយោគនៅកម្ពុជា ហើយអាចនឹងទទួលបានអ្នកវិនិយោគថ្មីៗ ដែលនឹងបង្កើតការងារបន្ថែមជាច្រើនកន្លែងជូនដល់ប្រជាពលរដ្ឋ និងពលករខ្មែរទើបត្រឡប់មកពីប្រទេសថៃ។
លោកបញ្ជាក់ថា ៖
«អ្នកវិនិយោគបានស្វែងយល់ពីផលប៉ះពាល់ផ្សេងៗ ពាក់ព័ន្ធស្ថានភាពសេដ្ឋកិច្ច និងវិស័យដឹកជញ្ជូន ប៉ុន្តែយ៉ាងណាក៏ដោយរាជរដ្ឋាភិបាលក៏បានបង្កលក្ខណៈងាយស្រួល ដើម្បីអ្នកវិនិយោគអាចទទួលបានផលចំណេញក្នុងកម្រិតមួយទទួលយកបាន»។
លោក សំ សឿន ប្រធានសហភាពពលកម្មជាតិកម្ពុជា លើកឡើងថា ចំពោះការដំឡើងប្រាក់ឈ្នួលរបស់កម្ពុជា ធ្វើឡើងក្នុងកម្រិតមួយសមរម្យ ទទួលយកបាន និងគ្មានការគាបសង្កត់ណាមួយឡើយ ដែលនេះជាផលល្អសម្រាប់ទាក់ទាញអ្នកវិនិយោគ ថ្មីបន្ថែមសម្រាប់ឆ្នាំបន្តបន្ទាប់ទៀត។
លោកថ្លែងថា៖
«ខ្ញុំនៅតែមើលឃើញថា កម្ពុជា ជាប្រទេសមានការប្រកួតប្រជែងមួយដ៏ល្អសម្រាប់បណ្តាលប្រទេសក្នុងតំបន់អាស៊ាន ហើយការកំណត់ប្រាក់ឈ្នួលរបស់កម្ពុជាមានការរៀបចំធ្វើឡើងជារៀងរាល់ឆ្នាំដោយទៀងទាត់ ហើយការដំឡើងប្រាក់ឈ្នួលគឺភាគីនិយោជិត និងភាគីនិយោជក អាចទទួលយកបាន ធ្វើការជាមួយគ្នាបានរលូន និងមានស្ថិរភាពទៀតផង»។
លោក ហ្វា សាលី ប្រធានសម្ព័ន្ធសហជីពជាតិ លើកឡើងថា កម្ពុជាមានភាពចាស់ទុំក្នុងការប្រជុំពិភាក្សាកំណត់ប្រាក់ឈ្នួលអប្បបរមា ហើយពោរពេញទៅដោយភាពរួសរាយរាក់ទាក់ ក្នុងការទំនាក់ទំនងទាក់ទាញអ្នកវិនិយោគគិនថ្មីៗ។ ការដំឡើង ២ដុល្លារ ក្នុងស្ថានភាពបច្ចុប្បន្ន ពិតជាសមរម្យអាចទទួលយកបានទាំងអស់គ្នា ក៏ដូចជាបង្កើតភាពទាក់ទាញវិនិយោគផងដែរ។
លោកថ្លែងថា៖
«ការបង្កើតការងារ បង្កើនការវិនិយោគឱ្យបានកាន់តែច្រើន សម្រាប់ប្រទេសកម្ពុជាយើង គឺបានផ្តល់ឱកាសទៅដល់បងប្អូនពលករពលការិនី ដែលគាត់កំពុងតែត្រូវការការងារជាង៦០ម៉ឺនកន្លែងឯណុះ អញ្ចឹងហើយប្រាក់ឈ្នួលប៉ុននេះ គឺយើងអាចទាក់ទាញការវិនិយោគមកកាន់តែច្រើន»៕
ដោយ៖ង៉ាន់ ទិត្យ
Account
Security
Favourite Content