សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ប្រធានាធិបតីអាម៉េរិក លោក Donald Trump បានដាក់សម្ពាធឱ្យប្រទេសគុយបាឆាប់ធ្វើកិច្ចព្រមព្រៀងជាមួយនឹងខ្លួនជាបន្ទាន់ ចៀសវាងពីការកាត់ផ្តាច់ប្រេងពីវ៉េណេស៊ុយអេឡា នេះបើយោងតាមសេចក្ដីរាយការណ៍ពី CNA ។
កាលពីថ្ងៃអាទិត្យ កន្លងទៅនេះ ប្រធានាធិបតីអាម៉េរិក លោក Trump បានបង្ហោះលើ Truth Social បែបនេះថា ៖
«អាចនឹងគ្មានប្រេង ឬ លុយហូរចូលទៅក្នុងគុយបាទៀតទេ – គឺសូន្យតែម្តង ! ខ្ញុំស្នើឱ្យពួកគេគួរតែឆាប់ធ្វើកិច្ចព្រមព្រៀងមួយមុនពេលវាយឺតពេល។ គុយបា បានរស់នៅដោយប្រើប្រាស់ប្រេង និងប្រាក់យ៉ាងច្រើនពីវេណេហ្ស៊ុយអេឡាអស់រយៈពេលជាច្រើនឆ្នាំ ជាថ្នូរនឹងការផ្តល់សេវាសន្តិសុខសម្រាប់មេដឹកនាំផ្តាច់ការវេណេស៊ុយអេឡា ២រូបចុងក្រោយ ប៉ុន្តែវានឹងមិនមានទៀតទេ! ជនជាតិគុយបាជាច្រើនបានស្លាប់ដោយសារការវាយប្រហាររបស់អាម៉េរិកកាលពីសប្តាហ៍មុន ហើយវេណេហ្ស៊ុយអេឡានឹងមិនត្រូវការកិច្ចការពារពីក្រុមចោរ និងអ្នកជំរិតទារប្រាក់ដែលចាប់ពួកគេធ្វើជាចំណាប់ខ្មាំងអស់រយៈពេលជាច្រើនឆ្នាំមកនេះទៀតទេ»។
យ៉ាងណាមិញ លោក Trump មិនបានផ្តល់ព័ត៌មានលម្អិតអំពីកិច្ចព្រមព្រៀងថាតើផ្តោតទៅលើអ្វីជាចម្បងនោះទេ។
ការគំរាមកំហែងតាមរយៈបណ្តាញសង្គមមួយនេះ បានធ្វើឲ្យប្រធានាធិបតីគុយបា លោក Miguel Diaz-Canel ខឹងសម្បារ និងបាននិយាយតបវិញថា ៖
«គ្មាននរណាម្នាក់ដែលអាចណែនាំឱ្យប្រទេសរបស់លោកគួរធ្វើអ្វីនោះទេ»។
សូមជម្រាបដែរថា ទីក្រុងវ៉ាស៊ីនតោនបានដាក់ទណ្ឌកម្មសេដ្ឋកិច្ចលើគុយបាអស់ជាច្រើនទសវត្សរ៍មកហើយ ប៉ុន្តែលោក Trump បានបង្កើនសម្ពាធក្នុងរយៈពេលប៉ុន្មានថ្ងៃថ្មីៗនេះបន្ថែមទៀត បន្ទាប់ពីមានការចាប់ខ្លួនប្រធានាធបតីវ៉េណេស៊ុយអេឡា Nicolas Maduro។ យ៉ាងណាក៏៏ដោយ ទោះបីជាមានមេដឹកនាំបណ្តោះអាសន្ននៅក្នុងប្រទេសវ៉េណេស៊ុយអេឡាក៏ដោយ ប៉ុន្តែលោក Trump បានអះអាងថា អាម៉េរិកនឹងគ្រប់គ្រងប្រទេសមួយនេះ ជាពិសេសវិស័យប្រេង ដោយបញ្ជាឲ្យកងទ័ពជើងទឹករបស់ខ្លួនបិទផ្លូវដឹកប្រេងដ៏សំខាន់របស់ក្នុងវ៉េណេស៊ុយអេឡា។ ជាមួយគ្នានេះដែរ កាលពីមួយសប្តាហ៍មុន លោក Trump បានគំរាមកំហែងដែរថា គុយបា ត្រៀមខ្លួននឹងដួលរលំ ខណៈដែលវិបត្តិសេដ្ឋកិច្ចរបស់ប្រទេសនេះកាន់តែអាក្រក់ទៅៗ ហើយវានឹងធ្វើឱ្យទីក្រុង Havana ជួបផលលំបាកកាន់តែខ្លាំងដោយសារតែមិនអាចទទួលប្រេងពីវ៉េណេស៊ុយអេឡាដូចមុន។
ក្រោមការដាក់សម្ពាធពីអាម៉េរិក ប្រធានាធិបតីគុយបា បានច្រានចោលការគំរាមកំហែងរបស់លោក Trump ដោយអះអាងថា ពលរដ្ឋគុយបា បានត្រៀមខ្លួនជាស្រេចក្នុងកិច្ចការពារមាតុភូមិដល់ដំណក់ឈាមចុងក្រោយ។ គុយបា គឺជាប្រទេសសេរី ឯករាជ្យ និងអធិបតេយ្យភាព ហើយគ្មាននរណាម្នាក់មានសិទ្ធិបង្គាប់ឱ្យធ្វើអ្វីនោះទេ។
រដ្ឋមន្ត្រីការបរទេសប្រទេសគុយបា លោក Bruno Rodriguez បានលើកឡើងថា គុយបា មានសិទ្ធិក្នុងការនាំចូលប្រេងឥន្ធនៈពីអ្នកនាំចេញដែលមានឆន្ទៈ ដោយគ្មានការជ្រៀតជ្រែក ឬ ស្ថិតនៅក្រោមវិធានការបង្ខិតបង្ខំដោយឯកតោភាគីរបស់អាម៉េរិកនោះទេ៕
Account
Security
Favourite Content