សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ វិញ្ញាបនបត្រសម្គាល់កម្មសិទ្ធិសមូហភាព ឬប្លង់រឹងសមូហភាព គឺជាឯកសារគតិយុត្តផ្លូវការ ចេញដោយរដ្ឋបាលសុរិយោដី ដើម្បីបញ្ជាក់ពីសិទ្ធិកាន់កាប់ដីធ្លីរួមភាគច្រើនសម្រាប់សហគមន៍ជនជាដើមភាគតិច ឬកម្មសិទ្ធិរួមផ្សេងទៀត ដែលធានាសុវត្ថិភាពផ្លូវច្បាប់ ចៀសវាងវិវាទ និងកាត់បន្ថយការភ័ន្តច្រឡំរវាងដីឯកជន និងដីសមូហភាព ។
ការចេញវិញ្ញាបនបត្រសម្គាល់កម្មសិទ្ធិសមូហភាពនេះ ធ្វើឡើងក្នុងគោលបំណងដើម្បីផ្ដល់សិទ្ធិកាន់កាប់ជាក្រុមលើដីធ្លី ដែលទាក់ទងនឹងទំនៀមទម្លាប់ ឬតំបន់អភិវឌ្ឍន៍រួម ។ វាជាប្រភេទប្លង់រឹងដែលមានតម្លៃគតិយុត្តខ្ពស់ ផ្ដល់សិទ្ធិស្របច្បាប់ក្នុងការគ្រប់គ្រង និងប្រើប្រាស់ ។ បណ្ណនេះ ចេញដោយក្រសួងរៀបចំដែនដី នគរូបនីយកម្ម និងសំណង់ បន្ទាប់ពីការចុះបញ្ជីដីមានលក្ខណៈដោយដុំ ឬគម្រោងពិសេស ។
សូមជម្រាបថា ថ្មីៗនេះ រាជរដ្ឋាភិបាលបានអនុវត្តន៍គម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច ហៅកាត់ថា LASED ដែលគម្រោងនេះបានអនុវត្ត ៣ដំណាក់កាលមកហើយ ដោយបានចេញបណ្ណកម្មសិទ្ធិប្លង់រឹងសមូហភាពជូនដល់ពលរដ្ឋតាមបណ្ដាខេត្ត ។ វិញ្ញាបត្រសម្គាល់ម្ចាស់អចលនវត្ថុសមូហភាពនេះ មានតួនាទីយ៉ាងសំខាន់ក្នុងការការពារដីសហគមន៍នៅតាមតំបន់នានា ដូចជាដីជនជាតិដើមភាគតិចនៅភូមិភាគឦសានជាដើម ។
ឯកឧត្តម ខៀវ បូរិន អនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍ថា វិញ្ញាបនបត្រសម្គាល់ម្ចាស់អចលនវត្ថុ ទូទៅនិងវិញ្ញាបនបត្រសម្គាល់ម្ចាស់កម្មសិទ្ធិសមូហភាព គឺជាបណ្ណដែលមានទម្រង់ដូចគ្នា ប៉ុន្តែបណ្ណសមូហភាព គឺសរសេរបន្ថែមពីលើបណ្ណថា វិញ្ញាបនបត្រសម្គាល់ម្ចាស់កម្មសិទ្ធិសមូហភាព ។
ឯកឧត្តមបន្តថា បណ្ណកម្មសិទ្ធិដីធ្លីសមូហភាព មានឈ្មោះអ្នកកាន់កាប់ និងមានទំហំដីបញ្ជាក់ពីលើបណ្ណដូចគ្នា ប៉ុន្តែដីធ្លីដែលមានបណ្ណសមូហភាពនេះ មិនអាចយកទៅលក់ដូរ ឬដាក់បញ្ចាំបានទេ ។ ក្នុងលក្ខខណ្ឌចាំបាច់ ពលរដ្ឋក្នុងសហគមន៍ដែលទទួលបានបណ្ណនេះ អាចដោះដូរគ្នាបាន ពីព្រោះថាបណ្ណនេះ គឺបង្កើតឡើងដើម្បីចៀសវាងមានវិវាទរវាងពលរដ្ឋក្នុងសហគមន៍ ក៏ដូចជាការពារដីធ្លីមិនឱ្យមានការរំលោភបំពានពីភាគីណាមួយ ។
គួររម្លឹកថា កាលពីសប្ដាហ៍មុននេះ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានអញ្ជើញចុះចែកបណ្ណកម្មសិទ្ធិសមូហភាពជូនបងប្អូនជនជាតិដើមភាគតិចនៅក្នុងសហគមន៍នៃខេត្តក្រចេះ រតនគិរី និងមណ្ឌលគិរី ។ ពលរដ្ឋជនជាតិដើមភាគតិចដែលទទួលបានបណ្ណនេះ បានបង្ហាញពីអារម្មណ៍សប្បាយរីករាយ បើទោះបីដឹងថា បណ្ណនេះមិនអាចប្រើសម្រាប់លក់ដូរបានក៏ដោយ ពីព្រោះថាជនជាតិដើមភាគតិចមិនមែនយកមកដើម្បីលក់ដូរឬបញ្ចាំឡើយ ។ តាមប្រពៃណីរបស់ពួកគាត់ ដីធ្លីដែលជាកេរដំណែលតពីដូនតា គឺសម្រាប់បង្កបង្កើនផល និងចែកជូនកូនចៅរបស់ខ្លួនប៉ុណ្ណោះ ៕
Account
Security
Favourite Content