សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ស្ត្រីក្នុងបរិបទសង្គមខ្មែរពីបុរាណមិនត្រូវបានលើកកម្ពស់ឱ្យទទួលបានការសិក្សាល្អនោះទេ ព្រោះស្ត្រីនឹងមានតួនាទីសំខាន់មួយក្រោយពេលរៀបការ គឺតួនាទីជាមេផ្ទះ។ ប៉ុន្តែសម័យកាលឌីជីថលនេះ មិនដូចមុនទៀតទេ ស្ត្រីទទួលបានការគាំទ្រលើការអប់រំយ៉ាងទូលំទូលាយជាងមុន និងមានភាពឯករាជ្យលើការសម្រេចចិត្តច្រើនជាងមុន។ មិនត្រឹមតែប៉ុណ្ណោះ ជារើយៗគេតែងឃើញមានស្ត្រីឈរក្នុងជួរតំណែងខ្ពស់ៗ ដែលជានិច្ចជាកាល មានតែបុរសជាអ្នកធ្វើ។
សម្រាប់នៅក្នុងការធ្វើអាជីវកម្ម ស្ត្រីជាច្រើនបានកាន់កាប់ជំនួញក្នុងដៃ និងមានទំនួលខុសត្រូវមិនចាញ់បុរសឡើយ។ ទាំងនេះ សបញ្ជាក់ឱ្យឃើញថា សង្គមខ្មែរបច្ចុប្បន្នចាប់ផ្ដើមដើរឆ្ពោះទៅរកភាពស្មើគ្នាលើយេនឌ័របន្តិចម្ដងៗហើយ។
លោកស្រី ចៅ លន់មូលីការ ជាម្ចាស់ក្រុមហ៊ុន Cambodian Standard development and Supply ដែលក្រុមហ៊ុនលក់បន្លែ ផ្លែឈើធម្មជាតិ មានទាំងលក់រាយ និងបោះដុំ ចែកចាយនៅទូទាំងរាជធានីភ្នំពេញ ក៏ដូចជានៅតាមបណ្ដាខេត្តមួយចំនួនផងដែរ ដោយលោកស្រីបានដាក់អាជីវកម្មមួយនេះ សម្រាប់ការប្រកួតប្រជែងពានរង្វាន់សហគ្រិនស្ត្រីអាស៊ានកាលពីពេលកន្លងទៅ។
ក្នុងចំណោមម្ចាស់ពានរង្វាន់សហគ្រិនស្ត្រីអាស៊ាន ៣៨នាក់ លោកស្រី ចៅ លន់មូលីការ ដែលបានចូលរួមទទួលពានរង្វាន់កាលពីថ្ងៃទី១៣ ខែតុលា ឆ្នាំ២០២២កន្លងទៅ បានយកបទពិសោធន៍របស់ខ្លួនលើកទឹកចិត្តដល់ស្ត្រីផ្សេងទៀតឱ្យធ្វើយ៉ាងរកចំណូលបន្ថែមចូលគ្រួសារ។
លោកស្រីមានប្រសាសន៍ថា៖
“ខ្ញុំចង់សាកល្បងសមត្ថភាពខ្លួនឯង ក៏ដូចជាចង់មើលថាតើ អាជីវកម្មរបស់ខ្ញុំអាចមានលទ្ធភាពដើរដល់កម្រិតណា ក៏ដូចជាត្រូវធ្វើអ្វីដើម្បីអាចឱ្យអាជីវកម្មកាន់តែប្រសើរ។ ប៉ុន្តែ ការកាន់អាជីវកម្មមួយក្នុងដៃ ខណៈដែលខ្លួនមានទំនួលខុសត្រូវច្រើនបែបនេះ អាចធ្វើឱ្យស្ត្រីពិបាកក្នុងការបែងចែកពេលវេលា ជាពិសេសគឺសម្រាប់គ្រួសារតែម្ដង។ ខ្ញុំបានព្យាយាមបែងចែកពេលវេលាជា ៤០, ២០, ៤០”
លោកស្រីពន្យល់បន្ថែមថា ៤០, ២០, ៤០ បានន័យថា បែងចែកពេលលើការងារ ៤០ភាគរយ ខ្លួនឯងត្រូវមានចំណែកសម្រាប់ខ្លួនឯង២០ភាគរយ និងគ្រួសារ៤០ភាគរយ! បើធ្វើចំណុចនេះបាន ជីវិតនឹងជោគជ័យ មិនចាំបាច់ត្រូវការវាស់វែងអ្វីទៀតទេ។
លោកស្រីបន្តទៀតថា ៖
“សម្រាប់ខ្ញុំ ខ្ញុំសូមឱ្យស្ត្រីមានភាពក្លាហានក្នុងការប្រកួតប្រជែងត្រូវហ៊ានក្នុងការចូលរួមកិច្ចការសង្គម ដើម្បីរកសម្លេងមួយសម្រាប់ខ្លួនឯង ហើយត្រូវគិតថាវាជាមោទនភាពសម្រាប់ខ្លួនឯង និងកូនៗរបស់យើង”
យ៉ាងណាមិញ អាជីវកម្មរបស់លោកស្ត្រីក៏បានជួយជាពិសេសទៅដល់ក្រុមកសិករដោយការទិញផលិតផលកសិកម្មដែលផលិតបាន។ អាជីវកម្មលោកស្រី ជាទីផ្សារធំមួយក្នុងការគាំទ្រផលិតផលដែលសម្រេចបានក្នុងស្រុក និងបន្តពង្រីកបន្ថែមដើម្បីរួមចំណែកក្នុងវិស័យដាំដុះ។ មិនត្រឹមតែប៉ុណ្ណោះ លោកស្រីក៏បានជួយទៅដល់កូនកសិករដែលមកពីតាមបណ្ដាខេត្ត មកសិក្សានៅភ្នំពេញ តាមរយៈការផ្ដល់ការងារឱ្យពួកគេធ្វើផងដែរ។
គួរបញ្ជាក់ថា ព្រឹត្តិការណ៍ប្រគល់ពានរង្វាន់ជូនសហគ្រិនស្ត្រីអាស៊ាននេះ ត្រូវបានរៀបចំឡើងដោយក្រសួងកិច្ចការនារី ដែលជាសកម្មមួយស្ថិតក្នុងផែនការ «នារីរតនៈ»។ ផែនការនេះធ្វើឡើងក្នុងគោលបំណងជំរុញស្ត្រីឱ្យមានមុខរបរច្បាស់លាស់មួយ ដើម្បីធានាឯករាជ្យភាពនៃចំណូលរបស់ស្រ្តីក្នុងសម័យឌីជីថល៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ម្ហូបឌីមសាំ ប៉ះជាមួយគ្រឿងទេសកំពត បង្កើតរសជាតិឆ្ងាញ់ ប្លែក និងច្នៃប្រឌិត
ព្រឹត្តិការណ៍, អត្ថបទពាណិជ្ជកម្ម
• 03/04/2026
ដើម្បីអបអរសាទរ និងលើកកម្ពស់រសជាតិអាហារបែប "Glocal" (ការរួមបញ្ចូលគ្នារវាងរសជាតិសកល និងរសជាតិក្នុងស្រុក) កាលពីល្ងាចថ្ងៃទី២ ខែមេសា ឆ្នាំ២០២៦ ភោជនីយដ្ឋាន Yi Sang ដែលទើបនឹងសម្ពោធថ្មីៗស្ថិតនៅក្នុងអាកាសយានដ្ឋានអន្តរជាតិតេជោ
អ៊ីរ៉ង់ បានបាញ់ទម្លាក់ F-35 របស់អាម៉េរិកយ៉ាងជោគជ័យ ក្រោយការចែករំលែកទិចនិកបាញ់ពីសំណាក់អ្នកជំនាញចិន
ព្រឹត្តិការណ៍, អាជីវកម្មថ្មី និងនវានុវត្ត
• 03/04/2026
វិស្វករជនជាតិចិនម្នាក់បានធ្វើឱ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គម បន្ទាប់ពីបានបង្ហោះវីដេអូបង្រៀនលម្អិតអំពីរបៀបបាញ់ទម្លាក់យន្តហោះចម្បាំងបំបាំងកាយទំនើបបំផុត F-35 របស់សហរដ្ឋអាម៉េរិក។
ក្រោយបញ្ចប់ការចុះបញ្ជីទូទាំងប្រទេស ក្រសួងដែនដីបន្តបេសកកម្មផ្សេងទៀត ដើម្បីឱ្យពលរដ្ឋរស់នៅកាន់តែស្រួល តជំនាន់
Top News, ព្រឹត្តិការណ៍, អចលនទ្រព្យ
• 02/04/2026
ក្រសួងរៀបចំដែនដី នគរូបនីយកម្ម និងសំណង់ នឹងបន្តបេសកកម្មធ្វើការងារផ្សេងទៀត ដើម្បីធ្វើយ៉ាងណាឱ្យប្រទេសជាតិ ក៏ដូចជាប្រជាពលរដ្ឋកម្ពុជាទាំងអស់រស់នៅប្រកបដោយសុខុដុមរមនាទាំងអស់គ្នា និងតជំនាន់
Hacker កូរ៉េខាងជើង អាចលួចបញ្ចូល bug software ទៅក្នុងដំណើរប្រតិបត្តិការក្រុមហ៊ុនរាប់ពាន់នៅអាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 02/04/2026
អ្នកជំនាញអាម៉េរិកថា hackers របស់កូរ៉េខាងជើងកំពុងប្រើប្រាស់ software មួយប្រភេទដែលមានផ្ទុកទៅដោយមេរោគ ឬ bug ជាយុទ្ធសាស្ត្ររបស់ខ្លួនដំណើរការនៅក្នុងក្រុមហ៊ុនរាប់ពាន់នៅសហរដ្ឋអាម៉េរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content