សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ស្ថានភាពសេដ្ឋកិច្ច (វិបត្តិសេដ្ឋកិច្ច) មិនសូវអំណោយផល និងការផ្លាស់ប្តូរនៃការរស់នៅប្រចាំថ្ងៃ ស្របពេលដែលជំងឺកូវីដ-១៩ បានបង្ហាញខ្លួន មនុស្សគ្រប់គ្នាក៏ត្រូវសម្របខ្លួនរស់នៅក្នុងរបត់សង្គមថ្មី ដែលនេះជាហេតុនាំឲ្យមានផលវិបាកដល់អាជីវកម្មថ្មីថ្មោង ហើយមុខរបរមួយចំនួនត្រូវបិទទ្វារព្រោះរកស៊ីមិនសូវបាន។
សហគ្រិនខែ្មរបានណែនាំ ៤ វិធីសាស្ដ្រចំណុចដើម្បីចៀសវាងបញ្ហាប្រឈមនឹងការដួលរលំនៃអាជីវកម្ម និងអាចបន្តការរកស៊ីបានក្នុងស្ថានភាពបែបនេះខ្លះៗដូចខាងក្រោមនេះ ៖
១. ផ្តោតសំខាន់លើផលិតផល ៖ ខណៈពេលដែលការរកស៊ីមិនសូវមមាញឹក វាក៏អាចជាឱកាសឲ្យអ្នកផ្ដោតសំខាន់លើការពង្រឹងគុណភាពផលិតផលផងដែរ តើផលិតផលអ្នកមានភាពទាក់ទាញអ្វីខ្លះដែលធ្វើឲ្យអតិថិជនចង់ទិញ និងប្រើប្រាស់បន្ត? តើមានចំណុចណាដែលគួរកែតម្រូវ ដើម្បីឲ្យគុណភាព ឬគុណតម្លៃនៃផលិតផលមានភាពល្អប្រសើរជាងមុនដែរ ឬទេ?
២. រៀបចំគម្រោងសាច់ប្រាក់សម្រាប់អាជីវកម្មទាំងមូល ៖ ពេលអាជីវកម្មកំពុងដំណើរការក្នុងស្ថានភាពដែលស្រពេចស្រពិលជាមួយបម្រែបម្រួលសង្គម អ្នកត្រូវរៀបចំគម្រោងសាច់ប្រាក់យ៉ាងហោចណាស់ចំនួន ១៨ខែ សម្រាប់ទ្រទ្រង់អាជីវកម្មក្នុងករណីគ្មានចំណូលសោះ។ បើមិនមានប្រាក់គ្រប់គ្រាន់ អ្នកគួរចាប់ផ្តើមគិតគូរពីឥឡូវនេះទៅ ថាតើចំណាយណាខ្លះដែលអាចកាត់ចោលបាន។ ឧទាហរណ៍ ក្នុងពេលកូវីដអញ្ចឹង ក្រុមការងាររបស់អ្នកត្រូវធ្វើការពីផ្ទះ តើអ្នកត្រូវការជួល Office ទៀតឬអត់? គួរចំណាយកម្លាំង ពេលវេលា និងលុយកាក់ឲ្យបានល្អិតល្អន់តាមដែលអាចធ្វើបាន។ តាមពិតទៅត្រង់ចំណុចនេះ គឺអាចចាត់ទុកថាជាការវិភាគហានិភ័យទុក ដើម្បីត្រៀមខ្លួនឲ្យបានរួចជាស្រេច ហើយអាចប្រើបានគ្រប់កាលៈទេសៈ មិនមែនចំពោះតែពេលមានវិបត្តិនោះទេ។
៣. ស្វែងរកជំនួយ ៖ ប្រសិនបើអាជីវកម្មរបស់អ្នកស្ថិតក្នុងវិស័យអាទិភាព (ផ្នែកឧស្សាហកម្ម សេវាកម្ម និងពាណិជ្ជកម្ម សម្រាប់កាត់បន្ថយការនាំចូល និងបម្រើសេចក្ដីត្រូវការក្នុងស្រុក) ក្នុងស្ថានការណ៍នេះ អ្នកគួរត្រៀមខ្លួនសម្រាប់ការស្នើសុំនូវកញ្ចប់ថវិកាជំនួយពីរដ្ឋាភិបាល ដើម្បីជួយដោះស្រាយបញ្ហាអាជីវកម្ម។ មួយវិញទៀត អ្នកក៏អាចខ្ចីកម្ចីពីស្ថាប័នណាដែលមានគម្រោងជួយអាជីវកម្មធុនតូច និងមធ្យម ជាក់ស្ដែងដូចជា ធនាគារសហគ្រាសធុនតូច និងមធ្យម កម្ពុជា (SME Bank) ដែលបានទទួលនូវហិរញ្ញប្បទានពីរដ្ឋាភិបាលកម្ពុជា ដើម្បីជួយទ្រទ្រង់សហគ្រាស និងអាជីវកម្មជាដើម។ ៤. ពង្រីកមុខជំនួញតាមប្រព័ន្ធអនឡាញ ៖ ទោះបីជាអ្នកមានទីតាំង ឬហាងផ្ទាល់ខ្លួនហើយក៏ដោយ អ្នកគួរប្រើប្រាស់ Facebook, Instagram ឬ Tiktok ជាជំនួយបន្ថែមសម្រាប់ជួយផ្សព្វផ្សាយផលិតផល និងសេវាកម្មរបស់អ្នកអាចជាការបង្ហោះរូបភាពវីដេអូ និងការ Live ផ្ទាល់ជាដើម។ ធ្វើដូច្នេះ គឺដើម្បីប្រែវាជាឱកាសសម្រាប់ពង្រីកមុខជំនួញរបស់អ្នកឲ្យគេបានស្គាល់កាន់តែច្រើន។ សរុបមក មិនថានៅក្នុងកាលៈទេសៈណានោះទេ អ្នកគួរត្រៀមទុកនូវយុទ្ធសាស្រ្ដ ដើម្បីដំណើរការអាជីវកម្មរបស់អ្នក។ យើងសង្ឃឹមថាវិធីសាស្រ្ដទាំង ៤ ខាងលើនេះ អាចជួយជាគំនិត និងគន្លឹះខ្លះ ដើម្បីឲ្យអ្នកអាចអនុវត្តក្នុងអាជីវកម្មរបស់អ្នកបាន៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content