សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ ប្រសិនបើលោកអ្នកបានទៅទឹកដីវប្បធម៌នាខេត្តសៀមរាប ហើយចេញដំណើរដើរលេងកម្សាន្តនាពេលរាត្រីម្ដុំផ្សាររាត្រី តាមបណ្ដោយមាត់ស្ទឹងសៀមរាប នោះនឹងបានឃើញពន្លឺភ្លើងភ្លឹព្រោងព្រាតពីរទេះលក់នំចំណីអាហារ និងភេសជ្ជៈចម្រុះជាច្រើនស្ទើរគ្មានចន្លោះទំនេរ។ ក្នុងនោះ ក៏មានកន្លែងលក់ទឹកក្រឡុកមួយដោយមានដាក់បង្ហាញប្រភេទភេសជ្ជៈផ្លែឈើស្រស់ និងតម្លៃ ពណ៌ផ្កាឈូកច្រាលភ្នែក ខណៈដែលម្ចាស់រទេសដែលជាអ្នកលក់កំពុងមមាញឹកចិតផ្លែឈើកិន និងក្រឡុកឱ្យភ្ញៀវយ៉ាងស្វាហាប់។
លោក ណូ សៀងហៃ ជាអាជីវករលក់ទឹកក្រឡុកមួយរូបនៅតាមបណ្ដោយមាត់ស្ទឹកសៀមរាបបានប្រាប់ឱ្យដឹងថា៖ ជាទូទៅសម្រាប់ថ្ងៃធម្មតា ការលក់ភេសជ្ជៈផ្លែឈើស្រស់ ឬទឹកក្រឡុកនេះ មិនសូវមមាញឹកនោះទេ ពោលគឺអាចលក់បានត្រឹមប្រមាណ ៣០ ទៅ ៤០កែវប៉ុណ្ណោះ ប៉ុន្តែសម្រាប់ថ្ងៃចុងសប្ដាហ៍ ឬថ្ងៃសម្រាកបុណ្យទានផ្សេងៗអាចលក់បានប្រមាណ ៦០កែវ ដោយទឹកក្រឡុក១កែវ មានតម្លៃចាប់ពី ៤០០០រៀលឡើងទៅតាមប្រភេទផ្លែឈើ និងការចង់បានរបស់អតិថិជន។
លោកបានបញ្ជាក់ថា៖
«ចំពោះតម្លៃទឹកក្រឡុកមួយកែវមានតម្លៃចាប់ពី ៤០០០រៀលឡើងទៅ អាស្រ័យទៅតាមការកម្ម៉ង់របស់អតិថិជន ដោយអាចក្រឡុកតែផ្លែឈើមួយមុខ លាយ ២-៣ មុខក៏បាន តែតម្លៃក៏អាស្រ័យលើប្រភេទផ្លែឈើកម្រដូចជា ស្ត្រប៊ឺរីក្រឡុក អាចមានតម្លៃសដល់ ៨០០០រៀល។ រីឯភេសជ្ជៈដែលគេនិយមនោះគឺប្រភេទ ប័រក្រឡឡុក ដោយសារបងប្អូនខ្មែរយើងនិយមចូលចិត្តច្រើន ព្រោះវាល្អចំពោះសុខភាព ហើយក៏អាចកម្ម៉ង់កម្រិតជាតិផ្អែមបានផងដែរ»។
អាជីវកររូបនេះបានបន្តឱ្យដឹងដែរថា ចំពោះអតិថិជនវិញភាគច្រើនជាបងប្អូនខ្មែរយើងដែលជាទេសចរមកពីបណ្តាខេត្តផ្សេងៗ ក៏ដូចជាអ្នករស់នៅក្នុងក្រុងសៀមរាបដែលមកកម្សាន្តនៅមាត់ស្ទឹង ឬអ្នកជិះកាត់ម្ដុំមាត់ស្ទឹង ហើយក្រៅពីនេះក៏មានជនបរទេសខ្លះដែរ ដែលជាអ្នកចូលចិត្តទទួលទានទឹកផ្លែឈើក្រឡុក។
«ប្រភេទផ្លែឈើយើងមានច្រើនមុខ ដូចជា ផ្លែប៉ោម ម្នាស់ ដូង ខ្នុរ ប័រ ក្រូច ស្រកានាគ ត្រសក់ស្រូវ ចេក ស្វាយ ល្ហុង ឪឡឹក និង ផាសិន ជាដើម ដែលយើងអាចច្នៃកិនចូលគ្នាច្រើនមុខក៏បាន អាចលក់បន្ថែមជាបង្អែមផ្លែឈើក៏បាន»។ នេះជាអ្វីដែលលោក សៀងហៃ បានលើកឡើង។
សម្រាប់ពេលវេលាចេញលក់វិញ ម្ចាស់អាជីវកម្មលក្ខណៈគ្រួសាររូបនេះបញញជាក់ថា ជាធម្មតា លោក រួមជាមួយនឹងម្ដាយមីង ចាប់ផ្ដើមលក់ពីពេលល្ងាចត្រឹមម៉ោង ៤ រហូតដល់ម៉ោង ១២យប់ទើបឈប់ ដោយម្ដាយមីងជាអ្នករៀបចំលក់ពេលក្បាលព្រលប់ លុះដល់ពេលយប់បន្តិចទើបលោកប្ដូរមកឈរលក់ម្ដង ហើយក៏ត្រូវចំណាយប្រចាំថ្ងៃចំនួន ៣០០០រៀល ទៅលើថ្លៃភាស៊ី សណ្តាប់ធ្នាប់ និងអនាម័យ។
ទន្ទឹមគ្នានេះដែរ លោក សៀងហៃ ក៏បានប្រាប់ពីផលលំបាកខ្លះៗដែរថា អាជីវកម្មមួយនេះគឺរំពឹងច្រើនទៅលើទេសចរ និងស្ថានភាពសេដ្ឋកិច្ចសង្គមផងដែរ ដែលកាលណាមានបញ្ហាណាមួយកើតឡើងគឺអាចប្រឈមខ្លាំង ហើយថ្ងៃអនាគត បើសិនជាមានការគាំទ្របន្ថែមទៀត លោកក៏ចង់ពង្រីកកន្លែងលក់សាខាផ្សេងទៀតផងដែរ៕
Account
Security
Favourite Content