សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ពេលអ្នកនៅក្មេង ជាធម្មតា អ្នកគិតថា ការសន្សំប្រាក់ហាក់ដូចជាកិច្ចការដែលមិនអាចទៅរួច ឬលំបាក ប៉ុន្តែកិច្ចការដែលអ្នកអាចបង្កើតទម្លាប់សន្សំបាន នោះគឺការចាប់ផ្តើមបែងចែកចំណូល និងចំណាយប្រចាំខែឱ្យច្បាស់លាស់ បើទោះបីការសន្សំលុយទុកមានចំនួនបន្តិចបន្តួចជារៀងរាល់ខែក៏ដោយ តែវាអាចនឹងជួយអ្នកបានច្រើននាពេលអនាគត។
គន្លឹះសន្សំលុយទាំង ៤ ខាងក្រោមនេះ នឹងអាចជួយអ្នកឱ្យចាប់ផ្តើមនៅលើផ្លូវឆ្ពោះទៅរកភាពជោគជ័យផ្នែកហិរញ្ញវត្ថុនាពេលអនាគត។
១. បង្កើតផែនការហិរញ្ញវត្ថុ ៖ អ្នកប្រហែលធ្លាប់បានឮពីមុនមកហើយថា ការបង្កើត និងប្រកាន់ខ្ជាប់នូវផែនការហិរញ្ញវត្ថុ គឺជាវិធីដ៏ល្អបំផុតមួយដែលអ្នកអាចសន្សំប្រាក់បាន។ ការបង្កើតផែនការហិរញ្ញវត្ថុមិនមានន័យថា អ្នកត្រូវបោះបង់ការដើរកម្សាន្តអស់មួយជីវិតនោះទេ។ តាមរយៈការបង្កើតផែនការហិរញ្ញវត្ថុ អ្នកនឹងអាចឃើញពីការចំណាយលុយរបស់អ្នកជារៀងរាល់ខែ ដូច្នេះអ្នកអាចបែងចែកលុយរបស់អ្នកសម្រាប់ការសន្សំប្រចាំខែ ចំណាយប្រចាំខែ និងការកម្សាន្តជាដើម។
២. កុំរង់ចាំក្នុងការចាប់ផ្តើមសន្សំ ៖ ការសន្សំហាក់ដូចជាកិច្ចការមួយលំបាកនៅពេលនេះ ប៉ុន្តែការទុកលុយតែ ២ ឬ ៣ម៉ឺនរៀលក្នុងមួយសប្តាហ៍ ក៏អាចមានផ្តល់អត្ថប្រយោជន៍សម្រាប់អ្នកនាពេលអានាគតផងដែរ។ ចូរពិនិត្យចំណូលរបស់អ្នក ដើម្បីមើលថា តើលុយប៉ុន្មានដែលអ្នកអាចបញ្ចូលទៅក្នុងគណនីសន្សំរបស់អ្នកក្នុងមួយខែ។
៣. សន្សំ ១ ភាគ ៣ នៃប្រាក់ចំណូលរបស់អ្នក ៖ ប្រសិនបើអ្នកមិនប្រាកដថា អ្នកគួរសន្សំប៉ុន្មាននោះទេ អ្នកជំនាញក៏ណែនាំឱ្យសន្សំ ១ ភាគ ៣ នៃប្រាក់ចំណូលរបស់អ្នក ប្រសិនបើអ្នកអាចធ្វើបាន។ តាមរយៈការសន្សំប្រាក់មួយភាគបីនៃចំណូលរបស់អ្នកនេះ ឧទាហរណ៍ថា ក្នុងមួយថ្ងៃ អ្នករកចំណូលបាន ៣ ម៉ឺនរៀល នោះអ្នកអាចទុក ១ ម៉ឺនរៀលសម្រាប់សន្សំ។ បើអ្នកអាចធ្វើបាន នោះអ្នកកំពុងធ្វើឱ្យខ្លួនអ្នកកាន់តែងាយស្រួលក្នុងការរួចផុតពីការលំបាកផ្នែកហិរញ្ញវត្ថុនាពេលអនាគត ដូចជាការបាត់បង់ការងារ និងការចំណាយចាំបាច់មួយចំនួន ដែលអ្នកមិនដឹងទុកជាមុន។
៤. បង្កើតបញ្ចប់សន្សំ សម្រាប់គ្រាអាសន្នណាមួយ ៖ មធ្យោបាយដ៏ល្អមួយទៀតដើម្បីសន្សំសម្រាប់គ្រាលំបាកផ្នែកហិរញ្ញវត្ថុនោះ គឺត្រូវចាប់ផ្តើមបង្កើតគណនីសន្សំ នៅគ្រឹះស្ថានធនាគារ និងហិរញ្ញវត្ថុផ្លូវការ តែត្រូវប្រាកដថា គណនីសន្សំនោះ អ្នកអាចដកលុយបានគ្រប់ពេល ព្រោះថា បញ្ហាផ្នែកហិរញ្ញវត្ថុអាចកើតឡើងគ្រប់ពេល ដែលអ្នកមិនអាចមើលឃើញ៕
Account
Security
Favourite Content