​ក្នុងនាមជា‌កម្មវីធីជួយជំរុញលើការទទួលយកធនធានមនុស្សបរទេសផ្នែកការងារថែទាំមនុស្សចាស់សម្រាប់កម្ពុជា ​យើងនឹងធ្វើការរៀបចំកម្មវិធីធ្វើបទពន្យល់ណែនាំស្ដីពីប្រព័ន្ធពលករជំនាញជាក់លាក់តាមរយៈការឡាយ(Live)ផ្ទាល់ពីប្រទេសជប៉ុនដោយមានការចូលរួមពីបុគ្គលិកថែទាំមនុស្សចាស់ជនជាតិខ្មែរដែលកំពុងបម្រើការងារនៅប្រទេសជប៉ុនផងដែរ។

នេះគឺជាលើកទី៤ហើយ ដែលកម្មវិធីនេះបានរៀបចំឡើងនៅក្នុងឆ្នាំនេះ ហើយវាគឺជាកម្មវិធីមួយដែលជួយទ្រទ្រង់ដល់ក្រសួងការងាររបស់ជប៉ុន​ តាមរយៈការជួយផ្សព្វផ្សាយការងារផ្នែកថែទាំមនុស្សចាស់នៅបរទេស ក្នុងគោលបំណងធានាឳ្យបាននូវធនធានមនុស្សបរទេសដែលមានបំណងចង់ធ្វើការងារផ្នែកថែទាំមនុស្សចាស់នៅក្នុងប្រទេសជប៉ុន តាមរយៈប្រព័ន្ធពលករជំនាញជាក់លាក់។

ដើម្បីផ្សព្វផ្សាយអំពីការងារផ្នែកថែទាំមនុស្សចាស់នេះទៅដល់យុវជននៅក្នុងប្រទេសកម្ពុជា ដែលមានការចាប់អារម្មណ៍អំពីប្រទេសជប៉ុន និងមានចំណាប់អារម្មណ៍ចង់ធ្វើការ និងរស់នៅប្រទេសជប៉ុនឳ្យបានដឹង ក្រៅតែពីការរៀបចំកម្មវិធីធ្វើបទពន្យល់ណែនាំតាមប្រព័ន្ធអនឡាញ(Online)នេះ ក៏មានការផ្សព្វផ្សាយព័ត៌មាន​ កម្រងរូបភាព និងវីឌីអូនៅតាមប្រព័ន្ធផ្សព្វផ្សាយសង្គមផ្សេងៗ និងវែបសាយ(website)ផងដែរ។

ការរៀបចំឡើងនៅលើកនេះ គឺមានគោលបំណងធ្វើបទពន្យល់ណែនាំដោយធ្វើការឡាយ(Live)រួមគ្នារវាងកម្ពុជា និងជប៉ុន ដើម្បីចែករំលែកចំណេះដឹងទាក់ទងនឹងប្រព័ន្ធពលករជំនាញជាក់លាក់ ដើម្បីទទួលបានការងារផ្នែកថែទាំមនុស្សចាស់នៅប្រទេសជប៉ុន និងដើម្បីយល់ឳ្យកាន់តែស៊ីជម្រៅអំពីទំនាក់ទំនងដ៏ស្អិតល្មួតរបស់ជប៉ុន។

កម្មវីធីនឹងធ្វើការឆ្លើយទៅនឹងសំណួររបស់លោកអ្នកដោយធ្វើការទំនាក់ទំនងគ្នាតាមរយៈប្រព័ន្ធអនឡាញ ជាមួយនឹងបងប្អូនជនជាតិខ្មែរដែលកំពុងធ្វើការជាក់ស្ដែងនៅក្នុងមណ្ឌលថែទាំមនុស្សចាស់នៅប្រទេសជប៉ុន។

សូមជួយផ្សព្វផ្សាយបន្តនូវដំណឹងអំពីកម្មវិធីនេះនៅក្នុងប្រព័ន្ធផ្សព្វផ្សាយរបស់ក្រុមហ៊ុនលោកអ្នកកុំបីខាន។

ឈ្មោះកម្មវិធី : កម្មវិធីធ្វើបទពន្យល់ណែនាំតាមរយៈប្រព័ន្ធអនឡាញ(Online)

អ្នករៀបចំ    :  ក្រសួងការងារ

កាលបរិច្ឆេទ  : ៤/១២/២០២៣ (ថ្ងៃច័ន្ទ) ម៉ោង១៤ : ០០  ～ ១៥ : ៣០ (ម៉ោងនៅកម្ពុជា) រៀបចំការឡាយរួមគ្នារវាងកម្ពុជានិងជប៉ុនអំពីកម្មវិធីធ្វើបទពន្យល់ណែនាំ។

មធ្យោបាយផ្សាយ :  ​កម្មវិធីនឹងជួយសម្រួលដល់លោកអ្នកដែលមានបំណងចង់ចូលរួមទស្សនា ​អាចចូលរួមទស្សនាបានតាមរយៈការឡាយ (Live) Facebook និង YouTube នៅលើទូរស័ព្ទដៃ និង កុំព្យូទ័ររបស់លោកអ្នកផ្ទាល់ ឬអញ្ជើញចូលរួមជួបជុំគ្នានៅសាលាដែលបានរៀបចំជួយសម្រួលដល់កម្មវិធី ដោយគ្រាន់តែលោកអ្នកធ្វើការចុះឈ្មោះចូលរួមជាមុន។

ព័ត៌មានលម្អិតសូមទំនាក់ទំនងតាមធ្យោបាយទំនាក់ទំនងដែលបានដាក់ជូន។

អ្នកចូលរួម  : យុវជននៅក្នុងប្រទេសកម្ពុជា ដែលមានការចាប់អារម្មណ៍អំពីប្រទេសជប៉ុន និង​មានចំណាប់អារម្មណ៍ចង់ធ្វើការ និងរស់នៅប្រទេសជប៉ុនចំនួន ៨០នាក់។

ខ្លឹមសារនៃកម្មវិធី  : ផ្លាស់ប្ដូរបទពិសោធគ្នាតាមរយៈការឡាយជាមួយជនជាតិខ្មែរដែលកំពុងបម្រើការងារផ្នែកថែទាំមនុស្សចាស់នៅប្រទេសជប៉ុន និងធ្វើការពន្យល់អំពីការងារនេះ។ យើងខ្ញុំនឹងធ្វើការទទួលនូវសំណួររបស់លោកអ្នកទុកជាមុន ហើយនឹងធ្វើការឆ្លើយនឹងសំណួរនេះ​នៅក្នុងកម្មវិធី។

(១)​ ស្វែងយល់អំពីការងារផ្នែកថែទាំមនុស្សចាស់ (ការរ​ស់នៅ និង របៀបធ្វើការនៅប្រទេសជប៉ុន)

(២) មកកាន់ប្រទេសជប៉ុនដោយបានស្វែងយល់ពីប្រព័ន្ធជាមុន (ប្រព័ន្ធដើម្បីមកកាន់ប្រទេសជប៉ុន)

(៣) រៀនភាសាជប៉ុន និង ជំនាញថែទាំមនុស្សចាស់​(របៀបរៀន)

(៤) នាទីសំណួរចម្លើយ

ឆ្នាំនេះយើងនឹងអនុវត្តន៍ទៅតាមខ្លឹមសារដែលបានបំពេញបន្ថែមដោយទទួលសិស្សច្បងជនជាតិខ្មែរ ដែលកំពុងបម្រើការងារជាក់ស្ដែងនៅក្នុងមណ្ឌលថែទាំមនុស្សចាស់នៅប្រទេសជប៉ុន។

ទំនាក់ទំនង ៖

-ឈ្មោះក្រុមហ៊ុន UG Marketing Republic Co. Ltd

-ឈ្មោះអ្នកទទួលបន្ទុក Tep Chanpanharith

-មធ្យោបាយទំនាក់ទំនង​​​​​​​​​​​​​  015 916 234                                                       

-អ៊ីមែល info@ugrepublic.com 
(អត្ថបទៈ ក្រុមហ៊ុន)