ភ្នំពេញ ៖ លោក ស៊ឹម សេនាជាតិ ដែលជាប្រធាន និងជានាយកប្រតិបត្តិគ្រឹះស្ថានមីក្រូហិរញ្ញវត្ថុប្រាសាក់បានប្រកាសលាលែងពីតំណែង បន្ទាប់ពីធនាគារ KB Kookmin របស់កូរ៉េខាងត្បូង បានទិញភាគហ៊ុននៅសល់នៅក្នុងគ្រឹះស្ថានមីក្រូហិរញ្ញវត្ថុប្រាសាក់ ដើម្បីកាន់កាប់ទាំងស្រុងលើគ្រឹះស្ថានមីក្រូហិរញ្ញវត្ថុធំជាងគេមួយនេះនៅកម្ពុជាកាលពីខែតុលា ឆ្នាំ២០២១កន្លងមកនេះ។

ក្នុងនាមជាប្រធាន និងជានាយកប្រតិបត្តិអស់រយៈពេល ១៨ ឆ្នាំ លោក ស៊ឹម សេនាជាតិ បាននាំមកនូវភាពរីកចម្រើនយ៉ាងច្រើនដល់គ្រឹះស្ថានមីក្រូហិរញវត្ថុមួយនេះ ដោយជួយឱ្យប្រែក្លាយពីគ្រឹះស្ថានហិរញ្ញវត្ថុតូចមួយទៅគ្រឹះស្ថានមីក្រូហិរញ្ញវត្ថុឈានមុខគេរបស់ប្រទេសកម្ពុជា។
នៅក្នុងរបាយការណ៍ហិរញ្ញវត្ថុថ្មីៗនេះ ប្រាសាក់បានបង្ហាញថា នៅចន្លោះឆ្នាំ២០០៤ នៅពេលដែលខ្លួនទទួលបានអាជ្ញាប័ណ្ណគ្រឹះស្ថានមីក្រូហិរញ្ញវត្ថុ រហូតដល់ខែកញ្ញា ឆ្នាំ២០២១ ទ្រព្យសកម្មសរុបបានកើនឡើង ៥៤៣ ដងពី ៩ លានដុល្លារទៅ ៤ពាន់លានដុល្លារ ហើយភាគហ៊ុនសរុបបានកើនឡើង ១ ២០៤ ដង ពី ៥២០ ០០០ ដុល្លារដល់ ៦៣៤ លានដុល្លារ។

ក្នុងអំឡុងពេលដូចគ្នានេះ ផលប័ត្រប្រាក់កម្ចីរបស់ខ្លួនបានកើនឡើងប្រហែល ៤៥៣ ដងពី ៧,៧ លានដុល្លារទៅ ៣,៥ ពាន់លានដុល្លារ សមតុល្យប្រាក់បញ្ញើបានកើនឡើងយ៉ាងខ្លាំងពី ១៩៦ ០០០ ទៅ ២,៤ ពាន់លានដុល្លារ ហើយចំនួនបុគ្គលិកបានកើនឡើងជិត ២៥ ដងពី ៣៧២ ទៅ ៩ ២០៣នាក់។
លោក ស៊ឹម សេនាជាតិ ដែលប្រកាសបានលាលែងតំណែងជាប្រធាននាយកប្រតិបត្តិនៅមីក្រូហិរញ្ញវត្ថុប្រាសាក់កាលថ្មីៗនេះ បានប្រាប់កាសែតអន្តរជាតិជាភាសាអង់គ្លេសមួយថា លោកបានកាន់តំណែងជាប្រធាននាយកប្រតិបត្តិអស់រយៈពេល ១៨ឆ្នាំ ហើយបានធ្វើការជាមួយប្រាសាក់អស់រយៈពេលជាង ២៥ ឆ្នាំ ដូច្នេះវាដល់ពេលដែលត្រូវចាកចេញ ដើម្បីត្រួសត្រាយផ្លូវសម្រាប់ធនាគារ KB ចូលរួមយ៉ាងពេញលេញក្នុងការគ្រប់គ្រងរបស់គ្រឹះស្ថានមីក្រូហិរញ្ញវត្ថុនេះ។
លោក ស៊ឹម សេនាជាតិ បានថ្លែងដូច្នេះថា ៖
“ខ្ញុំរំពឹងថា ការផ្លាស់ប្តូរការគ្រប់គ្រងនឹងអាចឱ្យប្រាសាក់ឈានទៅរកកម្រិតល្អប្រសើរថ្មីមួយទៀត។ នៅពេលនេះ ក៏មិនទាន់មានគម្រោងធ្វើការនៅឡើយទេ។ ប៉ុន្តែខ្ញុំសង្ឃឹមថា ខ្ញុំនឹងអាចបន្តធ្វើការក្នុងវិស័យនេះដើម្បីឱ្យខ្ញុំអាចប្រើប្រាស់បទពិសោធន៍ និងចំណេះដឹងរបស់ខ្ញុំក្នុងការជួយដល់វិស័យ”
ធនាគារ KB Kookmin កាលពីថ្ងៃទីថ្ងៃទី២០ ខែតុលា ឆ្នាំ២០២១ កន្លងមកនេះ បានប្រកាសថា ខ្លួនបានទិញភាគហ៊ុននៅសល់នៅក្នុងគ្រឹះស្ថានមីក្រូហិរញ្ញវត្ថុប្រាសាក់ ដើម្បីកាន់កាប់ទាំងស្រុងលើគ្រឹះស្ថានទទួលប្រាក់បញ្ញើមីក្រូហិរញ្ញវត្ថុធំជាងគេនៅកម្ពុជាមួយនេះ។
ធនាគារ KB Kookmin បានទិញភាគហ៊ុន ៧០ ភាគរយនៅក្នុងមីក្រូហិរញ្ញវត្ថុប្រាសាក់ក្នុងទំហំទឹកប្រាក់ ៦០៣.៤ លានដុល្លារពីក្រុមហ៊ុន LOLC Holdings ដែលមានមូលដ្ឋាននៅប្រទេសស្រីលង្កា កាលពីខែមេសា ឆ្នាំ២០២០ ដោយក្លាយជាម្ចាស់ភាគហ៊ុនធំជាងគេនៅក្នុងស្ថាប័ននេះ។ ទោះបីជាយ៉ាងក៏ដោយ តម្លៃភាគហ៊ុន ៣០ ភាគរយ ដែលធនាគារ KB Kookmin បានទិញយកថ្មីៗនេះមិនទាន់ត្រូវបានបង្ហាញឱ្យដឹងនៅឡើយទេ។
ការទិញយកភាគហ៊ុនដែលនៅសល់របស់ធនាគារពាណិជ្ជ KB Kookmin បានធ្វើឱ្យប្រាសាក់មីក្រូហិរញ្ញវត្ថុក្លាយជាក្រុមហ៊ុនបុត្រសម្ព័ន្ធទាំងស្រុងរបស់ធនាគារកូរ៉េមួយនេះ។ ប្រាសាក់មីក្រូហិរញ្ញវត្ថុគឺជាគ្រឹះស្ថានដាក់ប្រាក់បញ្ញើមីក្រូហិរញ្ញវត្ថុឈរលំដាប់ថ្នាក់លេខ ១ របស់កម្ពុជា ដែលមានចំណែក ៤៤,៦ ភាគរយនៃចំណែកទីផ្សារ និងមានជាង ១៨០ សាខា។ របាយការណ៍បង្ហាញថា គ្រឹស្ថានមីក្រូហិរញ្ញវត្ថុនេះទទួលបានប្រាក់ចំណេញសុទ្ធប្រចាំឆ្នាំចំនួន ១០៩ លានដុល្លារកាលពីឆ្នាំមុន កើនឡើង ៥ ភាគរយ ធៀបនឹងឆ្នាំមួយទៀត។
មន្រ្តីធនាគារ KB Kookmin បាននិយាយថា ៖«យើងមានគម្រោងពង្រីកផលប័ត្ររបស់ប្រាសាក់មីក្រូហិរញ្ញវត្ថុសម្រាប់ការផ្លាស់ប្តូរទៅជាធនាគារពាណិជ្ជ ហើយគ្រោងនឹងបន្ថែមចំណុចខ្លាំងរបស់ធនាគារ KB Kookmin ក្នុងដំណើរការប្រតិបត្តិការនេះ»។ មន្ត្រីរូបនេះបានបន្ថែមថា គ្រឹះស្ថានមីក្រូហិរញ្ញវត្ថុប្រាសាក់នឹងក្លាយជាមជ្ឈមណ្ឌលស្នូលរបស់ KB Kookmin ក្នុងការជំរុញអាជីវកម្មនៅក្នុងតំបន់អាស៊ាន៕

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
បណ្តាញផ្លូវដែកចិនបំបែកកំណត់ត្រាថ្មី ដោយមានអ្នកដំណើរជាង ៤ ពាន់លានដងក្នុងឆ្នាំ ២០២៦
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត
• 19/11/2026

CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026

បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026

កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា
ព្រឹត្តិការណ៍, អត្ថបទពាណិជ្ជកម្ម
• 21/11/2026
ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា
ព្រឹត្តិការណ៍, អាជីវកម្មថ្មី និងនវានុវត្ត
• 21/11/2026
ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា
ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 20/11/2026
ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 20/11/2026
បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា
ព្រឹត្តិការណ៍, អត្ថបទពាណិជ្ជកម្ម
• 20/11/2026
ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!
ព្រឹត្តិការណ៍, អត្ថបទពាណិជ្ជកម្ម
• 20/11/2026
ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ





វិថីហិរញ្ញវត្ថុ





















































Account
Security
Favourite Content