សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការលើកទឹកចិត្តឱ្យមានទម្លាប់សន្សំ និងបំប្លែងការសន្សំនេះជាទុនវិនិយោគ គឺពិតជាមានសារៈសំខាន់ណាស់ ដើម្បីបំពេញតម្រូវការចាំបាច់ និងស្ថានភាពបន្ទាន់ ខណៈការបង្កើនការបណ្តុះបណ្តាលវប្បធម៌សន្សំជាជាងការខ្ចីឥណទាននឹងធ្វើឱ្យការគ្រប់គ្រងហិរញ្ញវត្ថុកាន់តែមានភាពប្រសើរឡើង។
– ការលើកទឹកចិត្តប្រជាជនពេញវ័យឱ្យមានទម្លាប់សន្សំ និងបំប្លែងការសន្សំនេះជាទុនវិនិយោគ
ការសន្សំរបស់ប្រជាជនពេញវ័យនៅកម្ពុជាមានកម្រិតទាប ដោយសារតែកត្តាជាច្រើន ក្នុងនោះចំណូលទាប និងមិនទៀងទាត់ជាកត្តាចម្បង (៥៨% នៃប្រជាជនពេញវ័យ) ដែលធ្វើឱ្យលទ្ធភាពសន្សំនៅមានកម្រិត។ ការណ៍នេះជាររបាំងក្នុងការបង្កើតមូលធននៅក្នុងសេដ្ឋកិច្ច និងការកៀរគរមូលនិធិតាមរយៈវិស័យធនាគារ។ ម្យ៉ាងវិញទៀត ប្រជាជនភាគច្រើនសន្សំនៅផ្ទះ ឬសន្សំក្រៅផ្លូវការ ដែលបង្ហាញថា ប្រជាជនមានតម្រូវការសន្សំខ្ពស់ តែប្រភេទសន្សំផ្សេងៗ មិនទាន់អាចបំពេញតាមតម្រូវការនេះ។
ក្រុមអ្នកសន្សំ និងសហគមន៍ សង្គហសមាគមបានផ្តល់សេវាសន្សំដែលមានចំណាយទាប ឬដោយមិនមានរបាំងចំពោះការប្រើប្រាស់ ហេតុដូច្នេះការកៀរគរប្រាក់សន្សំទទួលបានជោគជ័យ ក្នុងទម្រង់ជាការសន្សំទៀងទាត់ និងកាតព្វកិច្ច។ ទន្ទឹមនឹងនេះ ប្រជាជនសន្សំប្រាក់នៅផ្ទះគឺដោយសារមានសន្ទនីយភាពខ្ពស់ និងងាយស្រួលដោះស្រាយស្ថានភាពបន្ទាន់។ ករណីទាំងនេះបង្ហាញថា ប្រជាជនមានលទ្ធភាពសន្សំក្នុងទំហំទឹកប្រាក់តូចៗ ហើយការកៀរគរប្រាក់សន្សំអាចធ្វើទៅបាន។
ការប្រើប្រាស់ឥណទានមានកម្រិតខ្ពស់សម្រាប់ចំណាយជីវភាពទូទៅ (១៥%) និងដោះស្រាយស្ថានភាពបន្ទាន់ (៧%) ។ ការណ៍នេះបង្ហាញថា ប្រជាជនទទួលបានមូលនិធិតាមរយៈសេវាឥណទាន ហើយប្រើប្រាស់ប្រាក់ចំណូលដែលមានកម្រិត សម្រាប់ទូទាត់សងឥណទានជាជាងសន្សំ។ ការលើកទឹកចិត្តឲ្យប្រជាជនពេញវ័យសន្សំប្រាក់ពិតជាមានសារៈសំខាន់ ដើម្បីបំពេញតម្រូវការចាំបាច់ និងស្ថានភាពបន្ទាន់ និងជួយដល់ការកៀរគរប្រាក់សន្សំ ហើយការបង្កើនការបណ្តុះបណ្តាលវប្បធម៌សន្សំជាជាងការខ្ចីឥណទាន នឹងធ្វើឲ្យការគ្រប់គ្រងហិរញ្ញវត្ថុកាន់តែមានភាពប្រសើរឡើង។
ស្ត្រី(៤៦%) មានការសន្សំច្រើនជាងបុរស(៣៩%)ដែលមានគម្លាត៧%។ យន្តការសន្សំដែលពេញនិយមជាងគេ គឺការសន្សំតាមរយៈអ្នកផ្តល់សេវាហិរញ្ញវត្ថុក្រៅផ្លូវការ សម្រាប់ស្ត្រី (៣៧%) និងបុរស (២៨%) ដែលស្ត្រីខ្ពស់ជាងបុរស ៩% ។ ទោះយ៉ាងណា ការស្រាវជ្រាវរបស់មូលនិធិអភិវឌ្ឍន៍មូលធន អង្គការសហប្រជាជាតិលើមជ្ឈមណ្ឌលទិន្នន័យធំ អំពីការប្រើប្រាស់សេវាហិរញ្ញវត្ថុរបស់អតិថិជន(ដោយផ្អែកលើទិន្នន័យទទួលបានពីអ្នកផ្តល់សេវាហិរញ្ញវត្ថុចំនួន ៤ ក្នុងប្រទេសកម្ពុជា ដែលគ្របដណ្តប់ប្រមាណ ២០% នៃទីផ្សារឥណទាន និងសន្សំ) បានបង្ហាញថា ទំហំប្រាក់សន្សំជាមធ្យមរបស់ស្ត្រីមានកម្រិតទាបជាងខ្លាំង បើធៀបនឹងបុរស ហើយគណនីទាំងនោះស្ទើរតែគ្មានសកម្មភាព។ ការអភិវឌ្ឍសមត្ថភាពក្នុងការប្រមូល និងប្រើប្រាស់មជ្ឈមណ្ឌលទិន្នន័យធំដែលបែងចែកអតិថិជនតាមយេនឌ័រជាតម្រូវការចាំបាច់ ដើម្បីបង្កើតអាជីវកម្មសម្រាប់ស្ត្រី ហើយផ្តល់ព័ត៌មានអំពីទីផ្សារ និងយុទ្ធសាស្ត្របែងចែកអតិថិជន។
-វប្បធម៌សន្សំជាទ្រព្យសកម្មបង្កើតចំណូលដល់អតិថិជន ប៉ុន្តែបាត់បង់ឱកាសក្នុងការប្រើប្រាស់មូលធនសម្រាប់អន្តរការីយកម្ម
វប្បធម៌សន្សំជាសាច់ប្រាក់ និងជាទ្រព្យសកម្មនៅប្រទេសកម្ពុជាមានតាំងពីយូរណាស់មកហើយ។ ចំណូលពីការសន្សំជាសាច់ប្រាក់មានកម្រិត ខណៈដែលការសន្សំជាទ្រព្យសកម្មផ្ដល់ចំណូល តាមតម្លៃទីផ្សារ។ ការសន្សំជាសាច់ប្រាក់មានភាពងាយស្រួល មិនមានចំណាយប្រតិបត្តិការ និងមានសន្ទនីយភាពខ្ពស់ ខណៈបច្ច័យនៃការសន្សំជាទ្រព្យសកម្មរូបវន្ត ធ្វើឲ្យបាត់បង់ឱកាសក្នុងការប្រើប្រាស់ដើមទុនសម្រាប់ អន្តរការីយកម្ម។
ដូច្នេះ កត្តាសំខាន់គឺត្រូវរកមធ្យោបាយដែលធ្វើឲ្យអតិថិជនប្តូរមកប្រើប្រាស់សេវាសន្សំជាមួយគ្រឹះស្ថានធនាគារនិងហិរញ្ញវត្ថុ ដែលផ្ដល់ចំណូលប្រកួតប្រជែង។ សេវាសន្សំទាំងនោះ រួមមានសេវាដែលបង្កើតចំណូលពីទ្រព្យសកម្មរូបវន្ត ដូចជាការជួញដូរទ្រព្យសកម្មទាំងនោះក្នុងទីផ្សារខូមូឌីធី។ ជាងនេះទៅទៀត ការធ្វើឲ្យសេវាសន្សំមានតម្លៃសមរម្យ និងងាយទទួលបាន ជាកម្លាំងផលករដ៏សំខាន់ក្នុងការជំរុញកំណើនប្រើប្រាស់ និងទទួលយកសេវាសន្សំ។
កាលានុវត្តភាពសម្រាប់គ្រឹះស្ថានធនាគារ និងហិរញ្ញវត្ថុក្នុងការប្រើប្រាស់កត្តាជំនឿទុកចិត្ត ដើម្បីពង្រីកទីផ្សារ : ជំនឿទុកចិត្តរបស់ប្រជាជនពេញវ័យក្នុងប្រទេសកម្ពុជាទៅលើគ្រឹះស្ថានធនាគារ និងហិរញ្ញវត្ថុមាន កម្រិតខ្ពស់ ប៉ុន្តែមិនទាន់មានលទ្ធភាពប្រើប្រាស់ជំនឿទុកចិត្តនេះ ដើម្បីបង្កើនមូលដ្ឋានអតិថិជននៅឡើយ ខណៈដែលជំនឿទុកចិត្តលើអ្នកផ្តល់សេវាហិរញ្ញវត្ថុក្រៅផ្លូវការមានកម្រិតទាប។ ប៉ុន្តែ ការប្រើប្រាស់សេវាសន្សំឆ្លុះបញ្ចាំងរូបភាពផ្ទុយគ្នាទៅវិញ។ ជាក់ស្ដែង ក្រុមអ្នកសន្សំជាមួយអ្នកផ្តល់សេវាហិរញ្ញវត្ថុក្រៅផ្លូវការមានចំនួនសមាជិកច្រើនលើសលប់ ដោយសារអត្ថប្រយោជន៍ដែលទទួលបាន។ ដូច្នេះ កាលានុវត្តភាពសម្រាប គ្រឹះស្ថានធនាគារ និងហិរញ្ញវត្ថុក្នុងការទាញយកផលប្រយោជន៍ពីជំនឿទុកចិត្តនេះ គឺការដោះស្រាយបញ្ហា ផ្សេងៗដែលរារាំងអតិថិជនមិនឲ្យទទួលបានសេវាហិរញ្ញវត្ថុរបស់គ្រឹះស្ថាន។
ការសន្សំនៅក្នុងគ្រឹះស្ថានធនាគារនិងហិរញ្ញវត្ថុត្រូវបានចាត់ទុកថាមានចំណាយខ្ពស់ ដោយសារមានកម្រៃសេវាប្រចាំឆ្នាំ ថ្លៃថែទាំគណនី និងតម្រូវឲ្យមានសមតុល្យអប្បបរមា ព្រមទាំងមានចំណូលការប្រាក់ទាប។ ការបង្កើតសេវាសន្សំជាកញ្ចប់ដែលមានទឹកប្រាក់តូចៗ ការប្រាក់ខ្ពស់ និងអត្ថប្រយោជន៍ប្រសើរជាងមុនដល់អ្នកដាក់ប្រាក់បញ្ញើ នឹងផ្តល់កាលានុវត្តភាពក្នុងការកេណ្ឌប្រមូលប្រាក់សន្សំ។
យុទ្ធសាស្ត្រសម្រាប់គ្រឹះស្ថានធនាគារ និងគ្រឹះស្ថានមីក្រូហិរញ្ញវត្ថុទទួលប្រាក់បញ្ញើ ដើម្បីលើកទឹកចិត្តការសន្សំ ៖ ជំរុញ និងគាំទ្រការបង្កើតសេវាសន្សំដែលភ្ជាប់នឹងការផ្ទេរប្រាក់(ជាពិសេសការផ្ទេរប្រាក់ឆ្លងដែន) -លើកទឹកចិត្តអតិថិជនក្នុងការបង្កើនការប្រើប្រាស់សេវាហិរញ្ញវត្ថុឲ្យកាន់តែស៊ីជម្រៅ(សេវាសន្សំ សេវាឥណទាន សេវាទូទាត់ និងសេវាធានារ៉ាប់រង) និង-ធ្វើយុទ្ធនាការផ្សព្វផ្សាយប្រព័ន្ធការពារប្រាក់បញ្ញើសម្រាប់ប្រជាជនមានប្រាក់ចំណូលទាប និងរស់នៅជនបទ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជាបើកវេទិកាអាស៊ី ដោះស្រាយគម្លាតសិទ្ធិដីធ្លីរបស់ស្ត្រីកសិករ
Top News, ព្រឹត្តិការណ៍, សេដ្ឋកិច្ច
• 16/10/2026
ភ្នំពេញ ៖ ក្នុងគោលបំណងបញ្ចៀសនូវការរៀបចំអភិវឌ្ឍន៍ដែលប៉ះពាល់ដល់សហគមន៍ តំណាងជាង ៣០០ នាក់បានជួបជុំគ្នានៅភ្នំពេញ ដើម្បីប្រែក្លាយសំឡេងរបស់ស្ត្រីកសិករឱ្យទៅជាសិទ្ធិ និងសកម្មភាពជាក់ស្តែងនៅក្នុងការគ្រប់គ្រងដីសមូហភាព និងសហគមន៍។ កាលពីថ្ងៃទី១៤ ខែតុលា ឆ្នាំ២០២៦ មន្ត្រីរដ្ឋាភិបាល អង្គការកសិករ ស្ត្រីជនជាតិដើមភាគតិច អង្គការសង្គមស៊ីវិល និងដៃគូអភិវឌ្ឍន៍ សរុបជាង ៣០០ នាក់
អាម៉េរិកស្នើប្រគល់ទ្រព្យបង្កកទាំងអស់ឱ្យរុស្ស៊ីវិញ ជាថ្នូរនឹងកិច្ចព្រមព្រៀងសន្តិភាព
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
សហរដ្ឋអាម៉េរិកបានស្នើឱ្យមានការដោះបម្រាមបង្កកលើទ្រព្យសម្បត្តិរុស្ស៊ីតម្លៃរាប់ពាន់លានអឺរ៉ូ ដែលកំពុងរក្សាទុកក្នុងសហភាពអឺរ៉ុប ក្នុងគោលបំណងជំរុញកិច្ចព្រមព្រៀងសន្តិភាពសម្រាប់ជម្លោះអ៊ុយក្រែន
លោក Trump ទំនងពិចារណាបណ្ដេញរដ្ឋមន្ត្រីសង្គ្រាម ដើម្បីគេចពីការទទួលខុសត្រូវលើសង្គ្រាមអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
ប្រធានាធិបតីអាម៉េរិក លោក Donald Trump ទំនងជាកំពុងពិចារណាលើលទ្ធភាពបណ្តេញរដ្ឋមន្ត្រីក្រសួងសង្គ្រាម លោក Pete Hegseth ចេញពីតំណែង បន្ទាប់ពីការបោះឆ្នោតសភាពាក់កណ្តាលអាណត្តិខាងមុខនេះ ដើម្បីជួយដកខ្លួនចេញពីការទទួលខុសត្រូវចំពោះសង្គ្រាមជាមួយប្រទេសអ៊ីរ៉ង់
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
អ្នកជំនាញ បង្ហាញវិធីចាយវាយកុំឱ្យក្រោយភ្ជុំលំបាកខ្លាំង
សមាគមមីក្រូហិរញ្ញវត្ថុកម្ពុជា និងវិទ្យាស្ថានអភិវឌ្ឍន៍ និងសេដ្ឋកិច្ច រួមគ្នាពង្រឹងចំណេះដឹងផ្នែកហិរញ្ញវត្ថុ និងការត្រៀមខ្លួនសម្រាប់អាជីពរបស់យុវជន
Account
Security
Favourite Content