សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អាត្រានៃការជួលទីតាំងសម្រាប់លក់រាយ ក្នុងផ្សារទំនើបមានការប្រើប្រាស់អស់ ៦៨% នៅត្រឹមរយៈពេលពាក់កណ្ដាលឆ្នាំ នៃឆ្នាំ២០២២។ នេះបើតាម ទិន្នន័យពីក្រុមហ៊ុន CBRE Cambodia តាមរយៈកម្មវិធីធ្វើបទបញ្ហាញអំពីទីផ្សារអចលនទ្រព្យនៅទូទាំងប្រទេសសម្រាប់ត្រីមាសទី២ កាលពីថ្ងៃទី៧ ខែកក្កដា កន្លងទៅ។
អាត្រា ៦៨.៤% នេះបានកើនឡើងប្រមាណជាជិត២% ពីត្រីមាសទី១ ដោយកាលណោះ គឺមានការប្រើប្រាស់បាន ៦៦.៦% រាប់បញ្ចូលជារូមនូវប្រភេទផ្សារទំនើប ឬផ្សាររៀបរយទាំងអស់នៅកម្ពុជា ដោយគិតទាំងផ្សារទំនើប ផ្សារលក់ទំនិញចម្រុះ ផ្សារ Mart និងផ្សារសហគមន៍ជាដើម។ យ៉ាងណាមិញ ក្រុមហ៊ុន CBRE បានដាក់ការរំពឹងថា នៅសល់ទីតាំងសម្រាប់ជួលចំនួន ១៩ម៉ឺនម៉ែត្រការ៉េទៀត សម្រាប់ឆ្នាំ២០២២នេះ។
ដោយឡែក សម្រាប់តម្លៃនៃការជួលទីតាំងផ្សារទំនើបនៅក្នុង ត្រីមាសទី២ ឆ្នាំ២០២២នេះ មានតម្លៃ ចន្លោះពី ២៥$ ទៅ៣០$ ក្នុងមួយម៉ែត្រការ៉េ។ ដែលតម្លៃនេះមានការធ្លាក់ចុះបន្តិចបន្តួច គិតចាប់ តាំងពីការផ្ទុះរាលដាលជំងឺកូវីដ១៩ មក។
ជាចំណែកមួយនៃការកើនឡើងអាត្រាជួលខាងលើ ការអភិវឌ្ឍនៃគម្រោងទីតាំងលក់រាយនៅក្នុងផ្សារទំនើបមានការពង្រីកខ្លួនគួរឱ្យកត់សម្គាល់ ដែលត្រឹមរយៈពេល៣ត្រីមាសចុងក្រោយនេះ ដោយសារតែបញ្ហាកូវីដបានក្លាយជាមូលហេតុមួយដែលរុញទំនោរប្រជាជនឱ្យគិតគូរពីសុវត្ថិភាពក្នុងការដើរទិញទំនិញ។ រីឯអាត្រានៃការជួលផ្សារសហគមន៍ក៏មានការកើនឡើងផងដែរ។
នៅក្នុងទិន្នន័យដដែលបានបញ្ជាក់ដែរថា នៅត្រីមាសទី២ នៃឆ្នាំ២០២២នេះ មានការសម្រេចបានលើការសាងសង់ និងបើកឱ្យដំណើរការនូវផ្សារទំនើបមួយគឺ ផ្សារទំនើបជីបម៉ុង598 ដែលមានទីតាំងនៅស្ថិតនៅ ក្នុងខ័ណ្ឌឬស្សីកែវ ហើយក្រៅពីផ្សារទំនើបនេះ មិនមានការបើកដំណើរការនៃផ្សារទំនើបផ្សេងទៀតនោះទេ។
គួរឱ្យដឹងថា ផ្សារទំនើប និងម៉ាកផលិតផលក្នុងស្រុកដែលកំពុងមានប្រជាប្រិយភាពនាពេលបច្ចុប្បន្ននេះមានដូចជា ម្សៅ (massao), Lucky supermarket, Lucky express, U care pharma, Chip Mong supermarket ជាដើម។ ចំណែកឯម៉ាកផលិតផល និងផ្សារទំនើបអន្តរជាតិដែលពេញនិយមមាន PAPA JOHNS, 7Eleven, Pizza Hut, The Pizza Company, FILA, BOSE ។ល។
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ការពហិកាទំនិញថៃ និងការប្រើប្រាស់ផលិតផលក្នុងស្រុក ជាចលករយ៉ាងសំខាន់ជំរុញកំណើនសេដ្ឋកិច្ចជាតិ និងពង្រីក SME
Top News, ព្រឹត្តិការណ៍, សេដ្ឋកិច្ច
• 05/06/2026
ការបន្តពហិកាទំនិញថៃ និងការប្រើប្រាស់ផលិតផលក្នុងស្រុក ( Local Products) គឺជាកាតាលីករ ឬជាកម្លាំងចលករដ៏មានឥទ្ធិពលក្នុងការជំរុញកំណើនសេដ្ឋកិច្ចជាតិ និងអភិវឌ្ឍន៍សង្គមមួយឱ្យមានចីរភាព
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content