សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្នុងឆ្នាំ២០២៤នេះ សេដ្ឋកិច្ចមហាយក្សចិន នឹងមិនអាចសម្រេចបានតាមផែនការរបស់រដ្ឋាភិបាលក្រុងប៉េកាំងឡើយ ហើយមិនត្រឹមតែប៉ុណ្ណោះ វាក៏អាចជះឥទ្ធិពលអវិជ្ជមានទៅដល់ប្រទេសអភិវឌ្ឍផ្សេងទៀតដែលស្ថិតនៅក្នុងតំបន់ផងដែរ ជាពិសេសគឺអាស៊ីខាងកើត។
នៅសប្តាហ៍ទី២នៃខែតុលានេះ កាសែត The Bloomberg បានចេញផ្សាយអំពីការព្រមានរបស់ធនាគារពិភពលោក និងបានបង្ហាញថា កំណើនសេដ្ឋកិច្ចរបស់ចិននឹងនៅតែមានភាពខ្សោយរហូតដល់ឆ្នាំ២០២៥បើទោះបីជាកន្លងមករដ្ឋាភិបាលបានព្យាយាមក្នុងការដាក់បន្ថែមជំនួយគ្រប់ប្រភេទនៅតាមវិស័យដែលមានវិបត្តិក្តី។
នៅក្នុងរបាយការណ៍ប្រចាំឆមាសទី១របស់ធនាគារពិភពលោកបានអះអាងថា កំណើនសេដ្ឋកិច្ចចិននឹងបន្តធ្លាក់ចុះនៅត្រឹមតែ៤,៣ភាគរយនៅក្នុងឆ្នាំ២០២៥ ខណៈដែលកំណើនសេដ្ឋកិច្ចសរុបសម្រាប់ឆ្នាំ២០២៤នេះ អាចធ្វើបានត្រឹមតែ ៤,៨ភាគរយទាំងដែលការរំពឹងទុកផ្ទាល់របស់ខ្លួនគឺមានទៅដល់៥ភាគរយ។
ជាមួយគ្នានេះដែរ ធនាគារពិភពលោកក៏បានមើលឃើញថា ផលប៉ះពាល់នៃកំណើនសេដ្ឋកិច្ចដ៏យឺតយ៉ាវរបស់ចិនអាចធ្វើឲ្យបណ្តាប្រទេសរីកចម្រើនក្នុងតំបន់អាស៊ីកខាងកើត និងប៉ាស៊ីហ្វីក ធ្លាក់ចុះដូចគ្នា ដោយប្រទេសទាំងនោះរួមមានដូចជា ឥណ្ឌូនេស៊ី, អូស្ត្រាលី និងកូរ៉េខាងត្បូងផងដែរ។
នៅក្នុងរបាយការណ៍ដែលត្រូវបានចេញផ្សាយកាលពិថ្ងៃអង្គារសប្ដាហ៍នេះបានរៀបរាប់ថា៖ អស់រយៈពេលជាង៣ទសវត្សរ៍មកហើយដែលកំណើនសេដ្ឋកិច្ចចិនបានផ្តល់អត្ថប្រយោជន៍យ៉ាងច្រើនជូនទៅដល់ប្រទេសអ្នកជិតខាង ក៏ដូចជានៅក្នុងតំបន់ ប៉ុន្តែមកទល់ពេលនេះកម្លាំងរុញច្រានទាំងនោះហាក់ដូចជាបានថមថយកម្លាំងបន្តិចទៅហើយ។
ការខកចិត្តរបស់រដ្ឋាភិបាលចិនដែលសង្ឃឹមថានឹងអាចធ្វើបានកំណើន៥ភាគរយនៅក្នុងឆ្នាំនេះគឺត្រូវបានអ្នកជំនាញមើលឃើញថាកើតឡើងដោយសារតែការថយចុះនៃកម្លាំងចាយវាយរបស់ពលរដ្ឋនៅក្នុងខែសីហា និងបញ្ហាវិបត្តិអចលនទ្រព្យដែលកំពុងបន្តប៉ះពាល់យ៉ាងស៊ីជម្រៅនៅទូទាំងប្រទេស។ ជាចំណាត់ការរបស់រដ្ឋាភិបាលទីក្រុងប៉េកាំងនៅចុងខែកញ្ញាកន្លងមកនេះបានព្យាយាមក្នុងការកែប្រែគោលនយោបាយថវិកាដែលរួមមានទាំងការកាត់បន្ថយអត្រាការប្រាក់ជាដើម ប៉ុន្តែជាលទ្ធផលហាក់ដូចជាមិនសូវទទួលបានប្រសិទ្ធភាពនោះទេ។
ទោះជាយ៉ាងណាក្តី ឥទ្ធិពលអវិជ្ជមានចំពោះប្រទេសនៅអាស៊ីខាងកើតដែលបណ្តាលមកពីភាពយឺតយ៉ាវនៃកំណើនសេដ្ឋកិច្ចរបស់ចិនមិនមែនជាឬសគល់តែមួយគត់នោះទេ ប៉ុន្តែវាក៏ទទួលរងមកពីបញ្ហានៃការផ្លាស់ប្តូរធ្វើពាណិជ្ជកម្មរបស់សកលលោក, ការផ្លាស់ប្តូរនៃទំនោរវិនិយោគ ព្រមទាំងស្ថានភាពគោលនយោបាយមិនច្បាស់លាស់របស់សកលលោកផងដែរ៕
Account
Security
Favourite Content