សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពីរដ្ឋបាលព័ត៌មានថាមពល (EIA) បានរាយការណ៍ថា កំណើននៃការប្រើប្រាស់ប្រេងរបស់ឥណ្ឌានឹងមានល្បឿនលឿន ហើយកើនឡើងច្រើនជាងចិនទាំងក្នុងឆ្នាំ២០២៥។
បើគិតចាប់តាំអពីឆ្នាំ១៩៩៨ ដល់ឆ្នាំ២០២៣ ចំនួននៃការប្រើប្រាស់ប្រេងរបស់ចិនកើនឡើងច្រើនជាងឥណ្ឌាស្ទើរតែរៀងរាល់ឆ្នាំ ដែលធ្វើឲ្យចិនក្លាយជាអ្នកប្រើប្រាស់ប្រេងធំជាងគេទី២ របស់ពិភពលោក បន្ទាប់ពីសហរដ្ឋអាម៉េរិក។ យ៉ាងណាមិញ គេព្យាករណ៍ថា ឥណ្ឌាមានចំណែក ២៥ ភាគរយនៃកំណើនការប្រើប្រាស់ប្រេងសរុបទូទាំងពិភពលោកទាំងក្នុងឆ្នាំ២០២៤ និងបន្តក្នុងឆ្នាំ២០២៥ ។ ការកើនឡើងនៃតម្រូវការឥន្ធនៈនេះគឺជំរុញឡើងដោយផ្នែកដឹកជញ្ជូន និងការកើនឡើងនៃការប្រើប្រាស់ប្រេងឥន្ធនៈក្នុងគ្រួសារ ដែលធ្វើឱ្យឥណ្ឌាមានតំណែងជាអ្នកប្រើប្រាស់ប្រេងធំជាងគេទី៣ របស់ពិភពលោក។
ជាមួយគ្នានេះ ស្របពេលដែលឥណ្ឌាបន្តពង្រីកសេដ្ឋកិច្ចរបស់ខ្លួន តម្រូវការថាមពលកំពុងកើនឡើង ជាពិសេសឥន្ធនៈ។ ផ្អែកលើកត្តាទាំងនេះដែលជំរុញដល់ការកើនឡើងនៃតម្រូវការប្រេងឥន្ធនៈ រហូត EIA ព្យាករណ៍ថា ការប្រើប្រាស់ប្រេងរបស់ឥណ្ឌានឹងកើនឡើងបន្ថែម ២,២០ លានបារ៉ែលក្នុងមួយថ្ងៃក្នុងឆ្នាំ២០២៤ និង ៣,៣០ លានបារ៉ែលក្នុងមួយថ្ងៃក្នុងឆ្នាំ២០២៥។ ក្នុងចំណោមប្រទេសទាំងអស់នៅក្នុងការព្យាករណ៍របស់ EIA ឥណ្ឌា គឺជាការព្យាករណ៍ធំជាងគេ។
ផ្ទុយទៅវិញ ការប្រើប្រាស់ប្រេងរបស់ចិនត្រូវបានគេរំពឹងថានឹងកើនឡើងក្នុងល្បឿនយឺត។ បន្ទាប់ពីនាំមុខឥណ្ឌាខាងប្រើប្រាស់ប្រេងអស់រយៈពេលជាច្រើនឆ្នាំ ចិនកំពុងប្រឈមមុខនឹងបញ្ហាជាច្រើនដែលធ្វើឲ្យតម្រូវការប្រេងរបស់ខ្លួនមានភាពតឹងតែងនៅក្នុងឆ្នាំនេះ។ ការធ្លាក់ចុះនៃការប្រើប្រាស់ប្រេងនៅក្នុងប្រទេសចិនបណ្តាលមកពីហេតុផលមួយចំនួនដូចជា៖ ការកើនឡើងនៃការប្រើប្រាស់រថយន្តអគ្គិសនី ការកើនឡើងនៃការប្រើប្រាស់ឧស្ម័នធម្មជាតិរាវក្នុងការដឹកជញ្ជូនទំនិញ ការថយចុះចំនួនប្រជាជន និងកំណើនសេដ្ឋកិច្ចយឺត។ EIA បានព្យាការណ៍ថា ចិន អាចបង្កើនការប្រើប្រាស់ប្រេងរបស់ខ្លួនបន្ថែម ៩ ម៉ឹនបារ៉ែលក្នុងមួយថ្ងៃ និង ២៥ ម៉ឺនបារ៉ែលក្នុងមួយថ្ងៃប៉ុណ្ណោះក្នុងឆ្នាំ ២០២៥។
យ៉ាងណាមិញ ចំនួនខាងលើគ្រាន់តែជាការព្យាករណ៍ទុកមុនប៉ុណ្ណោះ។ ទោះបីការប្រើប្រាស់ប្រេងរបស់ឥណ្ឌាកើនឡើងក្នុងល្បឿនលឿនជាងក៏ដោយ ប៉ុន្តែចំនួនសរុបនៃការប្រើប្រាស់របស់ចិននៅតែច្រើនជាង។ កាលពីឆ្នាំ២០២៣ ការប្រើប្រាស់ប្រេងសរុបរបស់ឥណ្ឌាមានចំនួន ៥,៣ លានបារ៉ែលក្នុងមួយថ្ងៃ ខណៈពេលដែល ចិនប្រើប្រាស់ប្រេងច្រើនជាង៣ដង ឬ ១៦,៤ លានបារ៉ែលក្នុងមួយថ្ងៃ៕
Account
Security
Favourite Content